Barangay P.F. Espiritu IV

02/08/2026

BARANGAY FIELD OPERATION | August 2, 2026

Bilang bahagi ng patuloy na pagpapanatili ng kalinisan, kaligtasan, at kaayusan ng komunidad, nagsagawa ang mga Barangay Tanod ng Brgy. P.F. Espiritu IV ng tree pruning, declogging ng drainage system, at clean-up operation sa Camia at Daisy Street, Phase 3, Sitio Panapaan 5.

Layunin ng operasyon na mapanatiling maayos ang daloy ng tubig, maiwasan ang pagbaha, at matiyak ang kaligtasan ng mga residente sa pamamagitan ng pag-aalis ng mga sagabal sa kanal at mapanganib na mga sanga ng puno.

Patuloy na hinihikayat ng Pamahalaang Barangay ang pakikiisa ng bawat mamamayan sa pagpapanatili ng isang malinis, ligtas, at disiplinadong pamayanan.

31/07/2026

Patuloy na pinalalakas ng Barangay P.F. Espiritu 4 ang kahandaan at kakayahan ng ating mga opisyal at kawani sa pamamagitan ng pagdalo sa tatlong mahalagang seminar na nakatuon sa Disaster Preparedness, Tanod Skills Enhancement, at Best Practices in Furtherance of Peace and Order and Anti-Illegal Drugs Advocacy.

Pinangunahan nina Kap. Zy, Konsehal Aqua, Ex-O Joy, kasama ang ating mga SK Officials at Barangay Tanod, ang pakikilahok sa mga pagsasanay na ito upang higit pang mapaunlad ang kanilang kaalaman at kasanayan sa paglilingkod sa komunidad.

Sa pamamagitan ng patuloy na pagkatuto at paghahanda, mas magiging handa ang ating barangay sa pagharap sa mga sakuna, pagpapanatili ng kapayapaan at kaayusan, at pagpapatibay ng kampanya laban sa ilegal na droga.

Ang Barangay P.F. Espiritu 4 ay nananatiling handa, nagkakaisa, at committed sa pagbibigay ng ligtas, maayos, at mas mapayapang komunidad para sa bawat mamamayan.

31/07/2026

Magandang balita!

Nais na po naming ipabatid sa lahat ng residente ng Agustin Compound, Sitio Panapaan 5 na naibalik na ang suplay ng kuryente ng street lights sa ating lugar.

Ang naging aberya ay dulot ng nasunog na wire, sirang breaker, at mga jumper sa linya ng kuryente. Agad naman itong naaksyunan upang maibalik ang normal na suplay ng kuryente at ilaw.

Maraming salamat po sa inyong pang-unawa, pakikiisa, at pasensya habang isinasagawa ang mga kinakailangang pagkukumpuni.

29/07/2026

📢 Paalala sa ating mga Senior Citizens!
Ipinaaalam po na ang venue ng Social Pension payout ay inilipat sa STRIKE GYM.
📅 Petsa: Hulyo 30
Inaanyayahan ang lahat ng benepisyaryo na magtungo sa bagong venue. Maraming salamat po sa inyong pang-unawa.

29/07/2026

📢 ADVANCE ADVISORY | POWER INTERRUPTION | INTERNET INTERRUPTION

Magkakaroon ng power interruption sa Sabado, Agosto 1, dahil sa paglilipat ng linya ng kuryente ng Meralco sa Camagong Street, Sitio Panapaan 5 bilang paghahanda sa pagpapalit ng poste. Maari din maapektuhan ang mga katabing lugar.

Kasabay nito, magsasagawa rin ng clearing operation sa mga linya ng internet upang alisin ang mga unauthorized at walang permit na kable. Dahil dito, may posibilidad na maapektuhan o maputol ang koneksyon ng ilang internet providers habang isinasagawa ang trabaho.

📌 Paalala: Ang advisory na ito ay lalo na para sa mga work-from-home (WFH) employees, online freelancers, online students, at iba pang umaasa sa internet upang makapagplano nang maaga.

Maraming salamat sa inyong pang-unawa at kooperasyon.

29/07/2026

🎉 **MALIGAYANG IKA-3 ANIBERSARYO NG BARANGAY MERGING!** 🎉

Isang mainit at taos-pusong pagbati sa lahat ng ating mga kababayan sa **Lungsod ng Bacoor** sa pagdiriwang ng **Ikatlong Taon ng Barangay Merging!** 💙💚

Tatlong taon ng pagkakaisa, pagtutulungan, at sama-samang paglilingkod para sa mas maunlad, mas maayos, at mas progresibong Bacoor. Ang pagsasama-sama ng ating mga barangay ay simbolo ng pagkakaisa ng bawat Bacooreno tungo sa iisang layunin—ang patuloy na pag-unlad at kapakanan ng ating komunidad.

Sa bawat pagbabago at hamon, nananatili tayong nagkakaisa at nagtutulungan para sa isang **Bacoor na Mas Maunlad, Mas Matatag, at Mas Nagkakaisa!** 🤝🏽🏙️

Mabuhay ang mga Barangay ng Bacoor!
Mabuhay ang bawat Bacooreno!
**Happy 3rd Anniversary of Barangay Merging!** 🎊

16/07/2026

07/07/2026

🌧️ RAINY SEASON SAFETY TIPS 🌧️

Ang tag-ulan ay narito na! Huwag nating hintaying dumating ang sakuna bago tayo maghanda.

✅ Itabi ang mahahalagang dokumento sa waterproof bag
✅ Maghanda ng pagkain at tubig para sa hindi bababa sa 3 araw
✅ I-charge ang cellphone at power bank
✅ Maghanda ng emergency kit
✅ Magdala ng payong at manatiling updated sa mga weather advisories

Ang simpleng paghahanda ngayon ay makatutulong upang mapanatiling ligtas ang ating pamilya at komunidad.

Mag-ingat, maging handa, at sama-sama nating panatilihing ligtas ang ating Barangay P.F. Espiritu 4.

02/07/2026

📚🥗 DAY 1 | PABASA SA NUTRISYON 🥗📚

Matagumpay na sinimulan ng Barangay P.F. Espiritu IV Nutrition Committee ang Day 1 ng Pabasa sa Nutrisyon bilang bahagi ng pagdiriwang ng 52nd Nutrition Month Celebration.

Sa pangunguna ng ating mga Barangay Nutrition Committee (BNC) members, naibahagi ang mahahalagang kaalaman tungkol sa wastong nutrisyon upang higit na maunawaan ng ating mga kabarangay ang kahalagahan ng tamang pagkain at malusog na pamumuhay.

Nagpapasalamat din tayo kay Dr. Neil Alviar sa kanyang makabuluhang pagbabahagi ng kaalaman tungkol sa pangmedisinang aspeto ng kalusugan, na nagbigay ng dagdag na impormasyon upang mapanatiling malusog at ligtas ang ating komunidad.

💚 Sa pamamagitan ng edukasyon at sama-samang pagkilos, mas napapalakas natin ang ating adbokasiya tungo sa isang mas malusog na Barangay P.F. Espiritu IV.

📖 Abangan ang mga susunod pang araw ng ating Pabasa sa Nutrisyon at ang ating "Araw-araw na NutriPayo" para sa mas marami pang kaalaman tungkol sa nutrisyon, kalusugan, at pangangalaga sa kalikasan.

🌱 "Nutrisyon at Kalikasan, Ating Palaganapin!" 🌍

02/07/2026

🌿🎉 52nd NUTRITION MONTH CELEBRATION 🎉🌿

Bilang pakikiisa, suporta, at adbokasiya ng Barangay Nutrition Committee (BNC) ng Barangay P.F. Espiritu IV, sa pamumuno ng ating masipag na Punong Barangay, Hon. Zy Bautista , matagumpay na isinagawa ang paglalagay ng Nutrition Month Tarpaulin bilang hudyat ng pagsisimula ng 52nd Nutrition Month Celebration.

Ang simpleng gawaing ito ay sumisimbolo sa ating sama-samang hangarin na isulong ang wastong nutrisyon, pangalagaan ang kalikasan, at hikayatin ang bawat pamilya na mamuhay nang malusog.

🌱 Tema ng 2026 Nutrition Month:
"Nutrisyon at Kalikasan, Ating Palaganapin!"💚🌍

📢 Abangan at gawing gabay ang ating "Araw-araw na NutriPayo"—isang serye ng mga mahahalagang kaalaman at praktikal na payo tungkol sa wastong nutrisyon, pagtatanim, at pangangalaga sa kalikasan na makatutulong sa bawat pamilyang P.F. Espiritu IV na maging mas malusog at mas masigla.

Inaanyayahan namin ang buong komunidad na makiisa sa iba't ibang programang inihanda ng Barangay Nutrition Committee sa buong buwan ng Hulyo. Sama-sama nating isabuhay ang wastong nutrisyon at pangangalaga sa kalikasan para sa isang mas malusog at mas luntiang Barangay P.F. Espiritu IV.

💚 Healthy Food. Healthy Family. Healthy Community. 💚