Public Health Unit - Joni Villanueva General Hospital

27/09/2026

DOH-JVGH ADVISORY
September 27, 2028

Alinsunod sa Presidential Memorandum Circular No. 136, s. 2026, bilang paggunita sa “Kainang Pamilya Mahalaga” Day, ang Outpatient Department (OPD) Consultation ay suspendido sa September 28, 2026, simula 1:00 PM.

Samantala, patuloy na 24/7 operational ang mga sumusunod na serbisyo:

Emergency Room
In-Patient Services
Laboratory
Pharmacy
Radiology
Malasakit Center

Para sa mga may naka-schedule na OPD appointment, mangyaring hintayin ang text o e-mail mula sa OPD Staff para sa bagong schedule ng inyong appointment.

Maraming salamat sa inyong pang-unawa at patuloy na suporta.

DOH-JVGH ADVISORY
September 27, 2026

Alinsunod sa Presidential Memorandum Circular No. 136, s. 2026, bilang paggunita sa “Kainang Pamilya Mahalaga” Day, ang Outpatient Department (OPD) Consultation ay suspendido sa September 28, 2026, simula 1:00 PM.

Samantala, patuloy na 24/7 operational ang mga sumusunod na serbisyo:

Emergency Room
In-Patient Services
Laboratory
Pharmacy
Radiology
Malasakit Center

Para sa mga may naka-schedule na OPD appointment, mangyaring hintayin ang text o e-mail mula sa OPD Staff para sa bagong schedule ng inyong appointment.

Maraming salamat sa inyong pang-unawa at patuloy na suporta.

15/09/2026

🩸 JOIN OUR BLOOD DONATION DRIVE: BE A HERO, SAVE A LIFE!

Ang bawat patak ng dugo ay maaaring maging pag-asa, lakas, at panibagong pagkakataon para sa isang pasyenteng nangangailangan. Sa pamamagitan ng simpleng pagdo-donate, maaari kang maging tunay na bayani at makagawa ng direktang ambag sa buhay ng iba.

Maging bayani sa simpleng paraan, magbigay ng dugo at magligtas ng buhay.

📅 September 18, 2026
⏰ 8:00 AM – 12:00 PM
📍 DOH-Joni Villanueva General Hospital

PAALALA BAGO MAG-DONATE NG DUGO:
• Matulog nang sapat, magkaroon ng hindi bababa sa 6–8 oras na kalidad na tulog.
• Iwasan ang alak, walang alcohol intake sa loob ng 24 oras bago ang donation.
• Kumain nang masustansya bago mag-donate at iwasan ang matatabang pagkain.
• Uminom ng maraming tubig upang manatiling hydrated.

Taos-puso ang aming pasasalamat sa lahat ng makikiisa at magbibigay ng dugo. Ang inyong oras, malasakit, at kabutihang-loob ay malaking tulong sa mga pasyenteng nangangailangan at maaaring maging daan upang mailigtas ang isang buhay.

30/08/2026

Bulacan Emergency Hotlines

Sa oras ng sakuna, huwag mag-panic, Tumawag.
Tingnan ang larawan para sa mga numerong dapat tandaan.

I-save, i-share, at ipaskil sa lugar na madaling makita.

JVGH supports proactive public safety and fast response

26/08/2026

🚨 𝐁𝐔𝐊𝐀𝐒 𝐀𝐍𝐆 𝐉𝐕𝐆𝐇 𝐋𝐄𝐏𝐓𝐎𝐒𝐏𝐈𝐑𝐎𝐒𝐈𝐒 𝐄𝐗𝐏𝐑𝐄𝐒𝐒 𝐋𝐀𝐍𝐄 🏥

Kung ikaw ay lumusong sa baha at nakakaranas ng mga sintomas na maaaring kaugnay ng leptospirosis, huwag nang maghintay na lumala ang iyong nararamdaman. Magpakonsulta agad at bigyang-pansin ang iyong kalusugan.

Sa JVGH Leptospirosis Express Lane, narito kami upang makinig, umalalay, at magbigay ng agarang pangangalaga sa bawat pasyente.

📞 CALL JONI HOTLINE
0947-897-3076
0999-356-4435

Huwag maghintay. Huwag balewalain ang sintomas.
Kung kailangan mo ng tulong, narito ang JVGH para sa iyo.

21/08/2026

MAY PROBLEMA SA MATA? HUWAG NANG IPAGPALIBAN!

May katarata, pterygium o “laman” sa mata, kuliti, nana sa kuliti, o may bagay na pumasok sa mata? Ang JVGH Ophthalmology Team ay handang magbigay ng kumpleto, ligtas, at maaasahang pangangalaga para sa inyong paningin.

Available ang mga sumusunod na serbisyo:
- Comprehensive Eye Check-up
- Cataract Surgery
- Foreign Body Removal
- Pterygium Excision
- Sty Removal
- Sty Incision and Drainage

Ophthalmology Schedule
Tuesday–Friday | 8:00 AM–5:00 PM

Mas mabilis at mas convenient na ang pagpapaschedule!
Mag-book ng inyong Ophthalmology appointment online gamit ang link na ito:
https://appointments.jvgh-ict.site/kiosk/appointment/select-slot/5?origin=public

Maaari ring i-scan ang QR code na nasa picture upang pumili ng available na schedule.

Sa pamamagitan ng Zero Balance Billing, patuloy na inilalapit ng DOH–Joni Villanueva General Hospital ang de-kalidad at makataong serbisyong pangkalusugan sa bawat pasyente.

Alagaan ang inyong paningin. Magpa-check up at mag-book ng appointment ngayon!

19/08/2026

SA BAWAT BAHA, UNAHIN ANG KALIGTASAN AT KALUSUGAN! 🌧️💧

Sa panahon ng pagbaha, hindi lang tubig ang dapat pag-ingatan. Ang tubig-baha at putik ay maaaring kontaminado ng bacteria na nagdudulot ng leptospirosis.

Kung maaari, iwasang lumusong sa baha. Kung hindi ito maiiwasan, magsuot ng angkop na proteksyon tulad ng bota at agad na hugasan nang mabuti ang katawan gamit ang malinis na tubig at sabon pagkatapos ma-expose sa baha.

⚠️ Mag-ingat sa mga sintomas gaya ng:
• Lagnat
• Pananakit ng ulo at katawan
• Panginginig
• Pagsusuka
• Pamumula ng mga mata
• Paninilaw ng balat

Kung makaranas ng mga sintomas matapos lumusong o ma-expose sa baha, magpatingin agad sa pinakamalapit na health facility. Huwag hintaying lumala ang nararamdaman.

Hindi man natin kontrolado ang baha, maaari nating piliing maging handa at maingat.

14/08/2026

SA BAHA, UNAHIN ANG KALIGTASAN.

Hindi lahat ng panganib sa baha ay nakikita. Ang maruming tubig-baha ay maaaring may dalang mikrobyo na nagdudulot ng Leptospirosis, habang ang mga nakalubog na bagay, basura, at iba pang panganib ay maaaring magdulot ng aksidente at pinsala.

Kung ikaw o ang iyong pamilya ay nabasa o lumusong sa baha, agad na hugasan ang katawan gamit ang malinis na tubig at sabon. Iwasang lumusong sa baha kung hindi kinakailangan, lalo na ang mga bata, at maging mapagmatyag sa mga bagay na maaaring nakatago sa ilalim ng tubig.

Ang pag-iingat ay hindi lamang para sa sarili—ito ay pagprotekta sa bawat miyembro ng pamilya. Sa panahon ng baha, maging alerto, mag-ingat, at huwag ipagsawalang-bahala ang anumang sintomas o karamdaman. Kung may nararamdamang kakaiba matapos malubog sa baha, kumonsulta agad sa health professional.

Buhay at kaligtasan mo at ng iyong pamilya ang pinakamahalaga.

14/08/2026

Ang kalusugan ay isang mahalagang yaman na dapat nating alagaan—hindi lamang para sa ating sarili, kundi para rin sa mga taong mahalaga sa atin. Ang Food and Water-Borne Diseases (FWBD) ay mga sakit na maaaring makuha mula sa kontaminadong pagkain at tubig, kaya mahalagang maging maingat sa bawat kinakain at iniinom.

Para sa ating mga pasyente, kanilang mga pamilya at kasama, at lahat ng ating healthcare workers at empleyado, patuloy nating pangalagaan ang isa’t isa. Ugaliing maghugas ng kamay, uminom ng malinis at ligtas na tubig, tiyaking maayos ang pagkakaluto at pagkakahanda ng pagkain, at panatilihing malinis ang ating kapaligiran.

Ang simpleng pag-iingat ay isang paraan ng pagmamahal at malasakit. Sa bawat paghuhugas ng kamay, pagpili ng ligtas na pagkain at tubig, at pagpapanatili ng kalinisan, nakatutulong tayong protektahan ang ating sarili, ang ating mga mahal sa buhay, at ang buong komunidad.

Dahil sa JVGH, ang kaligtasan at kapakanan ng bawat tao ay mahalaga. Sama-sama tayong mag-ingat, magmalasakit, at kumilos para sa mas ligtas at mas malusog na komunidad.

12/08/2026

🛡️ PARA LIGTAS TIGDAS, MAGPABAKUNA! 💉

Makibahagi sa Measles-Rubella Supplemental Immunization Activity (MR SIA) ngayong Agosto! Inaanyayahan ang lahat ng magulang at tagapag-alaga na dalhin ang kanilang mga anak na edad 6–59 buwan sa DOH-Joni Villanueva General Hospital (JVGH) upang mabakunahan.

Ang vaccination activity ay gaganapin Agosto 12–21, 2026, tuwing lunes hanggang biyernes mula 8:00 AM hanggang 5:00 PM, sa Animal Bite Treatment Center (ABTC) ng JVGH. Hindi na kailangan magpalista o magpa-appointment—magtungo lamang sa ABTC upang mapabakunahan ang inyong anak.

Ang tigdas ay isang nakahahawang sakit, ngunit ito ay naiiwasan sa pamamagitan ng pagpapabakuna. Sama-sama nating protektahan ang ating mga anak laban sa tigdas at rubella.

Magpabakuna. Protektado ang bawat bata!

11/08/2026

DOH-JVGH ADVISORY

Ipinababatid sa lahat na ang pansamantalang pagsuspinde ng Outpatient Department (OPD) consultations sa umaga, na orihinal na nakatakda noong Agosto 6, 2026, ay hindi natuloy dahil sa isinagawang suspensyon ng trabaho dulot ng patuloy na pag-ulan at Habagat.

Kaugnay nito, ang naturang schedule ay itutuloy bukas, Agosto 12, 2026 (Miyerkules), bilang bahagi ng mga aktibidad para sa pagdiriwang ng National Hospital Week.

🕐 OPD consultations will resume at 1:00 PM.
Tanging mga pasyenteng may kumpirmadong appointment lamang ang tatanggapin. Hindi muna tatanggap ng walk-in consultations sa araw na ito.

Hinihikayat ang lahat ng pasyente na planuhin ang kanilang pagpunta sa ospital alinsunod sa iskedyul.

Para sa mga agarang pangangailangang medikal o emergency, mangyaring dumiretso sa Emergency Room.

Maraming salamat sa inyong patuloy na pag-unawa at pakikiisa.

DOH-JVGH ADVISORY

Ipinababatid sa lahat na ang pansamantalang pagsuspinde ng Outpatient Department (OPD) consultations sa umaga, na orihinal na nakatakda noong Agosto 6, 2026, ay hindi natuloy dahil sa isinagawang suspensyon ng trabaho dulot ng patuloy na pag-ulan at Habagat.

Kaugnay nito, ang naturang schedule ay itutuloy bukas, Agosto 12, 2026 (Miyerkules), bilang bahagi ng mga aktibidad para sa pagdiriwang ng National Hospital Week.

🕐 OPD consultations will resume at 1:00 PM.
Tanging mga pasyenteng may kumpirmadong appointment lamang ang tatanggapin. Hindi muna tatanggap ng walk-in consultations sa araw na ito.

Hinihikayat ang lahat ng pasyente na planuhin ang kanilang pagpunta sa ospital alinsunod sa iskedyul.

Para sa mga agarang pangangailangang medikal o emergency, mangyaring dumiretso sa Emergency Room.

Maraming salamat sa inyong patuloy na pag-unawa at pakikiisa.