NAIC RHU Annex - Halang

02/06/2026

02/06/2026

🩺 ANTI-RABIES VACCINATION SCHEDULE 🩺

Para sa mga nakagat o nakalmot ng a*o o pusa 🐶🐱

📍 RHU Annex Halang
🗓️ Lunes at Huwebes

📍 RHU Main – Capt. C. Nazareno St.
🗓️ Martes at Biyernes

⏰ 8:00 AM – 12:00 NN

📢 Mga Paalala

✅ Magdala ng valid ID
✅ Dalhin ang inyong Animal Bite Treatment Record (ABTR) o vaccination card kung mayroon
✅ Dumating nang maaga upang maiwasan ang mahabang pila
✅ Sundin ang iskedyul ng inyong susunod na bakuna

⚠️ Kung Bagong Kagat o Kalmot

✔️ Hugasan agad ang sugat gamit ang sabon at umaagos na tubig sa loob ng 15 minuto
✔️ Huwag lagyan ng mga halamang gamot, toothpaste, kape, langis, o anumang hindi inireresetang sangkap
✔️ Huwag paduguin, hiwain, o pisilin ang sugat
✔️ Agad na magtungo sa pinakamalapit na Animal Bite Treatment Center (ABTC) o Animal Bite Center (ABC)

💉 FREE para sa:
👵 Senior Citizens
♿ PWD
📋 4Ps Beneficiaries

📣 Mag-aanunsyo sa aming page kung sakaling walang schedule sa itinakdang araw

💙 Ang rabies ay 100% na naiiwasan sa pamamagitan ng maagap at tamang pagpapabakuna.

Protektahan ang sarili at pamilya. Huwag ipagwalang-bahala ang anumang kagat o kalmot ng hayop. 🐶🐱💙

01/06/2026

25/05/2026

𝐈𝐝𝐢𝐧𝐞𝐤𝐥𝐚𝐫𝐚 𝐧𝐠 𝐌𝐚𝐥𝐚𝐜𝐚𝐧𝐚𝐧𝐠 𝐧𝐚 𝐧𝐚𝐭𝐢𝐨𝐧𝐚𝐥 𝐡𝐨𝐥𝐢𝐝𝐚𝐲 𝐚𝐧𝐠 𝐌𝐚𝐲 𝟐𝟕, 𝟐𝟎𝟐𝟔 𝐛𝐢𝐥𝐚𝐧𝐠 𝐨𝐛𝐬𝐞𝐫𝐛𝐚𝐬𝐲𝐨𝐧 𝐧𝐠 𝐄𝐢𝐝'𝐥 𝐀𝐝𝐡𝐚.

11/05/2026

𝗣𝗮𝗴𝗽𝘂𝗽𝘂𝗴𝗮𝘆 𝗮𝘁 𝗣𝗮𝘀𝗮𝘀𝗮𝗹𝗮𝗺𝗮𝘁 𝘀𝗮 𝗺𝗴𝗮 𝗞𝗮𝘁𝘂𝘄𝗮𝗻𝗴 𝘀𝗮 𝗟𝗶𝗯𝗿𝗲𝗻𝗴 𝗧𝘂𝗹𝗶 𝘀𝗮 𝗕𝗮𝘆𝗮𝗻 𝗻𝗴 𝗡𝗮𝗶𝗰

Isang taos-pusong pagpupugay at pasasalamat sa mga Rural Health Unit staff para sa kanilang dedikasyon at serbisyo sa matagumpay na libreng tuli para sa kabataan ng Naic.

Maraming salamat rin sa mga magulang at mamamayan na nakiisa at sumuporta sa programa. Ang inyong pakikibahagi ay naging malaking bahagi ng tagumpay nito at patunay ng pagkakaisa para sa kalusugan ng ating bayan ng Naic.

11/05/2026

‼️LISTA 6am‼️
Wala po Lista ng Hapon lahat po ng mag Papa Check-up sa buong araw ay sa Umaga po ang pa-Lista.

07/05/2026

MGA KA- NAIC! MAG IIKOT NA TAYO SA MGA BARANGAY PARA SA YAKAP REGISTRATION.. MAS MAIGING MASUNOD ITONG SUMUSUNOD NA HAKBANG PARA SA MADALIANG REGISTRATION NNYO SA AMING PAG BABA SA BAWAT BARANGAY..

KARAPATAN NYONG MAGAMIT ANG INYONG BENIPISYONG MEDIKAL PARA SA LIBRENG KONSULTASYON, LABORATORY, GAMOT, DENTAL, PANGANGANAK, ANTI RABIES, MENTAL HEALTH, SAKIT SA BAGA at NUTRISYON NA MERON SA ATING RHU...

MAG REGISTER NA PARA IKAYO'Y AMING MA-YAKAP!

06/05/2026

PRIORITY KAYO!

Flu Vaccine Caravan para sa Senior Citizens at Persons with Disability (PWD)

Bilang pagpapahalaga at pag-aalaga sa ating mga nakatatanda (Senior) at Persons with Disability (PWD), ang ating lokal na pamahalaan sa pakikipagtulungan ng Municipal Health Office ay magsasagawa ng isang libreng Flu Vaccine Caravan upang makatulong sa pagprotekta laban sa trangka*o at iba pang komplikasyon nito.

Inaanyayahan po namin ang lahat ng Senior Citizens at PWD na makiisa at magpabakuna sa ating gaganaping aktibidad:

Venue: Naic Municipal Covered Plaza
Date: May 14, 2026
Time: 8:00 AM – 12:00 NN

✓ Libreng Flu Vaccine
✓ Para sa Senior Citizens at PWD
✓ Ligtas at maayos na vaccination process
✓ First Come, First Serve basis (1st 500)

Mahalaga ang bakuna upang mapanatiling ligtas at malusog ang ating sarili, lalo na ang mga kabilang sa vulnerable sector. Sa pamamagitan ng pagpapabakuna, mas mababawasan ang panganib ng malubhang sintomas ng trangka*o at mapoprotektahan hindi lamang ang sarili kundi pati ang ating pamilya at komunidad.

Paalala:

• Magdala ng valid ID
• Dalhin ang vaccination card kung mayroon
• Magsuot ng komportableng kasuotan
• Dumating nang maaga dahil limitado lamang ang bilang ng bakuna

Ang aktibidad na ito ay patunay ng ating patuloy na malasakit at pagbibigay-priyoridad sa kalusugan ng ating mga Senior Citizens at PWD.

Sama-sama nating isulong ang isang mas ligtas, mas malusog at mas protektadong komunidad!

30/04/2026

𝗠𝗘𝗠𝗢𝗥𝗔𝗡𝗗𝗨𝗠 𝗢𝗥𝗗𝗘𝗥 𝗡𝗢. 19, Series of 2026
Half-Day Suspension of Work sa Pamahalaang Bayan ng Naic

Ipinababatid sa lahat na bilang pakikiisa sa pagdiriwang ng taunang Sunduan Festival, magkakaroon ng half-day suspension of work sa lahat ng tanggapan ng Lokal na Pamahalaan ng Bayan ng Naic simula 1:00 PM ngayong Abril 30, 2026.

Ang regular na operasyon ay muling magpapatuloy sa susunod na business day, maliban kung may iba pang abiso.

Mananatiling bukas at operational ang mga tanggapang may kinalaman sa paghahatid ng mahahalagang serbisyo upang matiyak ang tuloy-tuloy na pagseserbisyo sa publiko, kabilang ang:

• MDRRMO
• Naic PNP
• Naic BFP
• Municipal Health Office
• Municipal Jail
• NTMO
• Bantay Dagat

Ang work arrangement ng mga nasabing tanggapan ay nakasalalay sa pagpapasya ng kani-kanilang department o unit heads upang matiyak na walang maaantala sa mga pangunahing serbisyo.

Maraming salamat sa inyong pakikiisa sa pagdiriwang ng ating kultura at tradisyon ngayong Sunduan Festival 2026.