Unyon ng mga Manggagawa sa Agrikultura

31/08/2026

KMP chairperson Danila Ramos said the Marcos government must stop dismissing the recurring flooding as simply the result of heavy rains and confront its deeper causes, including failed infrastructure, corruption, environmental destruction and the lack of genuine long-term flood-mitigation measures.

31/08/2026

ISANG TAAS-KAMAONG PAGPUPUGAY PARA SA MGA BAYANI AT MARTYR NG SAMBAYANAN!

Ngayong araw, Agosto 31, ating ginugunita ang Araw ng mga Bayani sa pagpupugay sa mga anak ng bayan na buong-pusong inialay ang kanilang buhay, lakas, at talino sa pakikibaka para sa pambansa-demokratikong adhikain ng sambayanang Pilipino.

Hindi lamang sila mga pangalang nakaukit sa ating kasaysayan. Sila ang mga manggagawa, magsasaka, manggagawang pangkultura, kabataan, dakilang g**o, alagad ng sining, mga organisador ng bayan, at mga karaniwang tao na tumindig laban sa pang-aapi at pagsasamantala, at piniling ialay ang sarili para sa ganap na paglaya ng masang anakpawis.

Sa gitna ng nagpapatuloy na kahirapan, pangangamkam ng lupa, panunupil, at pagpaslang sa mga mamamayang lumalaban, higit na mahalagang alalahanin ang kanilang mga sakripisyo—hindi bilang pagtatapos ng kanilang pakikibaka, kundi bilang panawagang ipagpatuloy ang kanilang sinimulan.

Ang pinakamataas na pagpupugay sa mga bayani at martir ng sambayanan ay hindi lamang paggunita sa kanilang alaala, kundi ang pagpapatuloy ng kanilang ipinaglaban: ang pagkakamit ng tunay na kalayaan, hustisyang panlipunan, at isang lipunang nagsisilbi sa interes ng masa.

HUSTISYA PARA SA MGA BAYANI AT MARTYR NG SAMBAYANAN!
PAG-ALABIN ANG DIWANG PALABAN NG SAMBAYANANG PILIPINO!

---

What Makes a Hero?
ni Jose Maria Sison

It’s not the manner of death
That makes someone a hero
It is the meaning drawn
From the struggles against the foe.

There is the hero who dies in the battlefield.
There is the hero who dies of hunger and disease.
There is the hero who dies of some accident.
There is the hero who dies of old age.

Whatever is the manner of death,
There is a common denominator
A hero serves the people
To his very last breath.

31/08/2026

Ngayong Agosto 31, nakiisa ang Anakpawis Party-list, kasama ang Kilusang Magbubukid ng Pilipinas - KMP, at PAMALAKAYA-Pilipinas sa multisektoral na protesta na pinangunahan ng mamamayan at magsasaka ng Malolos, Bulacan.

Mahigit isang taon na mula nang sumambulat ang anomalya sa mga proyekto para sa flood control, ngunit hanggang ngayon ay nananatiling bulnerable sa pagbaha ang mga komunidad, magsasaka, mangingisda, manggagawa, at iba pang sektor sa Bulacan at sa buong Pilipinas. Hindi simpleng “kalamidad” ang paulit-ulit na pagbaha. Habang binabaha at nawawalan ng kabuhayan ang mga magsasaka at komunidad, patuloy namang kumikita ang mga tiwaling pulitiko at malalaking korporasyon mula sa mga proyektong sinasabing para sa di umani sa kaunlaran.

Walang kaunlaran habang naghahari ang korapsyon sa pamahalaan. Walang kaunlaran sa pagkasira ng kalikasan at kabuhayan. Habang ipinagkakait sa mamamayan ang kanilang kabuhayan at seguridad para bigyang-daan ang mga proyektong pinakikinabangan ng iilang makapangyarihan, walang kaunlaran.

Dapat panagutin ang rehimeng U.S.-Marcos, mga pulitikong sangkot sa maanomalyang flood control, at ang malalaking korporasyong kumakamkam sa ating likas na yaman at sumisira sa kalikasan. Imbestigahan, ilantad at panagutin ang lahat ng sangkot.

Hindi sapat ang mga pangakong imbestigasyon habang patuloy na lumulubog sa baha ang mga komunidad. Kailangan ng tunay na pananagutan, makabuluhang flood-control measures, rehabilitasyon ng mga nasirang ekosistema, proteksyon sa kabuhayan ng mga magsasaka at mangingisda, at makatarungang kompensasyon sa mga biktima ng kalamidad.

31/08/2026

NAGAGANAP: Ngayong araw, inilunsad ang Network Opposed to Pax Silica - NO to Pax Silica. Isang alyansang naglalayon na pagkaisahin ang mga organisasyon, indibidwal, mga komunidad at peasant and indigenous peoples advocates upang labanan ang Pax Silica.

Ang nasabing bilyong-dolyar na proyekto ay makasisira sa mga komunidad at magpapalayas sa libong magsasaka at katutubo. Aagawin ng Pax Silica ang kanilang buhay, kultura ang kabuhayan.

Planong dambungin ng imperyalistang U.S. ang 1,6020 ektaryang lupain sa Economic Security Zone sa New Clark City, Pampanga. Bukod pa rito, itinutulak din ang malawakang pagmimina sa iba't ibang probinsya upang tustosan ang mga kinakailangan umanong critical minerals ng nasabing proyekto.

Saan man may minahan at iba pang porma ng pandarambong sa kalikasang bunga ng pagkaganid ng mga dayuhang korporasyon, naroon ang AFP at PNP upang protektahan ito.

Siguradong maraming mga magsasaka, katutubo, mga land rights defenders, peasant at indigenous peoples advocates ang hahagupitin ng pasismo ng estado.

Kaisa ang Unyon ng mga Manggagawa sa Agrikultura (UMA) sa pakikibaka upang pigilan ang Pax Silica. Walang ibang maidudulot ito kundi pagkawasak ng kalikasan at kabuhayan gayundin ang mas matindi pang paglabag sa mga pantaong karapatan.

Panawagan sa sambayanan:
PIGILAN ANG IMPEYALISTANG PANDARAMBONG! TUTULAN ANG PAX SILICA!

31/08/2026

31/08/2026

30/08/2026