Mariveles Rural Health Unit IV

08/10/2026

😷 MAG-FACE MASK, LALO NA KAPAG MAGPAPACHECK-UP!

Bakit mahalaga ang pagsusuot ng face mask?
🦠 Nababawasan ang pagkalat ng mikrobyo
Nakakatulong ang mask na mabawasan ang pagkalat ng respiratory droplets na maaaring magdala ng virus at bacteria.
👩‍⚕️ Proteksyon para sa pasyente at health workers
Pinoprotektahan nito hindi lamang ang iyong sarili kundi pati ang ibang pasyente, kasama ang ating mga healthcare workers.
🤧 Lalo na kung may ubo o sipon
Kung ikaw ay may ubo, sipon, sore throat o iba pang sintomas ng respiratory infection, mas mahalagang magsuot ng mask.
🏥 Para sa mas ligtas na health facility
Ang pagsusuot ng mask habang naghihintay at nagpapacheck-up ay nakakatulong upang mapanatiling mas ligtas ang ating RHU para sa lahat.
💚 PAALALA:
Kung ikaw ay magpapacheck-up, magsuot ng face mask.
Ingatan ang sarili. Protektahan ang kapwa.

07/09/2026

07/09/2026

𝐒𝐞𝐩𝐭𝐞𝐦𝐛𝐞𝐫 𝐢𝐬 𝐒𝐮𝐢𝐜𝐢𝐝𝐞 𝐏𝐫𝐞𝐯𝐞𝐧𝐭𝐢𝐨𝐧 𝐌𝐨𝐧𝐭𝐡

𝖲𝖺 𝖻𝖺𝗐𝖺𝗍 𝖯𝖺𝗆𝗂𝗅𝗒𝖺 𝖬𝖺𝗋𝗂𝗏𝖾𝗅𝖾𝗇̃𝗈, 𝗇𝖺𝗂𝗌 𝗇𝖺𝗆𝗂𝗇𝗀 𝗂𝗉𝖺𝖺𝗅𝖺𝗅𝖺 𝗇𝖺 𝗆𝖺𝗁𝖺𝗅𝖺𝗀𝖺 𝗄𝖺, 𝗆𝖺𝗁𝖺𝗅𝖺𝗀𝖺 𝖺𝗇𝗀 𝗇𝖺𝗋𝖺𝗋𝖺𝗆𝖽𝖺𝗆𝖺𝗇 𝗆𝗈, 𝖺𝗍 𝗆𝖺𝗒 𝗁𝖺𝗇𝖽𝖺𝗇𝗀 𝗆𝖺𝗄𝗂𝗇𝗂𝗀 𝗌𝖺’𝗒𝗈.

𝖪𝗎𝗇𝗀 𝗆𝖺𝗒 𝗄𝖺𝗄𝗂𝗅𝖺𝗅𝖺 𝗍𝖺𝗒𝗈𝗇𝗀 𝗍𝖺𝗁𝗂𝗆𝗂𝗄 𝗇𝖺 𝗆𝖺𝗒 𝗉𝗂𝗇𝖺𝗀𝖽𝖺𝗋𝖺𝖺𝗇𝖺𝗇, 𝗄𝗎𝗆𝗎𝗌𝗍𝖺𝗁𝗂𝗇 𝗇𝖺𝗍𝗂𝗇. 𝖬𝗂𝗇𝗌𝖺𝗇, 𝖺𝗇𝗀 𝗌𝗂𝗆𝗉𝗅𝖾𝗇𝗀 “𝖮𝗄𝖺𝗒 𝗄𝖺 𝗅𝖺𝗇𝗀 𝖻𝖺?” 𝖺𝗍 𝗍𝖺𝗈𝗌-𝗉𝗎𝗌𝗈𝗇𝗀 𝗉𝖺𝗄𝗂𝗄𝗂𝗇𝗂𝗀 𝖺𝗒 𝗆𝖺𝗅𝖺𝗄𝗂𝗇𝗀 𝖻𝖺𝗀𝖺𝗒 𝗇𝖺.

𝖯𝖺𝗍𝗎𝗅𝗈𝗒 𝗍𝖺𝗒𝗈𝗇𝗀 𝗆𝖺𝗀𝗂𝗇𝗀 𝗌𝖺𝗇𝖽𝖺𝗅𝖺𝗇 𝗇𝗀 𝗂𝗌𝖺’𝗍 𝗂𝗌𝖺. 𝖬𝖺𝗄𝗂𝗇𝗂𝗀. 𝖴𝗆𝗎𝗇𝖺𝗐𝖺. 𝖣𝗎𝗆𝖺𝗆𝖺𝗒. 𝖣𝖺𝗁𝗂𝗅 𝗌𝖺 𝖯𝖺𝗆𝗂𝗅𝗒𝖺 𝖬𝖺𝗋𝗂𝗏𝖾𝗅𝖾𝗇̃𝗈, 𝗐𝖺𝗅𝖺𝗇𝗀 𝖽𝖺𝗉𝖺𝗍 𝗆𝖺𝗄𝖺𝗋𝖺𝗆𝖽𝖺𝗆 𝗇𝖺 𝗇𝖺𝗀-𝗂𝗂𝗌𝖺.

#𝖯𝖺𝗆𝗂𝗅𝗒𝖺𝖬𝖺𝗋𝗂𝗏𝖾𝗅𝖾𝗇̃𝗈 #𝖲𝗎𝗂𝖼𝗂𝖽𝖾𝖯𝗋𝖾𝗏𝖾𝗇𝗍𝗂𝗈𝗇𝖬𝗈𝗇𝗍𝗁 #𝖣𝖺𝗆𝖺𝗒𝖺𝗇𝖣𝗂𝗍𝗈 #𝖬𝖺𝗒𝖯𝖺𝗀𝖠𝗌𝖺

07/09/2026

DOH: WALANG SUGAT PERO LUMUSONG SA BAHA? MAGPAKONSULTA PA RIN KONTRA SA LEPTOSPIROSIS!

Narito ang mga sintomas na dapat bantayan:
▪️Lagnat at panginginig
▪️Pananakit ng ulo
▪️Pananakit ng binti
▪️Pamumula ng mata
▪️Paninilaw ng balat at mata (Jaundice)

Agad magtungo sa pinakamalapit na health station sa inyong lugar sakaling makaramdam ng alin sa mga nasabing sintomas.

07/09/2026

Ngayong panahon ng habagat, malaki ang tyansang maganap ang mga aksidente tulad na lang ng pagkakuryente.

Narito ang ilang paalala sakaling makuryente:

✅️ Kung kaya at ligtas, pataying ang main switch

✅️ Kung hindi kayang patayin ang main switch, ilayo ang source ng kuryente gamit ang non-conducting object gaya ng kahoy o plastic. Huwag gumamit ng metal.

✅️ Tumawag sa emergency hotline 911

✅️ Simulan ang CPR kung walang malay ang biktima.

✅️ Banlawan ang mga paso ng malamig at umaagos na tubig sa loob ng 20 minuto.

✅️ Siguraduhing hindi giniginaw ang biktima at bantayan hanggang sa dumating ang tulong.

Siguraduhing ligtas ngayon tag-ulan, maging alerto anumang oras. Sama-sama tayo sa pagkamit ng ligtas na komunidad para sa mas matatag na pamilyang Bataeño.

20/08/2026

💊 𝐀𝐋𝐀𝐌𝐈𝐍: 𝐀𝐍𝐎 𝐀𝐍𝐆 𝐃𝐎𝐗𝐘𝐂𝐘𝐂𝐋𝐈𝐍𝐄 𝐀𝐓 𝐊𝐀𝐈𝐋𝐀𝐍 𝐈𝐓𝐎 𝐈𝐍𝐈𝐈𝐍𝐎𝐌?

Ang Doxycycline ay isang antibiotic na ginagamit sa ilang bacterial infections, kabilang ang leptospirosis. Ngunit hindi ito dapat basta-basta iniinom nang walang payo ng doktor.

🌧️ Kung ikaw ay lumusong sa baha, lalo na kung may sugat o mataas ang panganib na magkaroon ng impeksyon, agad na magpakonsulta sa pinakamalapit na Health Station o health facility.

⚠️ Huwag uminom ng Doxycycline nang walang reseta. Ang tamang gamot at dosage ay nakadepende sa iyong kondisyon at panganib sa sakit.

🏥 Para sa Pamilya Mariveleño, maging maingat, magpakonsulta sa health professionals, at sundin ang tamang payo upang makaiwas sa sakit.

Para sa ligtas at malusog na Pamilya Mariveleño, kalusugan ay laging unahin!

20/08/2026

💉 𝐌𝐑-𝐒𝐈𝐀: 𝐋𝐢𝐛𝐫𝐞𝐧𝐠 𝐁𝐚𝐤𝐮𝐧𝐚 𝐩𝐚𝐫𝐚 𝐬𝐚 𝐦𝐠𝐚 𝐁𝐚𝐭𝐚!

Mɢᴀ ᴍᴀɢᴜʟᴀɴɢ, sɪɢᴜʀᴀᴅᴜʜɪɴɢ ᴍᴀʙᴀᴋᴜɴᴀʜᴀɴ ᴀɴɢ ᴀᴛɪɴɢ ᴍɢᴀ ᴀɴᴀᴋ ɴɢ Mᴇᴀsʟᴇs-Rᴜʙᴇʟʟᴀ ᴀᴛ Vɪᴛᴀᴍɪɴ A ᴘᴀʀᴀ sᴀ ᴅᴀɢᴅᴀɢ ɴᴀ ᴘʀᴏᴛᴇᴋsʏᴏɴ ʟᴀʙᴀɴ sᴀ sᴀᴋɪᴛ.
📅 Aɢᴏsᴛᴏ 10–28
📍 Hᴇᴀʟᴛʜ Cᴇɴᴛᴇʀ, Fɪxᴇᴅ Pᴏsᴛ ᴀᴛ Tᴇᴍᴘᴏʀᴀʀʏ Vᴀᴄᴄɪɴᴀᴛɪᴏɴ Sɪᴛᴇs sᴀ ɪɴʏᴏɴɢ ʙᴀʀᴀɴɢᴀʏ

Pᴀʀᴀ sᴀ ᴋᴀʟɪɢᴛᴀsᴀɴ ᴀᴛ ᴋᴀʟᴜsᴜɢᴀɴ ɴɢ ᴀᴛɪɴɢ ᴍɢᴀ ᴀɴᴀᴋ, ᴍᴀɢᴘᴀʙᴀᴋᴜɴᴀ ᴀᴛ ᴍᴀɢɪɴɢ ᴘʀᴏᴛᴇᴋᴛᴀᴅᴏ!
Lɪʙʀᴇ, ʟɪɢᴛᴀs ᴀᴛ ᴇᴘᴇᴋᴛɪʙᴏ!

13/08/2026

Sa kabila ng masamang panahon na dulot ng habagat
kahapon August 12, 2026 matagumpay nating opisyal na nasimulan ang '"LIGTAS TIGDAS Measles-Rubella Supplemental Immunization Activity (SIA)" sa mga barangay na nasasakupan ng Mariveles Rural Health Unit IV, partikular sa Alion, Batangas II, at Lucanin.

Maraming salamat po sa mga magulang at guardians na naglaan ng oras upang mapabakunahan at mabigyan ng Vitamin A ang kanilang mga anak. ❤️ patuloy po naming inaanyayahan ang lahat ng mga magulang at guardians na nais pang mapabakunahan at mabigyan ng Vitamin A ang kanilang mga anak na magtungo lamang sa Barangay Health Station (BHS) na nakakasakop sa kanilang lugar at makipag-ugnayan sa ating mga Midwife at Barangay Health Workers para sa schedule at iba pang detalye.

Ang pagbabakuna at Vitamin A supplementation ay mahalagang bahagi ng pangangalaga sa kalusugan ng ating mga anak upang makatulong na maprotektahan sila laban sa mga sakit at masuportahan ang kanilang paglaki at magandang kalusugan.

Huwag nating palampasin ang pagkakataong maprotektahan ang ating mga chikiting—bawat bakuna at bawat patak ng Vitamin A ay hakbang tungo sa mas malusog at mas ligtas na kinabukasan ng ating mga anak. 💉👶❤️ Lubos din po ang aming pasasalamat sa ating masisipag, masigasig at dedicated na Midwives at BHWs ng BHS Alion, BHS Batangas II, at BHS Lucanin na patuloy na nagsisikap na maihatid ang serbisyong pangkalusugan sa bawat bata at pamilya sa ating mga nasasakupan.

Maraming salamat po sa inyong sipag, tiyaga, malasakit at walang sawang paglilingkod para sa kalusugan ng ating komunidad! 💚
👏 Magpabakuna at magpa-Vitamin A para sa mas malusog na mga bata! 💉

11/08/2026

📢 PAALALA | ROSUVASTATIN 20Mg AVAILABLE SA MARIVELES RURAL HEALTH UNIT 4

Sa ating mga pasyenteng nangangailangan ng Rosuvastatin, mayroon po tayong available na supply sa Mariveles Rural Health Unit 4 na may expiration date na August 31, 2026.

💊 SINO ANG MAAARING MAKAHINGI?
Ang Rosuvastatin ay maaaring maibigay sa mga pasyenteng makakapagpakita ng valid na reseta (prescription) para sa naturang gamot.

📌 Pakitandaan:

• Magdala at magpakita ng valid na reseta.
• Ang gamot ay ipamamahagi lamang ayon sa reseta at sa kaukulang assessment ng health personnel.
• Habang may available na supply lamang.
• Pakitiyak na tama ang gamot at dosage bago ito gamitin.

📍 Mariveles Rural Health Unit 4

💙 Para sa ligtas, maayos, at responsableng paggamit ng gamot para sa ating komunidad.
Maraming salamat po sa inyong pang-unawa at pakikiisa. 🙏