16/05/2026
As licensed optometrists we should be vigilant in protecting the welfare of our people and the abuse of Optometry Law or known as RA 8050.
CARE ORDINANCE APRUBADO NA SA FIRST READING
by Aksyon Radyo News Desk | Mayo 15 2026
Gin-aprubahan sang Sangguniang Panlungsod sang Bacolod sa first reading ang “Bacolod City Right to Care Ordinance of 2026.”
Ini ang gin-author ni Councilor Caesar Distrito kag co-author sanday Councilors Celia Flor, Em Ang, akag Bobby Rojas.
Ang proposed ordinance ang nagakilala sa kinamatarong sang pumuluyo nga makaangkon sang trusted healthcare partner, caregiver, ukon representative nga maka-assist sa ila sa tion sang hospitalization, emergencies, disability, illness, ukon incapacity.
Tuyo sini nga ma solusyunan ang problema sa healthcare systems kon diin wala ginakilala sa medical settings ang mga non-traditional caregiving relationships, lakip na ang pili nga meymbro sang pamilya, long-term partners, caregivers, companions kag mga abyan.
Suno kay Distrito, ang ordinansa para sa mga senior citizens, persons with disabilities, miembro sang LGBTQIA+ kag solo individuals nga posible wala sang mga pamilya.
Sa idalom sang ginaduso nga ordinansa, ang isa ka indibidwal ang mahimo mag pili sang healthcare representatives paagi sa notaryado nga dokumento, authorization forms, healthcare directives ukon digital registration sa idalom sang Right to Care Program sang syudad.
Tuyo man sang ordinansa nga kilalahon ang hospital visitation rights sang ginpili nga healthcare partners, pabaskugon pa ang emergency healthcare coordination, likawan ang pagpakamalaot sa healthcare settings, magtukod sang right to care registry kag digital verification system, maghatag sang anti-discrimination kag sensitivity training para sa healthcare institutions kag magbutang sang complaint kag grievance mechanisms kon malapas ang kinamatarong sang pasyente.
Sa amo nga ordinansa magapamuno ang City Health Office sang Bacolod City Right to Care Program upod sa koordinasyon sang City Legal Office, CSSDO, GAD Office, PDAO, OSCA, DRRMO, healthcare institutions, kag civil society organizations.
Nagpabutyag naman sang suporta sanday Councilors Flor, Ang, kag Rojas.
Kung maaprubahan ang syudad ang isa sa pila ka local government units sa Pilipinas nga nag-adopt sang"Right to Care" policies nga tuyo maprotektahan ang kinamatarong sang pasyente.
