Barangay Balao Health Team

29/05/2026

IP Buntis symposium

29/05/2026

Ngayong araw, ika-29 ng Mayo 2026, matagumpay na isinagawa ang IP Buntis Symposium 2026 sa Sitio GCFI, Barangay Balao bilang bahagi ng patuloy na pagsusulong ng kalusugan at wastong nutrisyon para sa ating mga buntis na kababaihan sa komunidad.

Layunin ng programang ito na mabigyan ng sapat na kaalaman at gabay ang ating mga ina tungkol sa tamang pangangalaga sa pagbubuntis, wastong nutrisyon, kahalagahan ng prenatal check-up, at iba pang serbisyong pangkalusugan upang masiguro ang ligtas at malusog na pagbubuntis para sa ina at sanggol.

Ang aktibidad na ito ay naging posible sa tulong ng Health Promotion Grant mula sa Philippine Multisectoral Nutrition Project at UNICEF at sa Lokal na Pamahalaan ng Abra de Ilog sa pagsuporta sa nasabing programa para maihatid ang mahahalagang serbisyong pangkalusugan sa ating mga IP buntis.

Nagpapasalamat din po kami sa pagdalo nina Sir Jordan Parado at Sir Daniel Manambid from MPMO na naging bahagi ng matagumpay na aktibidad.

Taos-puso rin po ang aming pasasalamat sa ating Kapitan Mark Lester Z. Castillo at sa mga Kagawad at Staff ng Barangay Balao sa pagbibigay ng serbisyo at suporta para sa ating mga buntis. Gayundin sa pamunuan ng Municipal Health Office Abra de Ilog sa pangunguna ni Dr. Mianne Airish C. Hernandez, sa Nurse Supervisor ng Barangay Balao na si Ma'am Stephanie Rae Baccay , at sa ating masisipag na Midwife, Nurse, BNSs, at BHWs na naglaan ng oras at kaalaman upang higit na mapalawak ang kamalayan ng ating mga kababaihan tungkol sa kalusugan.

Maraming salamat din sa lahat ng dumalo, nakiisa, at sumuporta sa programang ito. Ang inyong pakikiisa ay malaking tulong upang mas mapalakas pa natin ang pangangalaga sa kalusugan ng mga ina at mga sanggol sa ating komunidad.

14/05/2026

Ngayong araw May 14, 2026 ay nagsagawa ng pagbisita sina Ma'am Julie Bandiola, Nutritionist from PDOHO Occidental Mindoro at Ma'am Helen Marie H. Diamante, Nurse1/MNAO from MHO-Abra de Ilog sa Barangay Health Station ng Barangay Balao upang magsagawa ng assessment at monitoring para sa certification ng ating Breastfeeding Corner.

Layunin ng pagbisitang ito na masiguro na ang ating Breastfeeding Corner ay may maayos, ligtas, malinis, at komportableng lugar para sa mga ina na nagpapasuso. Mahalaga ang pagkakaroon ng breastfeeding corner upang mas mapalakas ang suporta sa mga nanay at mahikayat ang kahalagahan ng exclusive breastfeeding para sa kalusugan at tamang nutrisyon ng mga sanggol.

Patuloy po ang ating Barangay Health Station sa pagsusulong ng mga programang pangkalusugan para sa kapakanan ng bawat pamilya sa ating komunidad. 💙👶

13/05/2026

Awarding of Toilet Materials at sitio Tambarikay

13/05/2026

Distribution of toilet Materials at sitio Tambarikay

13/05/2026

Ngayong araw May 13, 2026 ay matagumpay na naisagawa ang awarding ng toilet materials sa Sitio Tambarikay, Barangay Balao bilang bahagi ng patuloy na pagsusulong ng mas maayos na sanitasyon at kalusugan sa komunidad.

Ang Sitio Tambarikay ay isa sa mga lugar sa Barangay Balao na matagal nang may suliranin pagdating sa maayos na palikuran. Matapos ang isinagawang pagbisita ng ating mga Sanitation Personnel at pagsasagawa ng mga Information Education Campaign (IEC) activities tungkol sa WASH (Water, Sanitation, and Hygiene), naging positibo ang pagtugon ng mga residente sa kahalagahan ng tamang sanitasyon.

Bilang pagsisimula ng programa, naunang nabigyan ng toilet materials ang apat na residente na agad tumugon at nakapaghukay para sa kanilang magiging palikuran. Sa kasalukuyan ay patuloy pa rin ang paghuhukay ng iba pang residente, at makakaasa sila na agad din itong tutugunan upang mabigyan ng disenteng CR ang bawat tahanan sa komunidad.

Sa pagtutulungan ng komunidad at ng ating mga health workers, unti-unti nating naaabot ang layunin na magkaroon ng mas malinis, ligtas, at mas malusog na kapaligiran para sa lahat. 💚

11/05/2026

📢 𝗬𝗼𝘂𝘁𝗵 𝗗𝗲𝘃𝗲𝗹𝗼𝗽𝗺𝗲𝗻𝘁 𝗦𝗲𝘀𝘀𝗶𝗼𝗻 | 𝗠𝗮𝘆 𝟳, 𝟮𝟬𝟮𝟲

Matagumpay na isinagawa ang Youth Development Session para sa mga kabataan sa Convergence Site, Sitio GCFI, Barangay Balao noong Mayo 7, 2026. Layunin ng aktibidad na mapalawak ang kaalaman ng mga kabataan tungkol sa kalusugan at wastong pangangalaga sa sarili at komunidad.

Nagkaroon ng Information Education Campaign (IEC) discussion tungkol sa:
✅ Teenage Pregnancy
✅ Reproductive Health
✅ HIV Awareness
✅ WASH (Water, Sanitation, and Hygiene)

Nagsagawa rin ng iba’t ibang activities kaugnay ng PuroKalusugan upang hikayatin ang aktibong pakikilahok ng mga kabataan at mapalalim ang kanilang kaalaman tungkol sa kahalagahan ng kalusugan at kalinisan sa komunidad.

Kasabay nito ay isinagawa rin ang NCD Risk Assessment para sa mga residente na may edad 20 taong gulang pataas upang masuri ang posibleng panganib sa mga non-communicable diseases tulad ng hypertension at diabetes.

Nagbisita rin ang ating Sanitary Inspector upang suriin ang kalagayan ng water source at mga palikuran sa nasabing sitio bilang bahagi ng pagpapanatili ng maayos na sanitasyon at kaligtasan ng komunidad.

Maraming salamat sa lahat ng nakiisa at nakibahagi sa matagumpay na aktibidad na ito para sa mas malusog, mas ligtas, at mas maunlad na pamayanan. 💙

07/05/2026

It’s World Day.

Did you know that sepsis, blood stream infections, surgical site infections and others can be prevented with hand hygiene action and other infection prevention measures?

Save lives, clean your hands!

07/05/2026