21/07/2026
Late na naman si Doc Perinatologist aka Doc Jacel…” 🤍😅
Alam namin na nakakapagod at nakakainip maghintay, lalo na kung may iba pa kayong lakad o may kasamang mga bata. At para doon, humihingi kami ng kaunting pang-unawa at taos-pusong pasasalamat sa inyong pasensya.
Ang totoo, wala pong consultation o ultrasound na gusto naming madaliin. Bilang Perinatologist, may mga pagkakataong may isang mommy o baby na nangangailangan ng mas mahabang oras para masuri nang mabuti, maipaliwanag ang mga findings, o mabigyan ng tamang gabay at reassurance. May mga pagkakataon ding may emergency na kailangang unahin dahil may mommy o baby na nangangailangan ng agarang atensyon.
At kapag kayo naman ang nasa loob ng consultation room, gusto rin naming maramdaman ninyo na hindi kayo minamadali. Gusto naming mapakinggan ang bawat concern, maipaliwanag nang maayos ang bawat findings, at makauwi kayong kampante at alam na natanggap ninyo ang pinakamahusay na pangangalaga para sa inyo at sa inyong baby.
Kung minsan man ay nahuhuli kami sa schedule, hindi ito dahil kulang ang respeto namin sa oras ninyo. Ito ay dahil naniniwala kami na ang bawat mommy at bawat baby ay karapat-dapat sa oras, atensyon, at de-kalidad na pangangalaga.
Maraming salamat po sa inyong tiwala, pang-unawa, at pasensya. We never take your wait—or your trust—for granted. To us, it is a reflection of the confidence you place in our care, and we remain deeply grateful for the privilege of being part of your journey.
Again, from the bottom of our hearts, thank you for allowing us to be part of one of the most important journeys of your lives. We will always strive to give every mother and every baby the compassionate, thorough, and personalized care they deserve. 🤍🌸
