PuroKalusugan-Cabucgayan

25/07/2026

SA MGA LARAWAN: Mula Hulyo 21–24, 2026, matagumpay na isinagawa sa Barangay Hall ng Talibong ang PuroKalusugan (PK) Training on Health Promotion at ang Orientation sa PuroKalusugan Manual para sa mga Barangay Health Workers (BHWs) at Barangay Nutrition Scholars (BNS) upang higit pang mapalawak ang kanilang kaalaman at kakayahan sa pagbibigay ng dekalidad na serbisyong pangkalusugan sa komunidad.

Sa loob ng apat na araw na pagsasanay, tinalakay ang mahahalagang paksa tungkol sa health promotion at ang wastong paggamit ng PuroKalusugan Manual. Layunin nitong mas mapalakas ang kakayahan ng ating mga BHW at BNS upang mas mahusay nilang magampanan ang kanilang tungkulin sa pangangalaga ng kalusugan ng bawat pamilya sa barangay.

Lubos ang aming pasasalamat sa Barangay Local Government Unit (BLGU) ng Talibong, sa pangunguna ni Punong Barangay Myrah A. Macaraeg, sa kanilang patuloy na suporta at pakikipagtulungan sa mga programang pangkalusugan ng Department of Health. Ang kanilang malasakit at pamumuno ay malaking tulong sa tagumpay ng gawaing ito.

Taos-puso rin kaming nagpapasalamat sa lahat ng ating Barangay Health Workers (BHWs) at Barangay Nutrition Scholar (BNS) sa kanilang aktibong pakikilahok, dedikasyon, at pagiging bukas sa patuloy na pagkatuto. Ang inyong pagsisikap ay mahalagang hakbang tungo sa mas malusog, mas ligtas, at mas maunlad na komunidad.

Sama-sama nating ipagpatuloy ang pagsusulong ng kalusugan para sa bawat mamamayan.

22/07/2026

PAALALA SA MGA MAGULANG!😊

Bilang bahagi ng pangangalaga sa kalusugan ng ating mga kabataan, isinasagawa ang Vitamin A Supplementation at Deworming para sa mga kwalipikadong bata.

Ang Vitamin A ay tumutulong sa paglakas ng resistensya at paningin, habang ang deworming ay nakatutulong upang maiwasan ang bulate at mapanatiling malusog ang mga bata.

Dalhin ang inyong mga anak sa itinakdang iskedyul sa Barangay Health Station. Sama-sama nating pangalagaan ang kalusugan ng bawat bata! 💙💊👧👦

18/07/2026

18/07/2026

Isinagawa sa Barangay Health Station Pawikan ang PuroKalusugan (PK) Training sa Health Promotion at ang Orientation sa PuroKalusugan Manual para sa mga Barangay Health Workers (BHWs). Dumalo rito ang mga Barangay Health Workers (BHWs) at Barangay Nutrition Scholars (BNS) upang madagdagan ang kanilang kaalaman at kasanayan sa pagbibigay ng mas maayos na serbisyong pangkalusugan sa ating komunidad.

Layunin ng pagsasanay na ito na ihanda at gabayan ang ating mga BHW at BNS upang mas mapabuti ang kanilang paglilingkod sa bawat pamilya. Mahalaga rin ang pagtutulungan ng barangay at ng komunidad upang mas mapalapit ang mga serbisyong pangkalusugan sa lahat.

Sa pamamagitan ng mga ganitong gawain, mas napapalakas natin ang ating mga health workers at mas napapangalagaan ang kalusugan ng bawat mamamayan. Sama-sama nating itaguyod ang isang mas malusog at mas ligtas na komunidad.

P. S. Cabucgayan BHW training was pioneered in Brgy. Bunga then in Brgy. Baso.

Training of BHWs will soon be scheduled in Brgy. Talibong, Langgao, and Salawad.

"KALUSUGAN SA BAWAT PUROK, DAHIL BAWAT BUHAY MAHALAGA"

16/06/2026

Matagumpay na Idinaos ang Soft Launching ng PuroKalusugan sa Barangay Langgao

BARANGAY LANGGAO, Hunyo 16, 2026 – Matagumpay na isinagawa ang soft launching ng PuroKalusugan (PK) sa Covered Court ng Barangay Langgao bilang bahagi ng patuloy na pagpapalakas ng mga programang pangkalusugan para sa komunidad. Dinaluhan ito ng mga residente at iba’t ibang kinatawan mula sa Department of Health (DOH), Barangay Council, at Philippine National Police (PNP).

Nagbigay ng PuroKalusugan Overview si Nurse Kilsey Muchamiel, kung saan ipinaliwanag niya sa mga mamamayan ang layunin at kahalagahan ng programa sa pagpapalawak ng serbisyong pangkalusugan at pagsusulong ng isang mas malusog na pamayanan.

Nagsimula rin ang mga serye ng talakayan sa paksang Visual Inspection using Acetic Acid (VIA) na pinangunahan ni Ma’am Lilian Amistoso, RM. Binigyang-diin niya ang kahalagahan ng maagang pagtuklas at pagpapalawak ng kamalayan tungkol sa Cervical Cancer sa mga kababaihan, gayundin ang kahalagahan ng aktibong pakikilahok ng komunidad sa pag-iwas sa mga sakit.

Nagbigay naman ng talakayan hinggil sa Road Safety si PMSg Rodel V. Martinito ng Philippine National Police (PNP), na nagpaalala sa mga mamamayan tungkol sa kahalagahan ng pagsunod sa mga batas-trapiko upang maiwasan ang mga aksidente sa kalsada.

Tinalakay din ni DOH Pharmacist Almabella Gecole ang Generics Awareness sa ilalim ng temang “Kalusugan ng Bawat Pilipino, Generics ang Katuwang Mo,” na naglalayong hikayatin ang paggamit ng mga de-kalidad at abot-kayang generic na gamot.

Samantala, nagbahagi si Nurse Annie Lyn Bernadas ng mahahalagang impormasyon tungkol sa immunization at ang kahalagahan nito sa pagprotekta laban sa mga sakit na maiiwasan sa pamamagitan ng bakuna. Kasabay nito, nagsagawa ang mga Human Resources for Health (HRH) ng Non-Communicable Disease (NCD) Risk Assessment, habang nagbigay naman ng libreng medical consultation si Dr. Jessa Mae Dayag, RMT, para sa mga residente. Nagkaroon din ng pamamahagi ng mga dental kits sa mga daycare pupils upang mahikayat ang wastong pangangalaga sa kalusugan ng ngipin ng mga bata.

Bilang bahagi ng adbokasiya para sa kalinisan at pag-iwas sa sakit, nagbigay rin ng talakayan si Nurse Maria Theresa Santos sa mga daycare pupils tungkol sa wastong paghuhugas ng kamay (handwashing) upang mapanatili ang mabuting kalusugan at maiwasan ang pagkalat ng mga impeksiyon.

Nagbigay rin ng talakayan si Nurse Madeline Peñaranda ukol sa Dengue Awareness, kung saan ipinaliwanag niya ang mga hakbang upang maiwasan ang pagdami ng lamok at mapigilan ang pagkalat ng dengue.

Sa kabuuan, ipinakita ng matagumpay na soft launching ng PuroKalusugan ang matibay na pagtutulungan ng Barangay Langgao at ng mga katuwang nitong ahensya sa pagbibigay ng mga serbisyong pangkalusugan at pagpapalawak ng kaalaman ng komunidad tungo sa isang mas malusog at ligtas na pamayanan.

30/04/2026

Isang produktibong araw ang naganap sa Brgy. Langgao👏 ang itinakdang lokasyon para sa ating susunod na Purokalusugan Site.

Kasama ang Purokalusugan Team, naging katuwang tayo sa programa ni Mayor Gemma Adobo na "Health on Wheels: Hatid Serbisyo sa Bawat Barangay."

Matagumpay nating naisagawa ang Operation Libreng Tuli, kung saan prayoridad ang kaligtasan at kalinga para sa ating mga kabataan. Patuloy ang ating pakikipagtulungan upang ilapit ang de-kalidad na serbisyong medikal sa bawat pintuan ng ating mga kalalawigan.

Abangan ang susunod na pagbisita ng Health on Wheels sa inyong Barangay!

18/04/2026

MISSION ACCOMPLISHED📢

Tagumpay na Purokalusogan Softlaunching sa Brgy. Talibong!

Isang malaking hakbang para sa kalusugan ng ating komunidad ang ating isinagawa! Noong nakaraang Abril 17, matagumpay nating naisakatuparan ang Purokalusogan Softlaunching sa Brgy. Talibong Covered Court.

Ang ating layunin? Ang magsilbi sa ating mga kababayang "unserved" at "underserved," at itaas ang kamalayan tungkol sa TB. Naniniwala tayo na ang pag-alam sa sariling status ang unang hakbang para sa kaligtasan ng pamilya at ng buong barangay.
Maraming taga-barangay ang nakatanggap ng ating mga LIBRENG serbisyo:

•Chest X-Ray – Para masiguro ang kalusugan ng baga.

•TPT (TB Preventive Treatment) – Proteksyon laban sa sakit na TB.

•YAKAP Registration & Consultation – Pagrerehistro at gabay medikal mula sa mga eksperto.

•Eye Care Services – Libreng check-up para sa malinaw na paningin.

•PhilPEN Assessment – Screening para maiwasan ang high blood, diabetes, at iba pang sakit.

Taos-puso ang ating pasasalamat sa mga healthcare heroes, BHW volunteers, at sa pamunuan ng Barangay Talibong na pinangungunahan ni Honorable Myrah A. Macaraeg, Ang inyong dedikasyon ang naging susi sa tagumpay ng aktibidad na ito!

Ipagpatuloy natin ang pagiging mapagmatyag. Tandaan: Ang pag-alam sa iyong status ay simula ng isang mas malusog na bukas! 💙
💪🇵🇭

03/03/2026

Orientation of PuroKalusogan Strategy to BHWs, BNS and Barangay Council of Brgy. Baso headed by Hon. John Levin B. Garcia.

PuroKalusugan is a community-centered strategy of the Department of Health which aims to ensure the delivery and accessibility of quality healthcare services anchored on the purok.

Did you know that the PuroKalusugan strategy of the Department of Health brings essential health services directly to communities?

From immunization and maternal care to blood pressure and diabetes screening, health workers visit puroks and barangays to make sure no one is left behind.

Because health care should not be far from home — it should be within reach.

02/03/2026

📍 Brgy. Talibong: Aiming for a Healthier Future!

Health is a community effort!
Today, we officially introduced the DOH Purokalusugan Strategy to the leaders of Brgy. Talibong.

Under the leadership of Brgy Captain, Hon. Myrah A. Macaraeg and our dedicated BHWs, we are bringing healthcare straight to the heart of the community. 🩺✨

The Goal? To master the 8 Priority Health Outcomes presented by Ms. Kilsey Muchamiel, RN.
From maternal care to disease prevention, we are making sure no one gets left behind.

✅ Proactive Leadership
✅ Empowered Health Workers
✅ A Stronger, Healthier Community

25/02/2026

Conducted a successful PuroKalusugan Orientation to our dedicated Barangay Health Workers (BHW), Barangay Nutrition Scholar (BNS), RHM Patricia Solamo Dagalea and Barangay Council members Hon. Renan Gonjoran, Hon. Reynaldo Braga, insert Hon. Patix Gonjoran & Capt.Loida Gonjoran.

Through the PuroKalusugan we equipped with knowledge and strategies to deliver responsive and people-centered health services at the purok level. Collaboration is key to a healthier barangay! 🌿💚