18/04/2026
Adopt a Child: Nourish to Flourish Program ng Barangay Ranzo 🌱🌸🌻
Isang makabuluhang hakbang tungo sa mas malusog na kinabukasan ang isinakatuparan ng Barangay Ranzo sa pamamagitan ng Adopt a Child: Nourish to Flourish Program, isang community-based supplemental feeding program na nagsimula noong March 9, 2026.
Sa pangunguna ng mga aktibong miyembro ng BHB at BNC, naging posible ang programang ito na may layuning matulungan ang mga batang may malnutrisyon. Higit sa lahat, tunay na kahanga-hanga ang naging papel ng komunidad—mula sa kanila nanggagaling ang araw-araw na “breakfast” para sa apat na batang benepisyaryo.
Hindi rin matatawaran ang dedikasyon at kooperasyon ng mga magulang na patuloy na sumusuporta at nakikiisa sa layunin ng programa.
Sa kasalukuyan, nasa ika-6 na linggo na ang implementasyon nito, at patuloy ang gabay at suporta mula kina Assigned BNS Cherelyn De Ramos, Kosehala ng Kalusugan Cecilia Sapallo, at ng masisipag na BHWs upang matiyak ang maayos na kalagayan at pag-unlad ng mga bata.
Ang programang ito ay patunay na kapag ang komunidad ay nagtutulungan, mas nagiging posible ang pagbabago—mula sa simpleng pagkain, nabubuo ang mas matibay na kinabukasan.
💚 Sama-sama para sa kalusugan ng kabataan!
“Sa mga nais pong mag sponsor ay mamari po kayong lumapit sa ating BNS Cherelyn De Ramos para ma schedule po ang inyong pag-papakain sa atingmga bata”
