What are the opening hours?

Monday 8am - 5pm Tuesday 8am - 5pm Wednesday 9am - 5pm Thursday 9am - 5pm Friday 9am - 5pm Saturday 8am - 5pm

https://www.instagram.com/cstrc_opd/

A Click to Celebrate Life and Recovery, San Fernando (2026)

27/07/2026

"Life Testimony ni C.A"

March 04,2024 ng ako ay lumabas sa CSTRC kung saan tumira ako ng 13 months. Sa aking pag labas takot at saya ang aking nararamdaman.Masaya, dahil makakasama ko na ang aking mga anak at aking asawa at ang aking mga kapatid.Kaba, dahil alam ko na malaking pag subok na naman ang aking haharapin sa aking pag labas.Dahil alam kong maraming pwedeng barkada na makaka impluwensiya sa akin, pero hindi ako mag papaimpluwensiya sa kanila. Alam ko na sa isang pag kakamali ko ay pwede ako bumalik sa dati kong bisyo.Kaya nag papasalamat ako sa Diyos na binigyan nya ako ng linaw ng isip. Nang ako ay mag simula ng mag report sa Aftercare Program, sa phase 1 ako ay nag report ng halos isang taon dahil nahihirapan ako kasi sa isang linggo dalawang beses ang aking pag rereport, dahil sa kakulangan sa financial dahil sa wala pa akong trabaho noon.Sa pag lipat ko naman ng phase 2 medyo maayos naman ang aking pag report kasi halos na perfect ko naman ang pag report.Pag dating naman ng phase 3, medyo nahirapan naman ako kasi mahigpit ang amo ko.Nahihirapan ako mag paalam at medyo malayo. Sa awa naman ng Diyos natapos ko naman ang phase 3.Pagdating ko naman ng phase 4 ay medyo maayos na. Kaya nagpapasalamat ako sa lahat ng mga staff ng CSTRC especially sa Aftercare Program Staff. Lalong lalo na sa Diyos at nagpapasalamat ako sa aking asawa na walang sawang sumuporta habang ako ay nag rerecober, at hindi ako sinukuan mula noon hanggang ngayon. Dahil sa kanila naging maayos ang aking pag rerecober. Napatunayan ko na sa aking sarili na hindi na ako sumubok tumikim ng droga, alak, at sigarilyo. Naging mabuting ama ako sa aking mga anak at unti-unti na rin bumalik ang dati kong pag uugali na masayahin, at may respeto sa kapwa.

22/07/2026

🎉 TRABAHO, HANAPBUHAY AT OPORTUNIDAD! 💼✨

Mga IOP-ACP at Aftercare Program Graduates, ito na ang pagkakataon ninyong magsimula ng panibagong yugto ng inyong buhay!

Ang Outpatient and Aftercare Division (OAD), sa pakikipagtulungan sa Metro Naga PESO Office at TESDA Provincial Office – Camarines Sur, ay nag-aanyaya sa inyo na dumalo sa ating Local Job Recruitment Activity.

📅 July 24, 2026 (Friday)
📍 Queen Rose Hall, Robertson Hotel, Naga City

🌱 Mula sa inyong recovery, panahon na upang tahakin ang landas patungo sa trabaho, kasanayan, at mas magandang kinabukasan.

Sa aktibidad na ito, magkakaroon kayo ng pagkakataong:
✅ Makipag-ugnayan sa mga local employers
✅ Makahanap ng mga job opportunities
✅ Malaman ang mga skills training at scholarship programs ng TESDA
✅ Magbukas ng panibagong pintuan tungo sa produktibo at matagumpay na buhay

Ang inyong pagtatapos sa programa ay hindi ang katapusan ng inyong paglalakbay—ito ang simula ng mas maliwanag na bukas. 💙

📢 Huwag palampasin ang pagkakataong ito! Dalhin ang inyong sarili, kumpiyansa, determinasyon maraming kopya ng iyong resume.

💪Huwag mangamba, tutulungan ka naming maging handa! Makipag ugyan at magpalista sa mga sumusunod upang mabigyan ka ng tamang gabay:

✅Ms Elle : Doh-cstrc Ma’am Elle (FB)
✅Ms. Shane: Maam Shane CSTRC (FB)

Kita-kits sa July 24! 💼🌟

30/06/2026

Life Testimony ni J.C.L.

April 17, 2024 ng ako ay nakalabas ng c
CSTRC baon ang mga natutunan ko sa loob ng Center upang maging sandata ko. Hindi ko maipaliwanag ang saya na nararamdaman kong nang makita ang aking magulang at mga kapatid ko.

Unang dalawang linggo ko ay hindi pa ako masyadong sanay kaya ang ginagawa ko na lang ay naghahanap ako ng malilibangan at ng mag-iisang buwan na ako ay nagpatulong ako sa kapatid ko na hanapan ako ng trabaho mapapasukan hindi naman ako nabigo.

Naging maayos naman schedule ko kaya't nakakapag-report ako ng maayos sa ACP and probation. Trabaho at bahay, diyan lang umikot ang mundo ko kung kaya't malayo sa external trigger at dahil na rin mahigpit ang ate ko kaya't kapag wala akong pasok ay nasa loob lang ako ng bahay hanggang sa malipat ako ng phase 2 kaya't naging maluwag na para sa akin ang pagrereport. Ipinagpatuloy ko pa din na maging clean and sober sa tulong ni Higher Power at sa walang sawang pagtitiwala at pagpapaalala sa akin ng mga mahal ko sa buhay. Makalipas ang ilang buwan ay dumating na ang kinatatakutan ko, December 22, 2025 ng magkaroon kami ng christmas party ng mga katrabaho ko nagkayayaan uminom at hindi na ako nakatanggi pa kaya ay doon ko ulit na tikman ang alak pagkatapos ay doon ko lang ulit naalala na bawal pa ako uminom kung kaya't nilihim ko na lang ang nangyari hindi ko na muli inulit pa dahil ayaw kong magkaroon ulit ng duda ang mga mahal ko sa buhay makalipas ang ilang buwan ay lumipat ako ng matutuluyan. Sa una ay masaya dahil pakiramdam ko ay malaya ko ng nagagawa ang anumang gustuhin ko ngunit parang may kulang.

March 5,2025 ng malipat ako ng pinapasukang trabaho panibagong adjustment naman ito sa akin dahil panibagong pakikisama na naman at sa kabutihang palad ay mababait naman ang mga taong nakakasama ko. Sa hindi inaasahan ay nagkaroon ako ng kasintahan, kinwento ko sa kanya ang tungkol sa akin dahil ayaw kong malaman niya pa sa iba at sobrang thankful ako sa kanya dahil tinanggap niya ako at naunawaan niya ang pinagdaanan ko. Nagpapasalamat ako dahil nanatili akong sober.

26/05/2026

"Life Testimony ni L.E."

January 31, 2023 nang ako ay makalabas sa lugar ng pagbabago umuwi ako sa bahay ng aking kuya. Masaya sila ng malaman na nakalabas na ako, makalipas ang dalawang linggo ay nakapagtrabaho ako sa private rehabilitation, napagkatiwalaan ako na magtrabaho doon, naging maayos naman ang naging trabaho ko doon. Hindi maiwasan ang trigger sa labas, ang tangi ko lang ginagawa ay hindi magpatukso sa mga friends ko noon at sa mga katrabaho, mayroong mga problema na aking nararanasan na kusang dumadating pero hindi ko inisip na bumalik sa dati kong ginagawa na gumamit ng droga. Iniisip ko lang ay ang gumawa ng solusyon at ang importante ay wala akong ibang inaalala kundi ang mag-ina ko dahil napabayaan nk sila dahil sa paggamit ko noon ng droga at ayaw ko na itong mangyari pa ulit sa akin. Palagi akong sinusubok ng aking trigger ngunit nalalabanan ko ito, hindi ako nalabas ng bahay na hindi ko kasama ang aking asawa ar anak. Masaya ako sa buhay ko dito sa labas dahil ang dalawa kong kapatid ay wala sawa sa pagtulong sa aking pamilya at sa mga plano na makabalik ako sa maayos na buhay at lalo na sa aking asawa na walang sawang nagpaalala sa akin ng mga hindi dapat pakisamahan lalo na ang mga barkada na palaging sinasabi sa akin ng asawa ko na hindi sila makakatulong sa aking pagbabago. Nakikita din naman nila ang aking pagbabago lalong naging masaya ako ng sama-sama na kami ng aking mag-ina sa bahay at ang naging daily activity ko ay ang magtrabaho, bahay at kung linggo ay ang magsimba at update palagi sa dalawa kong kapatid. Naisip ko at narealize ko dito ay pwedeng pwede talagang maging masaya ng walang droga patuloy at magpapatuloy lang ako sa mga pangarap ko. Madami akong natutunan sa loob ng pagbabago na naa-apply ko dito sa labas focus ng palagi sa mga pangarap ko lalong hindi magkampante sa sarili palagi naman akong nagsasabi sa kung ano ang pakiramdam ko sa aking asawa at nandiyan naman palagi upang ipaintindi sa akin ang mga nararamdaman ko unti-unti ko na rin naibabalik ang tiwala sa akin ng aking pamilya. Trust God and trust the process lang ang aking iniisip. Salamat din sa aking asawa sa walang sawang na pagsuporta sa akin.

28/04/2026

"Life Testimony ni E.A"

Buwan ng April taon 2024 nang ako ay nakalabas na ng rehab o mas kilalang bahay ng pagbabago sa CSTRC. Halong lungkot at saya ang aking naramdaman ng araw na iyon, lungkot dahil ay iiwanan ko ang mga kasama ko ng mahigit isang taon at saya naman dahil makasama ko na ang aking pamilya. Habang nasa biyahe ako naisip kong nakakakaba ang buhay sa labas ng walang bisyo at ng pagdating namin ng bahay ay tukso agad ang inabutan ko dahil inabutan kong nag-iinom ang aking mga pinsan at tito pero hindi ako nagpadala sa tukso at sinabi ko sa kanila na hindi na ako pwede mag-inom. Habang ako ay nasa labas ay ginagawa ko pa rin ang mga ginagawa ko sa Center tulad ng exercise sa umaga, magsimba at magdasal. Mayroong mga tukso na lumalapit tulad ng mga barkada at mga taong may bisyo at nagpapasalamat ako dahil naiiwasan ko naman ito, sinasamahan ko ng dasal na ilayo ako sa mga tukso. Dito ko ginagamit ang tinuro sa akin ng Center para labanan ang mga tukso na ito tulad ng pag-iwas at naging libangan ko sa pang araw ay ang pag-aalaga ng baboy at pagtulong sa pagpapagawa ng aming bahay. Sa pamamagitan nito sa araw-araw ay naiiwasan ko ang mga tukso at pagkabagot at nagpapasalamat ako dahil sa hindi ko iniisip ang gastusin tuwing ako ay magre-report sa Center dahil andiyan ang aking mama para ako ay tulungan para sa aking patuloy na pagbabago. Salamat talaga sa aking mama na laging handa tulungan ako sa aking pagkakadapa at ng lumabas ako ay aminado ako sa aking sarili na problemado pa rin ako at balisa minsan dahil mayroon pa akong kaso na haharapin sa Manila at dito habang nagre-report ako sa Center pati na rin sa probation ko. Nagpapasalamat ako sa Diyos dahil nakakaya ko ito. Buwan buwan ay lumuluwas ako para sa aking mga anak at salamat dahil napatawad ako sa aking pagkukulang sa kanila at ngayon ay lagi ko na sila nakakasama. Buwan ng May 2024 ng ako ay naipasok ng trabaho ng aking nakasama sa Center at unang araw ko dito ay masaya ako dahil sa unang dahilan mayroon na akong maibibigay sa aking mga anak at hindi na ako aasa sa aking mama sa mga gastusin ko sa pamasahe tuwing magre-report at tuwing magkakaroon ako ng hearing sa Manila. Naramdaman ko sa aking mama na masaya siya para sa akin at masaya pala ako kung nasaan ako ngayon at masaya dahil nakakatulong na ako sa mga tao na naging tulad ko na nadapa at handang magbago para sa kanilang sarili at pamilya. Sa pamilya tumatakbo ang aking buhay sa ngayon at masaya ako sa binigay ng Diyos para sa aking buhay at handa tumulong sa mga katulad ko na minsan naging adik at nadapa sa buhay at lalaban sa buhay para sa patuloy na recovery.

18/03/2026

"Life Testimony ni D.C"

Taong 2024 umaga sa hindi ko inaasahan na araw na iyon 18 ng Abril ng ako ay lumabas sa CSTRC. Sabik na makauwi at makasama ang aking pamilya, tuwa ang aking naramdaman sa pananabik na mayakap ko ang bawat isa sa kanila.

Sabik na makauwi habang nakasakay kami sa tricycle matulin, kasing tulin ng aking isipan ang takbo ng sasakyan. Habang nasa biyahe ay marami akong naiisip na gusto kong gawin sa pagkauwi ko o pagdating sa bahay. Pagdating namin ng bahay ay sa madaling sabi nakaabang na sila sa akin sa pagbaba ng tricycle. Ginala ko ang aking mata ngunit wala ang aking asawa ,yakap sa mama ko, sa mga anak ko, apo at sa pangalawang ama na siyang nakaalalay sa paglaki ko. Grabe ang aking iyak habang nakayakap sa kanya.

Kinabukasan sa mga araw pang nagdaan ay nararamdaman ko na ang hirap, at tama sila maraming tukso, trigger at takot na baka hindi magtagal sa labas. Dumating ang araw na pabalita ako sa CSTRC na palagi kaming magkakasama ng mga ka-RDD ko pero mainam naming binabantayan ang bawat isa, umiiwas sa paggamit o tukso sa bawat isa sa amin. Sa mga araw na nagdaan at buwan maraming trigger sa buhay lalo na ang pera at barkada pero hindi ako nagpatinag sa kanila bagkus ginamit ko kung ano ang aking natutunan habang nasa loob ako ng lugar ng pagbabago kung papaano makaiwas sa paggamit at salamat na rin sa aking pamilya andiyan sila para sumuporta sa akin.

Muli nga pala akong bumalik sa aking trabaho bilang isang mekaniko ginamit ko ang aking talento ko sa pagkukumpuni ng mga sasakyan para makaiwas at libangin ang sarili. Isa sa nagpapalakas sa akin nagbibigay at ng pag-unawa ang aking ina. Alam niya kung ano ang pinagdadaanan ko bilang RDD sa komunidad at sa pamilya.

Pagdating sa pagrereport sa CSTRC ay nandiyan ang mga trigger, mga biruan na hindi naman nangyayari nagpapasalamat ako sa Diyos dahil hanggang sa ngayon tuloy tuloy lang ang agos ng pagbabago minsan hindi ko maiwasan ang relapse ng aking ugali dahil sa emosyon nagagalit na nalulungkot.

Salamat pa rin sa pamilya ko dahil sa pagbibigay payo at babala sa mga desisyon na aking gagawin nagpapasalamat ako sa aking magulang dahil andiyan sila na handang makinig at pumayo para sa akin.Nandiyan din ang suporta ng anak ko at salamat din pala sa mga staff ng Aftercare Program, simula Phase 1 hanggang Phase 4, salamat sa inyo sa mga lesson na inyong pinaalala sa akin kayo ang nagturo sa muling pagbabago ko sa labas ng CSTRC. Sana marami pa po kayong matulungan na kagaya kong nawala ng landas maraming maraming salamat po.

18/02/2026

"Life Testimony ni J.B."

April 19, 2023 nang ako ay lumabas sa lugar ng pagbabago sa DOH San Fernando Pamukid Rehabilitation Center. Tuwa at kaba ang aking naramdaman kasi panibagong pakikipagsapalaran na naman ang aking gagawin pero okay lang kasi ang importante na kalabas na ako sa rehab center. Kahit papaano makakatulong ako sa aking asawa sa pag hahanapbuhay at sa mga gastusin sa pang araw-araw sa loob ng bahay at para maumpisahan ko na ang aking ACP program para naman matupad ko yung pangako ko sa rehab center na tapusin ko ang aking ACP program at salamat sa aking asawa sa walang sawang sa akin na pagpayo na umiwas sa anumang tukso o mga barkada. Madali naman akong nakabalik sa aking trabaho kasi nagpaalam naman ako sa aming association sa terminal bago ako pinasok sa rehab center kaya tuloy-tuloy naman ang aking trabaho. Nagpapasalamat ako kay Papa God kasi palagi niya akong naggagabayan sa aking trabaho na makaiwas sa anumang tukso o mga barkada, pati na rin sa aking asawa sa walang sawang pagsabi na maagang umuwi galing trabaho yun naman ang aking ginagawa para tuloy-tuloy lang ang recovery. Tuloy-tuloy din ang aking pagre-report sa ACP program, sa ngayon ay okay naman walang trigger sa trabaho kasi ang alam nila iba na ang pananaw mo sa sarili mo ang iba kong dating mga barkada sa labas tamang hinala sa akin kasi raw baka daw ako isang asset. Laking tuwa ko nga dahil iniiwasan na nila ako pero para sa akin wala naman akong pakialam sa kanila kung ano man ang tingin nila sa akin basta wala akong ginagawa sa kanila basta ang iniisip ko tuloy-tuloy lang sa trabaho at pagaling lalo na sa pagre-report si ACP program. Nakagraduate na ako sa ACP program sa tulong ng aking pamilya lalo na ang aking asawa at mga staff sa rehab center na walang sawang bantay sa akin at paulit-ulit na tamang gagawin para sa pag recovery sa sarili, kaya iyon naman ang aking ginagawa at sa tulong ni Papa Gpd hanggang ngayon tuloy pa rin ang tuloy pa rin. Salamat talaga sa aking pamilya at sa mga staff na sumusubaybay sa aking pagbabago at sa aking pagre-report God bless sa atin.

29/01/2026

Life Testiony ni H.B

"Buhay RDD"

Nag umpisa akong gumamit ng droga mga taong 1996 natuto ako nito sa aya lamang ng kaibigan, binata pa ako noon kaya madali akong nalulong sa droga diskarte ng ibat ibang paraan para lamang makagamit. Minsan nauutosan na magbenta ng mga gamit ng kaibigan ko minsan, naman sariling gamit ko na ang binibenta ko para lamang maibili ng droga at minsan naman nagiging pwestuhan na ang bahay namin para lang ako maka gamit ng libre. Lumipas pa ang mga araw buwan at taon naging ganon ang takbo ng buhay ko hanggang sa magkaroon ako ng kinakasama sa buhay nagkaroon kami ng tatlong anak, ayos naman ang pagsasama namin alam naman ng asawa ko na gumagamit ako ng droga nagtutulungan lang kami sa hanap buhay pero ganon parin gumagamit parin ako may mga pumipwesto pa din sa bahay. Taon 2018 ng mahuli ako ng mga pulis, nilagyan nila ng droga ang loob aming bahay at doon nakulong ako sa Iriga City Jail, malungkot ang naging buhay ko sa kulungan mabuti nalang hindi ako pinabayaan ng aking asawa palagi nya akong dinadalaw kaya nabawasan ang aking kalungkotan, ang asawa ko rin ang nag asikaso para madali akong makalaya lumabas ako sa kulungan July 2019, yun nga lang ang utos sa akin ng korte ay mag rehab ako. Panibagong problema na naman tumagal pa naman ako sa labas bago ako nag rehab inabot kasi ako ng pandemic kaya natagalan bago ako naka pag rehab pero sa pag labas ko noon sa kulungan ay isinumpa ko na di na ako gagamit ng droga naka pasok ako ng rehab July 2022 panibagong lungkot na naman ang aking naramdaman sa pangalawang pag kakataon mahihiwalay na naman ako sa aking pamilya pero salamat narin at marami pa akong na tutunan sa loob ng rehab itinuro saakin kung paano makaiwas sa mga kaibigang gumagamit ng droga, lumabas ako ng rehab taong 2023 pero kailangan ko pa ang mag report sa ACP masaya ako kasi kasama ko na ulit ang aking pamilya tumagal ako ng 23 months sa ACP, kung minsan kasi hindi ako naka pag rereport kasi kinakapos kami sa pera pero sa awa ng Dios ay nakatapos rin ako. Salamat sa mga naging sandalan ko sa loob at labas ng rehab, sa lahat ng staff ng Center. Maraming salamat po sa inyo.

03/12/2025

"Life Testimoy ni N.E"

Nag umpisa akong gumamit ng droga mga taong 1996 natuto ako nito sa aya lamang ng kaibigan, binata pa ako noon kaya madali akong nalulong sa droga diskarte ng ibat ibang paraan para lamang makagamit. Minsan nauutosan na magbenta ng mga gamit ng kaibigan ko minsan, naman sariling gamit ko na ang binibenta ko para lamang maibili ng droga at minsan naman nagiging pwestuhan na ang bahay namin para lang ako maka gamit ng libre. Lumipas pa ang mga araw buwan at taon naging ganon ang takbo ng buhay ko hanggang sa magkaroon ako ng kinakasama sa buhay nagkaroon kami ng tatlong anak, ayos naman ang pagsasama namin alam naman ng asawa ko na gumagamit ako ng droga nagtutulungan lang kami sa hanap buhay pero ganon parin gumagamit parin ako may mga pumipwesto pa din sa bahay. Taon 2018 ng mahuli ako ng mga pulis, nilagyan nila ng droga ang loob aming bahay at doon nakulong ako sa Iriga City Jail, malungkot ang naging buhay ko sa kulungan mabuti nalang hindi ako pinabayaan ng aking asawa palagi nya akong dinadalaw kaya nabawasan ang aking kalungkotan, ang asawa ko rin ang nag asikaso para madali akong makalaya lumabas ako sa kulungan July 2019, yun nga lang ang utos sa akin ng korte ay mag rehab ako. Panibagong problema na naman tumagal pa naman ako sa labas bago ako nag rehab inabot kasi ako ng pandemic kaya natagalan bago ako naka pag rehab pero sa pag labas ko noon sa kulungan ay isinumpa ko na di na ako gagamit ng droga naka pasok ako ng rehab July 2022 panibagong lungkot na naman ang aking naramdaman sa pangalawang pag kakataon mahihiwalay na naman ako sa aking pamilya pero salamat narin at marami pa akong na tutunan sa loob ng rehab itinuro saakin kung paano makaiwas sa mga kaibigang gumagamit ng droga, lumabas ako ng rehab taong 2023 pero kailangan ko pa ang mag report sa ACP masaya ako kasi kasama ko na ulit ang aking pamilya tumagal ako ng 23 months sa ACP, kung minsan kasi hindi ako naka pag rereport kasi kinakapos kami sa pera pero sa awa ng Dios ay nakatapos rin ako. Salamat sa mga naging sandalan ko sa loob at labas ng rehab, sa lahat ng staff ng Center. Maraming salamat po sa inyo.

25/11/2025

"LIFE TESTIMONY NI R.C"

Nagsimula akong natututo na gumamit ng droga dahil sa mga kababata ko na barkada doon sa aming barangay dahil sila ay gumagamit ng droga o ang shabu, ito ay aking tinikman dahil mayroon daw akong mararamdaman na kakaiba. Sa una ayaw ko dahil hindi ko alam ang epekto nito sa aking sarili subalit talagang pinilit nila na ito'y tikman ko may mararamdaman daw akong kakaiba dahil sa kakulitan nila ito ay sinubukan ko. Sa una kong gamit, tumayo ang balahibo sa aking katawan at ang pakiramdam ko ay walang problema sa buhay, parang ang lakas ng aking katawan at hindi ako napapagod sa lahat na ginagawa ko dahil sa pakiramdam na yon. Dahil sa pakiramdam na yun ay ito'y nagpalala sa aking na gusto ko lagi ako gumagamit ng droga at dito minsan nagtatago na ako ng pera para lang makabili ng drugs o kaya manloko sa pamilya para lang makabili ako ng drugs at minsan nag nanakaw ako ng pera sa mga kapatid. Naging talamak na ako sa drugs kaya minsan hindi ko na kilala ang aking sarili naging mainitin ang ulo, balasubas kapag hindi nakakagamit ng drugs.Dahil sa kagustuhan makagamit ng drugs sumama ako sa isang kaibigan ko sa isang lugar para bumili ng droga hindi ko alam na siya pala ay mainit na sa mga pulis at siya ang target na hulihin. At ng siya ay hinuli ako'y nakasama, nahuli, dito ako ay nakulong ng walong buwan sa kulungan ako ay nag hirap na malayo sa pamilya, dito ko rin naranasan ang sobrang lungkot. Lahat ng ito ay tiniis ko dahil gusto ko magbago at dito ko rin nalaman na ang barkada kasama sa paggamit ng drugs wala man lang dumalaw, wala sa oras ng kahirapan kasama mo lang sila sa saya o kung may pera ka. At dito ko rin naisip na walang ibang dadamay sa iyo kundi pamilya mo, asawa mo, mga anak mo o mga kapatid mo, sila lang dadamay sa iyo. At ng lumabas ako sa kulungan at ang sintinsya sa aking ay magrehab ako, ako ay natakot kung ano ang magiging buhay ko sa rehab pero inisip ko aking sarili ito ay haharapin ko dahil gusto ko ng mabago ang aking sarili. Nang pumasok na ako sa loob ng rehab dito ko natutunan ang disiplina sa sarili at ang umiwas sa mga trigger sa aking sarili at ang technic kapag ikaw giyang o nakakaisip mag drugs. Dito ko rin nalaman kapag ang lugar mo doon ang mga kaibigan mo na gumagamit ng drugs dapat mo ito iwasan at yon mga kaibigan mo ng gumagamit nito ay iwasan mo dahil dito ka ulit makakaisip mag drugs. Pakalabas ay nag Aftercare Program ako, tinuro sakin mga hindi pwede at umiwas lalo sa mga bagay o lugar na maari maging sanhi sa akin upang muling bumalik sa pag dodroga at dito rin ako naging maingat. Dito sa lugar naming dahil dito ay maraming tukso upang muling mag droga at sa pamilya ko naisipan ko nalang na pag silbihan sila. Naisip ko ang mga anak ko at malalaki na sila at nahihiya na ako na malaman nila na ang kanilang ama ay isang drug addict. Gagamitin ko ang lahat ng natutunan ko sa loob ng rehab at aftercare dito sa labas lalo na ang pag iwas sa internal trigger, sa external trigger upang umiwas na muling bumalik sa droga dahil alam ko ang tunay na laban dito sa labas dahil pag tapos na ako sa program ng A.C.P ko wala nang magpapaalala sa akin para umiwas sa droga at wala saakin mag drug test. Pero iniisip ko nalang ang lahat ng natutunan ko sa rehab at sa A.C.P dahil sobrang sakripisyo ko na sa aking sarili at sakripisyo rin sa aking pamilya at tulong sa akin upang muling magbago ang aking sarili at maramig salamat po sa lahat ng phase in charge mula sa phase 1 hanggang sa phase 4 sa pag-gabay sa akin upang hindi na muli bumalik at sa lahat ng staff maraming salamat po.
GOD BLESS YOU ALL!!!!

A Click to Celebrate Life and Recovery

27/07/2026

22/07/2026

30/06/2026

26/05/2026

28/04/2026

18/03/2026

18/02/2026

29/01/2026

03/12/2025

25/11/2025

Address

Opening Hours

Website

Alerts

Contact The Practice

Shortcuts

Share

Listing takedown request

Monday	8am - 5pm
Tuesday	8am - 5pm
Wednesday	9am - 5pm
Thursday	9am - 5pm
Friday	9am - 5pm
Saturday	8am - 5pm