Dr KN Paudel

11/09/2026

कर्णाली प्रदेशका माननीय मुख्यमन्त्रीज्यू र सचिवज्यू लाई नेपाल चिकित्सक संघ, सुर्खेत शाखाको अध्यक्षको हैसियतमा भेटी बधाई तथा शुभकामना व्यक्त गर्ने अवसर प्राप्त भयो।

भेटका क्रममा कर्णाली प्रदेशमा चिकित्सक तथा स्वास्थ्यकर्मीका समसामयिक विषयमा महत्वपूर्ण छलफल भयो। विशेषगरी:

• चिकित्सकहरूलाई प्रदान हुँदै आएको प्रोत्साहन भत्ता पुनः उपलब्ध गराउने विषयमा पहल गर्ने
• प्रदेशका स्वास्थ्य संस्थाहरूको आवश्यकता र कार्यबोझअनुसार विद्यमान दरबन्दी तथा संगठन संरचना (ONM) पुनरावलोकन गर्ने
• अध्ययन बिदाका लागि आवश्यक सेवाअवधिमा रहेको असमानता र व्यावहारिक कठिनाइलाई सम्बोधन गर्ने

कर्णालीको स्वास्थ्य सेवा अझ व्यवस्थित, प्रभावकारी र चिकित्सक–मैत्री बनाउन सम्बन्धित निकायबीच निरन्तर संवाद र सहकार्य आवश्यक छ। यी विषयमा सकारात्मक पहल र सहकार्यका लागि माननीय मुख्यमन्त्रीज्यूप्रति हार्दिक धन्यवाद।

08/09/2026

रसुवाको भोटेकोशी बाढीमा ज्यान गुमाउनुभएका सम्पूर्णप्रति भावपूर्ण श्रद्धाञ्जली अर्पण गर्दै नेपाल चिकित्सक संघ (NMA) सुर्खेत शाखाको पहलमा वीरेन्द्रचोकमा सोमबार दीप प्रज्वलन गररिएको छ।

यस दुःखद घडीमा पीडित परिवार तथा प्रभावित समुदायप्रति ऐक्यबद्धता जनाउँदै NMA सुर्खेत शाखाबाट पहिलो चरणमा रु. ३,१४,७५४ (तीन लाख चौध हजार सात सय चौवन्न रुपैंया मात्र) आर्थिक सहयोग प्रदान गरिएको छ। NMA Surkhet को अध्यक्षका रूपमा, यस्तो मानवीय कार्यमा चिकित्सकहरू एकजुट भएको देख्न पाउँदा विशेष गर्व महसुस भएको छ।

कार्यक्रममा उपस्थित भई श्रद्धाञ्जली अर्पण गर्नुहुने पत्रकार मित्रहरू, नेपाल नर्सिङ संघ, प्रदेश अस्पतालका प्रतिनिधिहरू तथा पूर्व निर्देशक डा. डम्बरज्यू लगायत सम्पूर्णप्रति हार्दिक धन्यवाद। 🙏

एकता र मानवता नै हाम्रो शक्ति हो।

07/09/2026

नेपाल चिकित्सक संघ (NMA), सुर्खेत शाखाको अध्यक्षको जिम्मेवारी प्राप्त गर्नु मेरा लागि गौरवसँगै एउटा ठूलो जिम्मेवारी र चुनौती पनि हो। यस महत्वपूर्ण अवसरमा मप्रति विश्वास व्यक्त गर्नुहुने सम्पूर्ण अग्रज, सहकर्मी तथा NMA सुर्खेत परिवारप्रति हार्दिक आभार व्यक्त गर्दछु।

चिकित्सकहरूबीचको एकता, सहकार्य र आपसी विश्वासलाई अझ सुदृढ गर्दै पेशागत हकहित र चिकित्सकीय पेशाको गरिमा संरक्षण गर्नुका साथै कर्णाली प्रदेशको स्वास्थ्य सेवा प्रणालीलाई थप सुदृढ, प्रभावकारी र सेवामुखी बनाउन समन्वयकारी भूमिका निभाउन मेरो कार्यसमिति प्रतिबद्ध रहनेछ।

महासचिव डा. किशोरज्यू, उपाध्यक्ष डा. शुभज्यू लगायत सम्पूर्ण समर्पित कार्यसमितिको साथ, सहयोग र सहकार्यमा हामी सकारात्मक परिवर्तन ल्याउन सफल हुनेछौँ भन्ने विश्वास लिएको छु।

पदभार ग्रहणपश्चात बसेको पहिलो बैठकबाट प्रदेश अस्पताल परिसरमा शाखा कार्यालय सञ्चालन गर्ने, संघका गतिविधिलाई प्रभावकारी बनाउन विभिन्न उप–समितिहरू गठन गर्ने, प्रत्येक महिनाको अन्तिम सातामा नियमित बैठक बस्ने तथा पदाधिकारी/सदस्यहरूबाट मासिक आर्थिक योगदान संकलन गर्ने निर्णय गरेका छौँ।

साथै, रसुवा बाढीपीडितका लागि आर्थिक सहयोग गर्ने तथा नवनियुक्त मुख्यमन्त्रीज्यू र सामाजिक विकास मन्त्रीज्यूलाई बधाईसहित स्वास्थ्य क्षेत्र सुधारसम्बन्धी ज्ञापनपत्र पेश गर्ने निर्णयसमेत गरिएको छ।

11/06/2026

कर्णालीको दुर्गम भूगोलमा १० वर्षभन्दा बढी समय बिताउँदा पनि यहाँका गरिब, विपन्न र सेवाबाट वञ्चित नागरिकहरूको सेवा गर्ने चाहना कहिल्यै कम भएको छैन। यही भावनाबाट प्रेरित भएर हामीले सालकोट प्राथमिक स्वास्थ्य केन्द्रमा मधुमेह र उच्च रक्तचाप लक्षित निःशुल्क स्वास्थ्य शिविर सञ्चालन गर्यौं।

सालकोट दूरीका हिसाबले धेरै टाढा नभए पनि कमजोर सडक अवस्थाका कारण अझै पनि निकै टाढा महसुस हुने ठाउँ हो। तर त्यहाँका नागरिकहरूको उत्साह र स्वास्थ्य सेवाप्रतिको आवश्यकता देख्दा हाम्रो यात्रा सार्थक बन्यो।

शिविरमा करिब २०० जना बिरामीहरूको स्वास्थ्य परीक्षण गरिनुका साथै निःशुल्क औषधि वितरण गरिएको थियो।

यस अभियानलाई सफल बनाउन सहयोग गर्नुहुने सालकोट PHC का डा. आवासज्यू तथा उहाँको सम्पूर्ण टोली; Lions Club of Surkhet, Dipmala ; Pharmonics pharmaceuticals; , साथै डा. निष्ठाज्यू लगायत Surkhet Hospitalको Team, लाई हार्दिक धन्यवाद व्यक्त गर्दछु।

कर्णालीका दुर्गम बस्तीहरूमा आधारभूत स्वास्थ्य सेवा पुर्‍याउने हाम्रो प्रयास आगामी दिनहरूमा पनि निरन्तर रहनेछ।

08/06/2026

हामीले कर्णाली प्रदेश अस्पताल सुर्खेतमा गरेको अनुसन्धान अन्तर्राष्ट्रिय स्तरको प्रतिष्ठित जर्नलमा प्रकाशित भएको छ, यो हाम्रो लागि ठूलो सफलता हो, यसले हामी सबैलाई गर्व महसुस गराएको छ।

यो सफलता हाम्रो सम्पूर्ण टिमको कडा मेहनत, समर्पण र समुदायको सहयोगका कारण सम्भव भएको हो। यस उपलब्धिमा प्रत्यक्ष वा अप्रत्यक्ष रूपमा साथ र सहयोग गर्नुहुने सबैप्रति हार्दिक धन्यवाद।

10/04/2026

NHRC ले काठमाडौँमा आयोजना गरेको 12th National Summit of Health and population Scientists in Nepal मा स्ट्रोक सचेतनासम्बन्धी मेरो काम प्रस्तुत गर्ने अवसर पाएकोमा अत्यन्त गर्व र खुशी लागेको छ।
स्ट्रोकको पहिचान, समयमै उपचारमा पहुँच, र जनचेतना अभिवृद्धि हाम्रो साझा जिम्मेवारी हो। कर्णालीमा गरिएको यस अनुसन्धानलाई राष्ट्रिय मञ्चमा प्रस्तुत गर्न पाउनु मेरो लागि सम्मानको विषय हो।

01/02/2026

अघिल्लो हप्ता साल्कोट आधारभुत अस्पतात पन्चपुरी मा KN HEALTH FOUNDATION ले स्ट्रोक सचेतना तथा निःशुल्क स्वास्थ्य शिविर सम्पन्न गर्यो।

यस अभियानमार्फत करिब ३०० जना सेवाग्राहीलाई निशुल्क स्वास्थ्य सेवा प्रदान गर्न पाउँदा अत्यन्त खुशी लाग्यो।
विशेष रूपमा नसर्ने रोगहरू (NCDs) अन्तर्गत
मधुमेह (DM) र उच्च रक्तचाप (HTN) मा केन्द्रित स्क्रिनिङ र परामर्श गरियो।

यसै अवसरमा नेपाल स्ट्रोक प्रोजेक्टको सहयोगमा
करिब ४० जना स्वास्थ्यकर्मीहरूका लागि
स्ट्रोक सचेतना अभियान तथा अभिमुखीकरण कार्यक्रम पनि सम्पन्न गरियो।साथै केही सहभागीलाई प्यारालाइसिसको सचेतना सम्बन्धी सन्देशमूलक भिडियो पनि देखाउने काम भयो ।

स्थानीय समुदाय, Dr. Aavas सहित साल्कोट आधारभुत अस्पतास पन्चपुरी -२, सुर्खेतका सन्चालन तथा ब्यबस्थापन समितिका अध्ययक्ष यम बि.सि. सर सहितको सम्पूर्ण टिम, Rajendra adhikari, Mahendra Kandel, Krishna Kandel, Bharat Devkota र सुर्खेत हस्पिटल प्रा.ली.का भाईबहिनीहरू र PHARMONICS LIFE SCIENCES लाइ सक्रिय सहभागिता जनाएकोमा मुरी मुरी धन्यवाद।
सचेतना नै रोकथामको पहिलो कदम हो भन्ने विश्वासका साथ
कार्यक्रम साँच्चै अद्भुत र सम्झनलायक रह्यो।

04/01/2026

उच्च रक्तचाप सम्बन्घी छापिएको मेरो लेख ….

तपाईंले आज खाने रक्तचापको औषधिले पाँच वा दश वर्ष पछिको समयमा पक्षाघात, हृदय रोग र अन्य जटिलताहरूबाट जोगिन मद्दत ग....

04/09/2025

WHO ले गरेको कालाजर (KALA-AZAR) सम्बन्धी अर्थपूर्ण कार्यमा नेपाल र कर्णालीको प्रतिनिधित्व गर्न पाएकोमा र यस यात्रामार्फत पेपर प्रकाशित गर्ने अवसर पाउँदा अपार गर्व र कृतज्ञताले भरिएको छु।