Double Check Medical And Diagnostic Center, Inc.

25/02/2026

FYI

𝐋𝐓𝐎, 𝐍𝐈𝐋𝐈𝐍𝐀𝐖 𝐀𝐍𝐆 𝐅𝐀𝐊𝐄 𝐍𝐄𝐖𝐒 𝐓𝐔𝐍𝐆𝐊𝐎𝐋 𝐒𝐀 𝐃𝐑𝐈𝐕𝐄𝐑’𝐒 𝐋𝐈𝐂𝐄𝐍𝐒𝐄 𝐑𝐔𝐋𝐄𝐒 𝐏𝐀𝐑𝐀 𝐒𝐀 𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍𝐒

Nais ipabatid ng Land Transportation Office (LTO) sa publiko na WALANG KATOTOHANAN ang kumakalat na impormasyon o "video" sa social media tungkol sa mga umano'y "Bagong Driver’s License Rules Para Sa Senior Citizens Simula March 1, 2026." Ang mga pahayag sa nasabing video hinggil sa bagong medical requirements, mas mahigpit na renewal process, o anumang pagbabago sa validity period para sa mga senior driver simula sa petsang nabanggit ay HINDI OPISYAL at HINDI TAMA.

Sa kasalukuyan, walang inilalabas na direktiba o memorandum ang LTO na nagpapataw ng panibago o karagdagang patakaran para sa pagkuha at pag-renew ng driver's license ng mga senior citizen simula Marso 1, 2026. Ang mga umiiral na patakaran at proseso ay nananatili.

Hinihikayat ng LTO ang lahat na maging mapanuri at iwasang maniwala sa mga impormasyong walang opisyal na pinagmulan. Para sa tumpak at pinakabagong anunsyo at impormasyon tungkol sa mga patakaran at serbisyo ng LTO, mangyaring subaybayan lamang ang aming mga opisyal na social media account at website.

- LTO Official Website: https://lto.gov.ph/
- LTO Official page: https://www.facebook.com/LTOPhilippines

18/02/2026

𝐋𝐓𝐎 𝐈𝐒𝐒𝐔𝐄𝐒 𝐆𝐔𝐈𝐃𝐄𝐋𝐈𝐍𝐄𝐒 𝐅𝐎𝐑 𝐓𝐇𝐄 𝐔𝐒𝐄 𝐎𝐅 𝐓𝐄𝐌𝐏𝐎𝐑𝐀𝐑𝐘 𝐂𝐄𝐑𝐓𝐈𝐅𝐈𝐂𝐀𝐓𝐄 𝐎𝐅 𝐑𝐄𝐆𝐈𝐒𝐓𝐑𝐀𝐓𝐈𝐎𝐍 𝐖𝐇𝐈𝐋𝐄 𝐀𝐃𝐃𝐑𝐄𝐒𝐒𝐈𝐍𝐆 𝐒𝐄𝐂𝐔𝐑𝐈𝐓𝐘 𝐏𝐀𝐏𝐄𝐑 𝐃𝐄𝐋𝐈𝐕𝐄𝐑𝐘 𝐃𝐄𝐋𝐀𝐘𝐒

The Land Transportation Office (LTO) today announced the issuance of Memorandum Circular No. MVL-2026-4911, outlining guidelines for the use of Temporary Certificates of Registration (CR) for Motor Vehicles (MV), Motorcycles (MC), and Trailers (TRL). This measure is in response to a limited supply of Security Paper for official CRs, caused by delivery delays from the National Printing Office (NPO). The LTO assures the public that it is actively working to resolve this issue as quickly as possible.

This Memorandum Circular aims to ensure the uninterrupted delivery of public service and maintain operational continuity. It strictly regulates the issuance and use of Temporary CRs, which will serve as provisional documents until the official Security Paper CRs become available. All New Registration Units (NRUs), Authorized District Offices (ADOs), and District/Extension Offices processing new registrations and miscellaneous transactions of MV/MC/TRL are covered by this directive. The LTO emphasizes its commitment to preserving accountability and control over all accountable forms during this period.

Rest assured, the LTO is dedicating all its efforts to expedite the resolution of the Security Paper supply issue. Once the official Security Paper CRs are available, all concerned offices will prioritize the printing and release of these documents, corresponding to previously issued Temporary CRs. Registered owners and authorized representatives will be promptly notified of the availability and release of their official CRs. The LTO deeply appreciates the public's understanding and cooperation as it navigates this temporary challenge to uphold efficient and reliable service.

# # #

13/01/2026

(TDC online)
THEORETICAL DRIVING COURSE
Just Click the Link below to Enroll.

portal.otdc.ph/register/SAFETYCHECK

Please message us in our page for Payment Instructions after you register using the Student Registration Link or the QR code.

for other inquiries you can call us @
0945-8412994/viber(Weng)
0928-0818350/viber(Lovely)
Thank you ☺

02/01/2026

𝐀𝐁𝐈𝐒𝐎 𝐒𝐀 𝐏𝐔𝐁𝐋𝐈𝐊𝐎

Huwag Maniwala sa Fake News!

May mga kumakalat na mensahe sa iba't ibang plataporma na pinagkakamalang galing sa Land Transportation Office (LTO).

Walang katotohanan ang mga nasabing mensahe at hindi ito inilabas ng opisyal na tanggapan ng LTO.

Huwag basta-basta maniwala o mag-share ng anumang impormasyon na hindi tiyak na totoo. Laging suriin kung ang mensahe ay mula sa mga opisyal na social media account ng LTO. Ito lamang ang mga mapagkakatiwalaang sanggunian ng impormasyon tungkol sa mga patakaran at gawain ng ahensya.

02/01/2026

𝐌𝐀𝐇𝐈𝐆𝐏𝐈𝐓 𝐍𝐀 𝐈𝐏𝐀𝐏𝐀𝐓𝐔𝐏𝐀𝐃 𝐍𝐆 𝐋𝐓𝐎 𝐀𝐍𝐆 𝐏𝐀𝐆𝐁𝐀𝐁𝐀𝐖𝐀𝐋 𝐒𝐀 𝐌𝐆𝐀 𝐄-𝐓𝐑𝐈𝐊𝐄 𝐒𝐀 𝐌𝐀𝐉𝐎𝐑 𝐇𝐈𝐆𝐇𝐖𝐀𝐘𝐒 𝐒𝐀 𝐌𝐄𝐓𝐑𝐎 𝐌𝐀𝐍𝐈𝐋𝐀 𝐒𝐈𝐌𝐔𝐋𝐀 𝐉𝐀𝐍𝐔𝐀𝐑𝐘 𝟐, 𝟐𝟎𝟐𝟔

Sisimulan na bukas, Enero 2, 2026 ng Land Transportation Office (LTO) ang mahigpit na pagpapatupad ng pagbabawal sa mga E-TRIKE sa major highways sa Metro Manila. Kabilang sa mga daang ipinagbabawal ay ang Epifanio de los Santos Avenue (EDSA), C-5 Road, Roxas Boulevard, at Quirino Ave to Magallanes - South Luzon Expressway (SLEX) alinsunod sa mga umiiral na patakaran ng Metropolitan Manila Development Authority (MMDA).

Ayon kay LTO Chief, Assistant Secretary Markus V. Lacanilao, “Ang pagpapatupad na ito ay nakabatay sa pangkalahatang konsiderasyon sa kaligtasan sa kalsada. Ang mga pangunahing lansangang ito ay idinisenyo para sa mas mabilis at mas malalaking sasakyan, at hindi angkop para sa mga e-trike dahil sa bilis ng daloy ng trapiko, dami ng sasakyan, at lawak ng mga lansangan. Ang pagsasabay ng mababagal at magagaan na sasakyan sa ganitong uri ng kalsada ay nagdudulot ng malinaw na panganib sa lahat ng gumagamit ng daan.”

Idinagdag pa ni Asec Lacanilao, "Unawain po natin na ang hakbang na ito ay ginagawa natin para sa kaligtasan ng lahat ng gumagamit ng kalsada. Naiintindihan natin na marami sa atin ang umaasa sa mga e-trike bilang paraan ng paglalakbay, kaya naman handa ang LTO na makipagtulungan sa mga lokal na pamahalaan at mga sektor ng industriya para bumuo ng mga ligtas at angkop na ruta para sa mga e-trike sa mga darating na araw. Hinihikayat din po natin ang mga mamamayan na sumunod sa mga patakaran at makipagtulungan para mapanatili ang ligtas na daloy ng trapiko."

Ang mga mahuhuling nagpapatakbo ng e-trike sa mga ipinagbabawal na lansangan ay sasailalim sa mga kaukulang parusa alinsunod sa Republic Act No. 4136 o Land Transportation and Traffic Code at Joint Administrative Order No. 2014-01, kabilang ang pagpataw ng multa at ang posibleng pag-impound ng e-trike.

Binibigyang-diin ng LTO na ang layunin ng hakbang na ito ay hindi upang ipagbawal ang paggamit ng nga e-trikes sa pangkalahatan, kundi upang maiwasan ang aksidente at matiyak ang kaligtasan at kaayusan sa ating mga lansangan, habang inaantay ang mas komprehensibong joint guidelines mula sa DOTr at iba pang kaukulang ahensya.

Ang LTO ay maglalaan ng mga law enforcer sa mga kritikal na punto sa mga nasabing daan para ipaalam ang nasabing patakaran at tiyakin ang wastong pagpapatupad nito.

Nanawagan ang LTO sa publiko ng kooperasyon at mahigpit na pagsunod sa umiiral na mga patakaran sa trapiko, alang-alang sa kaligtasan ng lahat.