Rural Health Unit & Lying-in Center Infanta Pangasinan

27/05/2026

Ang maagang pagtuklas o early detection ang pinakamabisang sandata laban sa Thyroid Cancer.

Mga Sintomas na Dapat Bantayan:
✔️​ Bukol sa leeg
✔️​​ Pamamaos o pagbabago sa boses
✔️​​ Hirap lumunok o huminga
✔️​​ Sakit sa leeg na umaabot sa tainga

​Paano Maiiwasan at Masusuri?
☢️​ Limitahan ang radiation exposure
🥗 Kumain ng gulay, prutas, at pagkaing may Iodine at Selenium (manok, itlog, isda). 🌭 Iwasan ang processed foods.
👨‍⚕️​ Magpatingin agad sa doktor kapag may sintomas

​I-scan ang QR code o bisitahin ang:
🔗 linktr.ee/DOHCancerSupport para sa mga cancer benefit packages.

27/05/2026

Ang tamang paraan ng pagkuha ng blood pressure (BP) ay mahalagang hakbang upang makuha ang wastong resulta at maagapan ang altapresyon.

Sundin ang wastong paghahanda at tamang posisyon sa pagsukat ng BP upang maging mas accurate ang monitoring at konsultasyon sa health worker o doktor.

Regular na magpa-BP check, umiwas sa unhealthy lifestyle, at alagaan ang puso para sa mas malusog na pamumuhay. ❤️

27/05/2026

27/05/2026

Bawat pagkakabit ng car seat ay dagdag proteksyon para sa bata. 🚗👧

Siguraduhing tama ang paggamit ng child car seat upang maprotektahan ang ating mga anak laban sa panganib sa kalsada.

Piliin ang angkop na car seat ayon sa edad, laki, at timbang ng bata, at tiyaking maayos itong nakakabit bago bumiyahe.

27/05/2026

Idineklara ng WHO ang isang Public Health Emergency of International Concern dahil sa pagkalat ng Ebola Disease na dulot ng Bundibugyo Virus sa Democratic Republic of Congo (DRC) at Uganda.

Walang kaso ng Ebola Disease sa bansa. Kasalukuyang mas pinapaigting ng DOH Bureau of Quarantine ang border at health surveillance sa lahat ng paliparan at pantalan bilang bahagi ng paghahanda at pag-iingat sa sakit.

Basahin ang social media card na ito para sa karagdagang kaalaman.

27/05/2026

Huwag nang hintayin ang kumplikasyon dahil sa Hypertension.

Protektahan ang iyong puso at pamilya gamit ang gabay na A.L.E.R.T.:
​🔴 A - Alamin ang iyong BP. Magpa-check nang regular.
🔴 L - Limitahan ang 4Ms. Bawas sa Maalat, Mataba, Mamantika, at Matamis.
🔴 E - Ehersisyo araw-araw. Kumilos ng 30 minuto hanggang 1 oras.
🔴 R - Regular na kumonsulta. Pumunta sa Health Center at inumin ang gamot nang tama.
🔴 T - Tamang disiplina. Iwasan ang yosi, v**e, at alak. Matulog ng 7-9 oras.

Bisitahin ang pinakamalapit na Health Center para sa libreng konsultasyon ngayon!

27/05/2026

Tandaan, hindi ka lang basta driver—ikaw ay isang kaibigan, magulang, at anak.

Kaya bago bumiyahe, laging isapuso ang tatlong paalalang ito para sa kaligtasan ng lahat:
🟢​ Magsuot ng seatbelt.
🟢​ ​Sumunod sa speed limit.
🟢​ 'Wag magmaneho kapag inaantok o lasing.

Sa isang iglap, maaaring magbago ang lahat dahil sa kapabayaan sa daan kaya maging responsableng motorista.

27/05/2026

Ang hypertension o altapresyon ay kadalasang walang sintomas o isang "silent killer."

Kung mayroon man, maaari mong maranasan ang mga sumusunod:
✔️​ Pananakit ng ulo at pagkahilo
✔️​​ Paglabo ng paningin
✔️​​ Pananakit ng dibdib at palpitasyon
✔️​​ Pagdurugo ng ilong

​Huwag nang hintayin ang mga sintomas! Ang regular na pag-check ng blood pressure ay mahalaga upang maagapan at makontrol ang altapresyon.

27/05/2026