12/09/2026
प्रथम बृहत् रक्तदान कार्यक्रम भव्यताका साथ सम्पन्न ❤️🩸
आज २०८३ भदौ २७ गते, वसन्तपुर डबली, वसन्तपुरमा नेपाल उद्योग वाणिज्य संघ काठमाडौं (NCICK) को स्थापना दिवसको गरिमामय अवसरमा आयोजित प्रथम बृहत् रक्तदान कार्यक्रम भव्यताका साथ सम्पन्न भएको छ।
संघका संस्थापक अध्यक्ष श्री दिनेश श्रेष्ठज्यू तथा संघका सम्पूर्ण संस्थापक परिवारप्रति सम्मान स्वरूप समर्पित यस विशेष रक्तदान कार्यक्रमले मानव सेवाको भावनालाई अझ सशक्त बनाएको छ। उहाँहरूको दूरदर्शी नेतृत्व, अथक परिश्रम र समर्पणकै परिणामस्वरूप आज निजी क्षेत्रको समग्र विकास र हितका लागि समर्पित प्रतिनिधिमूलक संस्था नेपाल उद्योग वाणिज्य संघ काठमाडौं (NCICK) हामीमाझ स्थापित भएको छ।
स्वास्थ्य, सामाजिक तथा विपद् व्यवस्थापन समितिको उत्कृष्ट समन्वयमा सम्पन्न यस पुण्य कार्यमा ७५ पिन्ट अमूल्य रक्त संकलन भएको छ। 🩸
मानव सेवाको यस महान् अभियानमा आफ्नो अमूल्य रक्तदान गर्नुहुने ७५ जना रक्तदाता महानुभावहरूमा संघ परिवारको तर्फबाट हार्दिक बधाई तथा गहिरो कृतज्ञता व्यक्त गर्दछु। 🙏❤️
रक्तदान गर्ने प्रबल इच्छा हुँदाहुँदै पनि स्वास्थ्य अवस्थाका कारण रक्तदान गर्न नसक्नुभएका सम्पूर्ण सहभागीहरूको सामाजिक सेवाप्रतिको भावना र योगदानलाई पनि संघले उच्च सम्मान गर्दछ।
कार्यक्रमका क्रममा रक्तदान क्षेत्रमा लामो समयदेखि निस्वार्थ सेवा पुर्याउँदै आउनुभएका आदरणीय समाजसेवीहरू श्री नीता घिराइया, श्री वीरेन्द्र कुमार जोशी तथा श्री तुल्सा देवी श्रेष्ठज्यूलाई हाम्रो निमन्त्रणा स्वीकार गरी सम्मान ग्रहण गरिदिनुभएकोमा हार्दिक धन्यवाद ज्ञापन गर्दछु। 🌹
यस कार्यक्रमलाई कुशलतापूर्वक संयोजन तथा व्यवस्थापन गर्नुहुने स्वास्थ्य, सामाजिक एवम् विपद् व्यवस्थापन समितिका सभापति तथा कार्यसमिति सदस्य श्री केशव मैनालीज्यू एवं समितिका सम्पूर्ण सदस्यज्यूहरूलाई विशेष धन्यवाद व्यक्त गर्दछु।
साथै, संघका सम्पूर्ण पदाधिकारीज्यूहरू, कार्यसमिति सदस्यज्यूहरू, साधारण सदस्यज्यूहरू, उद्योगी–व्यवसायीज्यूहरू, विभिन्न विषयगत समितिका सभापति तथा सदस्यज्यूहरू, विभिन्न क्षेत्रगत तथा वस्तुगत संघ–संस्थाहरू तथा अहोरात्र खटिनुहुने सचिवालयका कर्मचारीहरू संजीव लामा तथा प्रतिभा बहिनीप्रति हार्दिक आभार व्यक्त गर्दछु। 🙏
यस सामाजिक अभियानमा हातेमालो गर्नुहुने नेपाल रेडक्रस सोसाइटी, नेपाल वितरक संघ, ब्लड डोनर्स एसोसिएसन नेपाल (ललितपुर जिल्ला शाखा) तथा ऐतिहासिक स्थान उपलब्ध गराई सहयोग गर्नुहुने वसन्तपुर व्यवस्थापन समितिप्रति हार्दिक कृतज्ञता व्यक्त गर्दछु।
अन्त्यमा, यस कार्यक्रमलाई आर्थिक, भौतिक, नैतिक तथा स्वयंसेवी रूपमा सफल बनाउन सहयोग गर्नुहुने सम्पूर्ण शुभचिन्तक, सहयोगी तथा रक्तदाता महानुभावहरूमा पुनः हार्दिक धन्यवाद ज्ञापन गर्दछु।
आगामी दिनहरूमा पनि यहाँहरूको यस्तै निरन्तर साथ, सहयोग र सहकार्यको अपेक्षा राख्दछु।
🩸 रक्तदान जीवनदान । रक्तदान महादान ।
❤️ एक थोपा रगत, कसैको जीवनको आशा बन्न सक्छ।
🙏 मानव सेवामा हातेमालो गरौँ।
#रक्तदानजीवनदान #रक्तदानमहादान