Gat Andres Bonifacio Medical Center

28/07/2026

27/07/2026

LOOK: GABMC Nutrition Month 2026

Bilang pagdiriwang ng 52nd Nutrition Month, pinangunahan ng Dietary Section ng G*t Andres Bonifacio Medical Center ang pagsasagawa ng isang lecture noong Hulyo 14, 2026 sa Conference Room ng ospital na may temang "Nutrisyon at Kalikasan, Ating Pangalagaan." Layunin ng aktibidad na palawakin ang kaalaman ng mga kawani tungkol sa wastong nutrisyon at sa kahalagahan ng pangangalaga sa kalikasan.

Nagbigay ng makabuluhang talakayan si Ms. Liberty Reyes, na nagbahagi ng mahahalagang kaalaman tungkol sa ugnayan ng wastong nutrisyon at pangangalaga sa kapaligiran. Binigyang-diin niya na ang sama-samang pagkilos ng bawat isa ay mahalaga sa pagtataguyod ng malusog na pamumuhay at pagpapanatili ng isang malinis at ligtas na kapaligiran para sa kasalukuyan at sa mga susunod na henerasyon.

24/07/2026

LOOK: Infection Prevention and Control Week 2026

Isinagawa noong Hulyo 17, 2026 sa Conference Room ng G*t Andres Bonifacio Medical Center ang lecture bilang pagdiriwang ng Infection Prevention and Control (IPC) Week 2026 na may temang "Building Responsive IPC System: Strengthening Monitoring, Collaboration and Resilience."

Pinangunahan ito ng Infection Prevention and Control Unit upang palakasin ang kaalaman at kamalayan ng mga healthcare workers sa epektibong infection prevention and control.
Nagbigay ng lecture si Ms. Marilou Regulacion, IPC Nurse, tungkol sa Hand Hygiene, habang tinalakay naman ni Dr. Yapendon ang Hospital-Acquired Infection, na kapwa nagbigay-diin sa kahalagahan ng pag-iwas sa impeksyon at pagpapanatili ng kaligtasan ng mga pasyente at healthcare workers.

20/07/2026

Flag Raising Ceremony with our Hospital Director, Dra. Janet Del Mundo-Tan.

Starting the week with dedication to quality service and
compassionate healthcare.

09/07/2026

LOOK: GABMC IHOMP and GVA Validation 2026

Sa pamumuno ni Hospital Director Dr. Janet Del Mundo-Tan, matagumpay na sumailalim ang G*t Andres Bonifacio Medical Center sa Integrated Hospital Operations and Management Program (IHOMP) at Green Viability Assessment (GVA) Validation ng Department of Health noong Hulyo 8, 2026.

Sa isinagawang validation, nakamit ng GABMC ang 96.15% sa IHOMP at 80.96% sa GVA. Ang mga resultang ito ay sumasalamin sa patuloy na pagsisikap ng ospital na mapanatili at mapahusay ang kalidad ng serbisyong pangkalusugan, mahusay na pamamahala, at pagpapatupad ng mga programang nagsusulong ng pangangalaga sa kalikasan at environmental sustainability.

Taos-pusong nagpapasalamat ang pamunuan ng G*t Andres Bonifacio Medical Center sa DOH Validation Team na binubuo nina Engr. Allen Theodore S. Marilao, Mr. Kenneth F. Tardecilla, Mr. Robin Louis A. Rodriguez, Ms. Cristina B. Cunanan, Ms. Maria Mae G. Advincula, at Ms. Alykaryl O. Anota sa kanilang masusing pagsusuri, mahahalagang rekomendasyon, at patuloy na paggabay tungo sa patuloy na pagpapabuti ng kalidad ng mga serbisyong ibinibigay ng ospital.

03/07/2026

TINGNAN: Patuloy ang Pagbibigay ng Transportation Assistance sa mga Dialysis Patient

Patuloy na isinasagawa ang Dialysis Transition and Patient Transport Program sa ikalawa at ikatlong araw nito, bilang bahagi ng patuloy na pagsisikap na matiyak ang ligtas at maayos na transportasyon ng ating mga dialysis patient patungo sa kanilang mga nakatakdang dialysis sessions.

Lubos ang aming pasasalamat kay Mayor Francisco "Isko Moreno" Domagoso sa kanyang patuloy na suporta at malasakit sa kalusugan at kapakanan ng bawat Manileño.

01/07/2026

LOOK: Commencement of the Dialysis Transition and Patient Transport Program

Ngayong Hulyo 1, 2026, pormal na sinimulan ang Dialysis Transition and Patient Transport Program sa pamamagitan ng pagpaparehistro ng mga dialysis patient na nangangailangan ng tulong sa transportasyon.

Kaisa ang GC Hemodynamix Inc. sa inisyatibong ito upang matiyak ang ligtas, maayos, at tuloy-tuloy na serbisyo para sa ating mga dialysis patient.

Patuloy ang GABMC sa paghahatid ng serbisyong pangkalusugan na may malasakit para sa bawat Manileño.

27/06/2026

24/06/2026

TINGNAN: ​GABMC, Nakiisa sa SOCA ni Mayor Isko at sa Ika-455 Anibersaryo ng Maynila

Nakiisa ang mga kawani ng G*t Andres Bonifacio Medical Center, sa pamumuno ni Dra. Janet Del Mundo-Tan, sa ginanap na State of the City Address (SOCA) ni Mayor Francisco “Isko Moreno” Domagoso at sa pagdiriwang ng Ika-455 Anibersaryo ng Lungsod ng Maynila sa Quirino Grandstand.

Ang pakikilahok ng GABMC sa makasaysayang okasyong ito ay pagpapakita ng patuloy na suporta sa mga programa at adhikain ng Pamahalaang Lungsod para sa isang mas maunlad, mas malusog, at mas matatag na Maynila.

Kasabay nito, ipinagdiriwang ng lungsod ang temang “Maynila: Matatag sa Hamon, Pinagtibay ng Panahon,” na sumasalamin sa katatagan, pagkakaisa, at patuloy na pag-unlad ng bawat Manileño sa pagharap sa mga hamon ng panahon.

Maligayang Ika-455 Anibersaryo, Maynila! Patuloy tayong magkaisa sa paglilingkod para sa kapakanan ng bawat Manileño.