Limay Super Health Center

01/06/2026

🚭 WORLD NO TO***CO DAY 2026 🚭

Bilang pagdiriwang ng World No To***co Day 2026, nakiisa ang Limay Municipal Health Office at ang mga kawani ng bawat barangay sa pagsasagawa ng iba't ibang aktibidad upang palaganapin ang kamalayan tungkol sa masamang epekto ng paninigarilyo at va**ng.

Nagbahagi ang ating mga Rural Health Physicians ng mahahalagang impormasyon tungkol sa mga panganib na dulot ng sigarilyo at v**e sa kalusugan. Nagsagawa rin ng health lectures at isang makabuluhang Cigarette Breaking Ceremony bilang simbolo ng pagtanggi sa paninigarilyo at pagpili ng mas malusog na pamumuhay.

28/05/2026

19/05/2026

𝐏𝐀𝐁𝐀𝐓𝐈𝐃 | 𝐋𝐢𝐛𝐫𝐞𝐧𝐠 𝐀𝐧𝐭𝐢-𝐑𝐚𝐛𝐢𝐞𝐬 𝐕𝐚𝐜𝐜𝐢𝐧𝐚𝐭𝐢𝐨𝐧

Magandang balita, mga kababayan ng Limay!

Sa pangunguna ng Office of the Municipal Agriculturist - Limay, magsasagawa po ng Libreng Anti-Rabies Vaccination para sa mga alagang a*o at pusa.

📍 Lugar: Limay Multipurpose Hall
🕘 Oras: Simula 9:00 ng umaga
📅 Petsa: Mayo 20, 2026

Inaanyayahan po ang lahat ng gustong mabakunahan ang kanilang mga alagang a*o at pusa na magpunta lamang sa nasabing lugar.

📌 Paalala:
• Ang alagang a*o o pusa ay dapat tatlong (3) buwang gulang pataas.
• Dapat ay malusog ang alagang hayop.
• Para sa mga bagong panganak, dapat ay dilat na ang mata ng kanilang mga anak bago pabakunahan ang ina.

Maraming salamat po!

09/05/2026

TINGNAN: Matagumpay na natapos ang programang LIBRENG TULI 2026 sa pangunguna ng Limay Municipal Health Office sa suporta ng LIMAY LGU na kung saan umabot sa kabuuang 356 kabataang lalaki ang nabigyan ng libreng serbisyo ng pagtutuli sa loob ng apat (4) na araw ng programa noong April 18, 19, May 2 at May 3, 2026.

Lubos po kaming nagpapasalamat sa lahat ng mga magulang, kabataan, health workers,at mga katuwang na naging bahagi ng matagumpay na programang ito para sa kalusugan at kalinisan ng ating kabataan.

Patuloy po nating suportahan ang mga programang pangkalusugan ng ating pamahalaang bayan para sa mas ligtas at mas malusog na komunidad.
Maraming salamat po!

Municipal Health Office - Limay
1Limay

08/05/2026

💖 𝗦𝗔𝗙𝗘 𝗠𝗢𝗧𝗛𝗘𝗥𝗛𝗢𝗢𝗗 𝗪𝗘𝗘𝗞 💖
“Kalidad na pangangalaga sa Ina, Kalusugan ni Baby ay Garantiya”

Ngayong Safe Motherhood Week, pinaaalalahanan natin ang lahat ng mga buntis at bagong panganak na mommy na mahalaga ang regular na check-up para sa ligtas na pagbubuntis at malusog na sanggol.

Para sa ligtas at healthy na pagbubuntis, siguraduhing makumpleto ang iyong:
🤰 8 Antenatal Check-ups (habang buntis)
✔ 1 sa unang trimester
✔ 2 sa pangalawang trimester
✔ 5 sa ikatlong trimester

👶 4 Postnatal Check-ups (pagkatapos manganak)
✔ Sa loob ng 24 oras
✔ Sa ika-3 araw
✔ Sa ika-7 hanggang ika-14 araw
✔ Sa ika-6 na linggo

✨ Ang regular na check-up ay nakakatulong upang:
• Ma-monitor ang kalusugan ni mommy at ni baby
• Maiwasan ang komplikasyon
• Mabigyan ng tamang payo at bitamina
• Masigurong ligtas ang panganganak at pag-aalaga kay baby

🏥 Magpatingin sa pinakamalapit na health center.
Libre at handang tumulong ang ating mga health workers!

💖 Sa bawat pagbisita, mas panatag ang iyong pagbubuntis.
Bawat Buntis Mahalaga. Bawat Buhay Mahalaga. 💖

07/05/2026

Ngayong World Health Workers’ Day, taos-puso kaming nagpapasalamat sa lahat ng mga health workers na walang sawang nagsisilbi para sa kalusugan at kaligtasan ng bawat isa. Sa kabila ng pagod, puyat, at mga sakripisyong inyong pinagdaraanan araw-araw, patuloy ninyong pinipiling maglingkod nang may malasakit, dedikasyon, at pagmamahal sa kapwa.

Kayo ang mga tunay na bayani sa likod ng bawat paggaling, pag-asa, at panibagong pagkakataon sa buhay ng maraming tao. Hindi sapat ang simpleng ‘salamat’ para masuklian ang inyong kabutihan at katatagan, ngunit nais naming ipaabot na kayo ay labis naming pinahahalagahan at hinahangaan.

Sa bawat doctor, nurse, midwife, medical technologist, pharmacist, caregiver, utility staff, at lahat ng bumubuo sa sektor ng kalusugan—maraming salamat sa inyong sakripisyo at serbisyo.

Happy World Health Workers’ Day! Mabuhay kayo, mga bayani ng kalusugan!

05/05/2026

INTERNATIONAL MIDWIVES DAY | Ngayong araw na ito, taos-pusong pasasalamat para sa ating mga komadrona.

Salamat sa inyong dedikasyon, sakripisyo at malasakit sa pagpapaunlad ng kalusugan ng ating komunidad!

Maraming salamat mga magigiting na KOMADRONA!

28/04/2026

💉✨ **Fully Immunized Children, Stronger Community!** ✨💉

Ngayong World Immunization Week (April 24-30, 2026), sama-sama nating ipaalala na ang bawat bakuna ay proteksyon para sa ating mga anak at sa buong komunidad. 💚
Sa simpleng pagpapabakuna sa mga bata, nagkakaroon sila ng mas malusog na pangangatawan at napipigilan ang pagkalat ng sakit!

Huwag kalimutang kumpletuhin ang bakuna ng inyong mga anak.
📍 Magtungo sa pinakamalapit na health center!

**Bakunado, Sigurado!** 💪