https://www.facebook.com/739675555906128/

PHU-Gregorio Del Pilar District Hospital, Bagumbayan, Bulacan (2026)

14/08/2026

💖👶 Sama-sama para sa Malusog na Ina at Anak!

Sa ating Mother & Baby Friendly Hospital, bawat ina at sanggol ay mahalaga. Tinitiyak natin ang ligtas, may malasakit, at dekalidad na pangangalaga mula pagbubuntis hanggang sa paglaki ng bata sa pamamagitan ng tamang konsultasyon, breastfeeding support, health education, at patuloy na paggabay sa bawat pamilya.

Dahil ang isang malusog na ina ay pundasyon ng isang malusog na anak at mas matatag na komunidad. 💕🏥

14/08/2026

Batang Bulakenyo, Bakunado, Protektado! 💙💉

Ang MRSIA (Measles-Rubella Supplemental Immunization Activities) ay isang mahalagang hakbang upang maprotektahan ang ating mga anak laban sa measles at rubella. Ang kanilang kaligtasan ay hindi lamang responsibilidad ng health workers—ito ay pinagsamang pagkilos ng pamilya, komunidad, paaralan, at mga institusyong pangkalusugan.

Bilang mga magulang, ang pagpapabakuna ay isang mahalagang bahagi ng responsableng pagiging magulang—isang simpleng hakbang ngayon para sa mas ligtas at malusog na kinabukasan ng ating mga anak. ❤️

📣 Inaanyayahan namin ang lahat ng magulang at tagapag-alaga:
Dalhin ang inyong mga anak sa pinakamalapit na Health Center at makiisa sa MRSIA immunization activities. Magtanong sa inyong health workers tungkol sa schedule at mga kinakailangang bakuna.

🤝 Patuloy na nakikiisa ang Gregorio del Pilar District Hospital sa mga programa ng Department of Health upang itaguyod ang kalusugan, kaligtasan, at kapakanan ng bawat batang Bulakenyo.

Sama-sama tayo. Magpabakuna. Mag-ingat. Magmalasakit.
Para sa batang ligtas, protektado, at malusog! 💙

11/08/2026

Long post:

SA LIKOD NG BAWAT UNIPORME, MAY ISANG TAONG PATULOY NA LUMALABAN. ❤️🏥

Sa lahat ng healthcare workers ng ating ospital mula sa mga Guards, Maintenance, Janitorial Staff, Kitchen Staff, Pharmacists, Medical Technologists, Radiologic Technologists, Administrative Staff, Nurses, Doctors, at lahat ng bumubuo sa ating healthcare team—maraming salamat.

Hindi madali ang araw-araw na pagpasok sa trabaho.

May mga pagkakataong kapos ang kagamitan, kulang ang pasilidad, hindi pantay ang mga schedule, mabigat ang workload, at may mga desisyong hindi madaling maunawaan. May mga pagkakataong tayo mismo ang unang naaapektuhan ng mga pagkukulang ng sistema.

Ngunit sa kabila ng lahat, patuloy kayong pumapasok. Patuloy kayong nagsisilbi. Patuloy kayong nagpapakita.

Marami sa atin ang may pagkakataong umalis. Marami ang maaaring pumili ng ibang lugar, ibang trabaho, o ibang bansa. Ngunit pinili pa rin ng marami sa atin na manatili—dito sa ating bansa, dito sa ating komunidad, at dito sa ating mga kababayan—upang maglingkod.

Dahil ang serbisyo publiko ay hindi lamang nasusukat sa sahod.

May mga bagay na hindi kayang tumbasan ng pera—ang pagod na tiniis, ang oras na isinakripisyo, ang pasyenteng inalagaan, ang pamilyang napagaan ang loob, at ang bawat araw na pinili nating magpakita at tumupad sa ating tungkulin.

Kaya sana, matuto tayong magpasalamat at rumespeto sa bawat isa.

Walang trabaho ang maliit.
Walang gampanin ang walang halaga.
Walang sinuman ang higit sa iba.

Lahat tayo ay may kanya-kanyang tungkulin. Lahat tayo ay may ambag. At higit sa lahat, lahat tayo ay tao.

Sa likod ng puting uniporme, ID, scrub suit, laboratory gown, guard uniform, maintenance uniform, kusinero, janitor, administrative attire, at bawat kasuotang kumakatawan sa ating trabaho—may isang taong may puso, may pagod, may problema, may pangarap, at may sariling sakripisyong hindi natin nakikita.

Kaya sana, bago tayo manghusga, manlait, mang-bash, mag-power trip, o gumamit ng posisyon upang makapanakit, matuto muna tayong makinig, umunawa at makipag-usap nang maayos.

Hindi kabawasan sa atin ang maging mabuti sa kapwa.

Hindi kahinaan ang magpakita ng respeto.

At hindi kailanman mali ang pumili ng matalino, mahinahon at makataong diskusyon kaysa sigawan, pangmamaliit, power tripping at pambabastos.

Gamitin natin nang tama ang ating mga salita at plataporma—hindi upang maghati-hati, kundi upang magtulungan. Hindi upang manakit, kundi upang magbigay-liwanag.

Dahil sa huli, pare-pareho lamang tayong may hangaring makauwi nang ligtas, magampanan ang ating trabaho, makatulong sa kapwa, at maging bahagi ng isang sistemang mas makatao.

Sa bawat healthcare worker na pagod ngunit patuloy na pumapasok, nasasaktan ngunit patuloy na naglilingkod, nadidismaya ngunit pinipiling gawin pa rin ang tama—SALUDO KAMI SA INYO. 🫡❤️

Thank you for showing up.
Thank you for standing your ground.
Thank you for serving.
Thank you for choosing to care.

NO ONE IS ABOVE. NO ONE IS LESS.
LAHAT TAYO AY MAY GAMPANIN.
LAHAT TAYO AY MAHALAGA.

Sa pagtatapos ng hospital week ngayung Agosto 12, 2026 isang tapik sa balikat kapwa ka-agapay sa kalusugan, you did a great job! Thank you!

Respeto. Pag-unawa. Kabutihan. Serbisyo.

Dahil ang tunay na serbisyo publiko ay hindi lamang tungkol sa posisyon—ito ay tungkol sa taong pinili pa ring maglingkod kahit hindi naging madali ang lahat.

10/08/2026

🌧️🌊 PUBLIC HEALTH ADVISORY: KALUSUGAN SA PANAHON NG BAHA AT BAGYO 🌀

Sa panahon ng malakas na ulan, bagyo at pagbaha, hindi lamang kaligtasan mula sa panganib ang dapat nating isipin—mahalaga rin ang pag-iwas sa mga sakit na maaaring kumalat pagkatapos ng baha.

⚠️ MGA SAKIT NA DAPAT PAG-INGATAN:
🦠 Leptospirosis – maaaring makuha sa paglusong o paglangoy sa baha na kontaminado ng ihi ng daga o hayop.
💧 Diarrhea at iba pang sakit sa tiyan – dulot ng kontaminadong tubig at pagkain.
🦟 Dengue at iba pang sakit na dala ng lamok – maaaring dumami ang breeding sites pagkatapos ng baha.
🤧 Ubo, sipon at iba pang respiratory infections – mas madaling kumalat sa siksikan at evacuation centers.
🩹 Skin infections – maaaring dulot ng maruming tubig, sugat at matagal na pagkakababad sa baha.
🦠 Cholera at iba pang waterborne diseases – maaaring kumalat sa kontaminadong tubig at pagkain.

🛡️ PAANO MAKAIWAS?

✅ Iwasang lumusong sa baha kung hindi kinakailangan.
✅ Kung kailangang lumusong, magsuot ng boots, gloves o protective clothing kung mayroon.
✅ Hugasan agad ang katawan gamit ang malinis na tubig at sabon pagkatapos ma-expose sa baha.
✅ Huwag uminom ng tubig na hindi tiyak ang kalinisan. Gumamit ng bottled, boiled o ligtas na inuming tubig.
✅ Siguraduhing malinis at lutong mabuti ang pagkain. Itapon ang pagkaing nabasa o nadikitan ng baha.
✅ Maghugas ng kamay bago kumain, pagkatapos gumamit ng palikuran, at pagkatapos humawak ng maruming bagay.
✅ Linisin at takpan ang mga sugat o galos upang maiwasan ang impeksiyon.
✅ Alisin ang mga bagay na maaaring pamugaran ng lamok pagkatapos ng baha.
✅ Panatilihing malinis ang paligid at wastong itapon ang basura.

🚨 MAGING ALERT sa Leptospirosis!

Kung ikaw ay lumusong sa baha at makaranas ng lagnat, matinding pananakit ng katawan o kalamnan, sakit ng ulo, pamumula ng mata, pagsusuka, o paninilaw ng balat/mata, magpatingin agad sa health facility. Sabihin sa health worker na ikaw ay na-expose sa baha.

🏠 SA PANAHON NG BAGYO:
📌 Makinig sa opisyal na abiso ng LGU at disaster response authorities.
📌 Maghanda ng go bag, gamot, tubig, pagkain, flashlight at first-aid kit.
📌 Kung inutusang lumikas, lumikas agad at huwag nang maghintay na lumala ang sitwasyon.
📌 Panatilihin ang kalinisan at physical safety sa evacuation centers.
📌 Alagaan lalo ang mga bata, buntis, matatanda at taong may kapansanan o espesyal na pangangailangan.

💙 Tandaan: Ang pag-iwas sa sakit ay bahagi ng paghahanda sa sakuna.

Maging handa. Maging maingat. Maging malinis. Protektahan ang sarili, pamilya at komunidad.

🏥 Gregorio Del Pilar District Hospital
Para sa ligtas, malusog at handang komunidad.

07/08/2026

Something to learn 📢📢📢

07/08/2026

Announcements 📢📢📢

07/08/2026

Gregorio Del Pilar District Hospital Supports DOH Chikiting Ligtas: Measles-Rubella Supplemental Immunization Activity (MR-SIA)

Bilang pakikiisa sa layunin ng Department of Health na maprotektahan ang kalusugan ng bawat batang Pilipino, buong suporta ang Gregorio Del Pilar District Hospital sa pagpapatupad ng Chikiting Ligtas: Measles-Rubella Supplemental Immunization Activity (MR-SIA).

Naniniwala kami na ang paghubog ng isang mas ligtas, mas malusog, at mas matatag na henerasyon ay nagsisimula sa responsableng pagiging magulang at aktibong pakikilahok sa mga programang pangkalusugan tulad ng pagbabakuna.

Kaugnay nito, nagsagawa ng mga kinakailangang paghahanda ang ating mga healthcare workers at mga katuwang na ahensya upang matiyak ang maayos at ligtas na implementasyon ng programa. Kabilang dito ang koordinasyon sa mga local health units, paghahanda ng mga bakuna at vaccination supplies, orientation ng mga vaccination teams, at pagpapalakas ng information dissemination upang maabot ang mas maraming pamilya sa komunidad.

Hinihikayat namin ang lahat ng mga magulang at tagapag-alaga na dalhin ang kanilang mga anak sa pinakamalapit na health center o vaccination site upang mabigyan sila ng karagdagang proteksyon laban sa tigdas (measles) at rubella.

Ang bakuna ay ligtas, mabisa, at mahalagang hakbang tungo sa isang mas malusog na kinabukasan para sa ating mga anak. Sama-sama nating isulong ang isang komunidad na protektado laban sa mga sakit na maiiwasan sa pamamagitan ng pagbabakuna.

03/08/2026

👨‍👩‍👧‍👦 Pamilyang may Plano, Pamilyang Masaya! 💙

Ang tamang pagpaplano ng pamilya ay hakbang tungo sa mas malusog na ina, mas ligtas na sanggol, at mas matatag na kinabukasan ng bawat pamilyang Pilipino. Ang Family Planning ay boluntaryo, ligtas, at kumpidensyal, at may iba't ibang paraang maaaring piliin ayon sa iyong pangangailangan.

📍 Magtungo sa inyong pinakamalapit na Public Health Unit, Rural Health Unit, Barangay Health Station, o Government Hospital upang makakuha ng libreng konsultasyon at tamang gabay mula sa ating mga healthcare workers.

Magplano ngayon para sa mas maliwanag na bukas! 💚

24/07/2026

🧑‍🦽 PAMBANSANG BUWAN NG PAG-IWAS SA KAPANSANAN AT REHABILITASYON 💙

"Ang pag-iwas ay mas mabuti kaysa sa paggamot. Ang kaalaman ang ating pinakamabisang sandata."

Ang kapansanan ay maaaring maiwasan sa maraming pagkakataon kung tayo ay may sapat na kaalaman at maagap na pagkilos. Nagsisimula ang kalusugan at kaligtasan sa ating sarili at sa loob ng ating tahanan. Bilang mga magulang, kapamilya, at miyembro ng komunidad, mahalaga ang ating papel sa pagprotekta sa bawat isa laban sa mga panganib na maaaring magdulot ng kapansanan.

✅ Magpabakuna at magpatingin nang regular.
✅ Siguraduhing ligtas ang tahanan upang maiwasan ang aksidente.
✅ Gumamit ng helmet, seatbelt, at iba pang protective equipment kung kinakailangan.
✅ Panatilihin ang wastong nutrisyon at malusog na pamumuhay.
✅ Agarang magpatingin sa health center o ospital kapag may nararamdamang kakaiba.
✅ Suportahan ang rehabilitasyon at inklusibong pagtrato sa mga taong may kapansanan.

Tandaan, ang pag-iwas ay nagsisimula sa tamang kaalaman, responsableng pag-aalaga sa sarili, at pagmamalasakit sa ating pamilya. Sa pamamagitan ng tamang impormasyon at maagap na aksyon, mas maraming buhay ang mapoprotektahan at mas maraming pangarap ang maiiwasang maputol.

💙 Sama-sama nating isulong ang isang ligtas, malusog, at inklusibong pamayanan. Dahil ang bawat hakbang ng pag-iingat ngayon ay isang hakbang patungo sa mas magandang kinabukasan para sa lahat.

20/07/2026

🌪️ NATIONAL DISASTER RESILIENCE MONTH 2026 🇵🇭

Ang kalamidad ay maaaring dumating anumang oras, ngunit ang kahandaan ay nagsisimula ngayon.

Sa bawat bagyo, lindol, baha, o iba pang sakuna, ang ating pinakamabisang sandata ay **tamang impormasyon, maayos na paghahanda, at pagkakaisa ng bawat pamilya at komunidad.**

💙 Bilang bahagi ng pagdiriwang ng National Disaster Resilience Month, hinihikayat ang bawat Pilipino na maging handa sa anumang sakuna.

✅ Alamin ang opisyal na impormasyon mula sa mga kinauukulan.
✅ Maghanda ng Emergency Go Bag para sa buong pamilya.
✅ Siguraduhing may sapat na gamot, malinis na tubig, at pagkain.
✅ Alagaan hindi lamang ang pisikal na kalusugan kundi pati ang mental na kalusugan.
✅ Maging kalmado at makipagtulungan sa oras ng sakuna.

Tandaan:Ang maling impormasyon ay maaaring magdulot ng panganib. Mag-verify muna bago magbahagi ng balita.

🌱 Ang tunay na katatagan ay hindi lamang nasusukat sa tibay ng ating tahanan, kundi sa kahandaan, disiplina, at malasakit natin sa isa't isa.

"Handa ang Kalusugan. Handa ang Pamilya. Ligtas ang Pamayanan."❤️🇵🇭

PHU-Gregorio Del Pilar District Hospital

14/08/2026

14/08/2026

11/08/2026

10/08/2026

07/08/2026

07/08/2026

07/08/2026

03/08/2026

24/07/2026

20/07/2026

Address

Website

Alerts

Shortcuts

Share

Category

Listing takedown request