08/07/2026
PATULOY NA PINAG-IIBAYO ANG MGA SERBISYONG PANGKALUSUGAN SA CALAMBA CITY
Sa patuloy na pagpapalakas ng Calamba City Health Services Department, patuloy nating tinutugunan ang lumalaking pangangailangan sa serbisyong pangkalusugan upang matiyak ang mas mabilis, mas episyente, at mas dekalidad na pangangalaga para sa bawat Calambeño.
Kaninang umaga, dumalo ang mga kinatawan ng Calamba City Health Services Department sa serye ng Committee Hearings na ginanap sa Sangguniang Panlungsod ng Calamba Session Hall, partikular sa Committee on Health and Sanitation na pinamumunuan ni City Councilor Kath Silva.
Sa pagdinig, tinalakay ang mahahalagang panukalang ordinansa at mga usaping may kaugnayan sa patuloy na pagpapalakas ng mga programa, serbisyo, at polisiya sa kalusugan ng lungsod. Kabilang dito ang:
• "An Ordinance Establishing the Calamba City Human Milk Hub, Prescribing Policies and Guidelines for its Implementation, and Appropriating Funds Therefor."
• "An Ordinance Institutionalizing a Comprehensive School-Based Mental Health Program in All Public and Private Educational Institutions in the City of Calamba, Mandating Periodic Mental Health Assessments, Requiring the Reporting of Bullying, Self-Harm, Su***de Risk, and Other Violent Incidents, Providing Referral Mechanisms, and for Other Purposes."
• Indorsement mula sa Tanggapan ng Punong Lungsod kaugnay ng ipinanukalang Deed of Donation sa pagitan ng Department of Health Center for Health Development IV-A at ng Pamahalaang Lungsod ng Calamba para sa pagkakaloob ng mga medical equipment sa Calamba Super Health Center sa Barangay VII sa ilalim ng Health Facilities Enhancement Program (HFEP).
Kasama sa mga dumalo sa pagdinig ang mga kinatawan ng Calamba City Nutrition Committee, City of Calamba-Mental Health Program, at ng Administration Office ng Calamba City Health Services Department.
Layunin ng mga pagdinig na ito na higit pang mapagtibay ang mga lokal na polisiya at programa na magpapalawak ng access sa dekalidad, inklusibo, at people-centered na serbisyong pangkalusugan para sa lahat ng Calambeño.
Sa ating patuloy na pagtutok sa pagpapabuti ng sistemang pangkalusugan sa Lungsod ng Calamba, patuloy nating pinalalakas ang mga programang nagtataguyod ng kalusugan, kapakanan, at mas magandang kalidad ng buhay para sa bawat mamamayan.
