22/07/2024
ANO ANG KETOANALOGUES?
BY: Dr. Carlo Trinidad - Kidney MD
✅ Ang KETOANALOGUES + ESSENTIAL AMINO ACIDS ay isang uri ng mga gamot na ginagamit para sa may mga CHRONIC KIDNEY DISEASE.
✅ Ang KETOANALOGUES ay NITROGEN-FREE analogs ng mga amino acids. Hindi gaya ng mga amino acids na naglalaman ng nitrogen, walang nitrogen ang mga ketoanalogues.
✅ Ang NITROGEN ay nakikita sa mga NITROGENOUS WASTE PRODUCTS na naiipon sa dugo kapag may CHRONIC KIDNEY DISEASE. Isang halimbawa nito ay ang UREA. Nakikita ang urea levels sa pamamagitan ng isang test na tinatawag na BLOOD UREA NITROGEN o BUN
✅ Kadalasang tumataas ang level ng UREA at iba pang NITROGENOUS WASTE PRODUCTS kapag kumakain ng PROTEIN gaya ng mga karne.
✅ Isang paraan upang MAPABAGAL ANG PAGLALA NG CHRONIC KIDNEY DISEASE ay ang pagkain ng LOW-PROTEIN DIET.
✅ Ang problema sa LOW-PROTEIN DIET sa may mga CKD ay maaari itong magdulot ng MALNUTRITION, PROTEIN-ENERGY WASTING at INFLAMMATION. Ang mga kumplikasyon na ito ay maaaring magdulot ng mataas na risk ng PAGKAMATAY.
✅ Ang pag-inom ng KETOANALOGUES ay isang mabisang paraan upang makakuha ng SAPAT NA PROTEIN ang pasyente upang hindi magkaroon ng MALNUTRITION
✅ Dahil walang NITROGEN ang KETOANALOGUE, ang pag-inom nito ay hindi makakadagdag sa UREA sa dugo.
✅ Ang KETOANALOGUES ay magandang source ng ESSENTIAL AMINO ACIDS na mahalaga para mapanatili ang MUSCLE MASS AT NUTRITIONAL STATUS ng katawan.
✅ Napatunayan na rin ang mga KETOANALOGUES (kapag ininom ng tamang dose) ay nagdudulot ng:
- Pagbagal ng pagkasira ng kidneys
- Improves malnutrition
- Nagpapababa ng risk for long-term dialysis
- Nag-iimprove ng metabolic acidosis
✅ Mahalaga na TAMA ANG DOSAGE ng gamot na ito. Sa mga pag-aaral, ang effective dose ng ketoanalogue ay 1 tablet kada 5-10 kilograms body weight. Ibig sabihin, ang taong 60 kg ang timbang ay dapat uminom ng 6 na tableta araw-araw.
✅ Mas effective din ang ketoanalogues kung sasamahan ng PROTEIN RESTRICTION o pagtitipid sa protein/karne na 0.4 grams/kg/day.
✅ Dahil hindi naman lahat ay makakabili ng gamot na ito, mas mahalaga pa ring tutukan ang wastong diet at pag-inom ng iba pang mas mahahalagang gamot gaya ng gamot para sa BLOOD PRESSURE at DIABETES.
