Tabuk Barangay Health Station

12/05/2026

💙OPERATION TULI 2026 💙

Isang matagumpay at makabuluhang araw ang isinagawa sa Operation Tuli 2026 na ginanap sa RHU 2 West para sa kabataan ng Tabuk. Taos-pusong pasasalamat po ang aming ipinapaabot sa lahat ng nakiisa at tumulong upang maging maayos at matagumpay ang programang ito.
Lubos naming pinasasalamatan si Barangay Captain HADJI EYAM K. AJIBON ng Barangay Tabuk sa pagbibigay ng mga gamot at snacks, kasama ang mga masisipag na Barangay Kagawad na buong pusong sumuporta sa aktibidad.

Maraming salamat din sa Alpha Phi Omega Service Fraternity and Sorority, sa pangunguna ni Jonas Luminarias, APO Mu-Xi Chapter President at sa mga miyembro ng APO Pi-Xi Chapter para sa kanilang pagbibigay ng snacks at walang sawang suporta sa programa.

Taos-puso rin kaming nagpapasalamat sa mga Organic Nurses at Midwives ng RHU 2 West, sa mga HRH personnel, Barangay Health Workers (BHW), at Barangay Nutrition Scholars (BNS) na naglaan ng oras, serbisyo at malasakit upang masiguro ang kaligtasan at maayos na pangangalaga sa mga bata.

At higit sa lahat, maraming salamat sa mga magulang at mga batang nakiisa at nagtiwala sa programang ito. Ang inyong suporta at pakikilahok ang naging susi sa tagumpay ng ating Operation Tuli 2026.

💙 Sama-sama para sa mas malusog at mas maayos na kinabukasan ng kabataan!

26/03/2026

ZumBUNTIS 2026 winner 👸🏻

26/03/2026

🤰🏻National Buntis Day!

24/03/2026

Ngayong World TB Day, paalala sa lahat: ang tuberculosis (TB) ay magagamot at maiiwasan kung maagapan. 💙
Magpatingin agad sa health center kung may mga sumusunod na sintomas:
• Ubo na tumatagal ng 2 linggo o higit pa
• Lagnat at pagpapawis sa gabi
• Panghihina at pagbaba ng timbang
• Pananakit ng dibdib o likod
• Pag-ubo na may dugo

Huwag mag-atubiling kumonsulta. Libre ang pagsusuri at gamutan sa Tabuk Health Center. Alagaan ang sarili at pamilya, magpatingin, magpagamot at magpagaling! 🫁

24/03/2026

🫁 World TB Day

13/03/2026

This is Ms. Jendralyn Mustali , Registered Nurse and Barangay Health Worker of Tabuk Barangay Health Station 💜💜💜

𝗜𝗦𝗔𝗕𝗘𝗟𝗟𝗔 𝗦𝗔𝗬𝗦 𝟮𝟬𝟮𝟲 | Sa komunidad, may mga kababaihang nagsisimula sa simpleng paglilingkod ngunit patuloy na lumalawak ang kanilang kakayahang tumulong sa iba. Isa rito si Jendralyn Mustali ng Barangay Tabuk, Isabela City.

Mula sa pagiging Barangay Health Worker, pinili niyang ipagpatuloy ang pag-aaral upang higit pang mapalakas ang kaniyang kakayahang maglingkod—hanggang sa maging isang Registered Nurse. Habang nagsisilbi sa komunidad, aktibo siyang nakilahok sa mga programang pangkalusugan tulad ng maternal and child health services, immunization drives, at health education campaigns, na umaabot maging sa mga pamilyang nasa liblib at underserved na lugar.

Sa kaniyang karanasan sa komunidad, nasaksihan niya kung paano nagdudulot ng tunay na pagbabago ang malasakit, tamang kaalaman, at tiwala ng komunidad. Dahil dito, patuloy niyang hinihikayat ang mga kababaihan na pangalagaan ang kanilang kalusugan at maging aktibong lider sa kanilang pamilya at komunidad.

Ang kaniyang paglalakbay mula BHW hanggang Registered Nurse ay patunay ng dedikasyon sa lifelong learning at tapat na paglilingkod. Kinikilala rin siya bilang NIDA Awardee 2025 ng Pamahalaang Lungsod ng Isabela sa ilalim ng Agenda 8: Health, Education, and Well-being, isang parangal sa kaniyang mahalagang ambag sa pagsusulong ng kalusugan at kapakanan ng komunidad.

Sa pamamagitan ng kaniyang mga adbokasiya sa maternal and child health, women’s empowerment, at community health education, patuloy siyang nagiging inspirasyon sa pagbuo ng mas malusog at mas matatag na komunidad.

25/02/2026

February is Philippine Heart Month ❤️

25/01/2026

🙌🙌🙌