City Health Center XIII - CSJDM

24/08/2026

19/08/2026

💙🌧️𝐏𝐚𝐭𝐮𝐥𝐨𝐲 𝐚𝐧𝐠 𝐒𝐞𝐫𝐛𝐢𝐬𝐲𝐨, 𝐀𝐧𝐮𝐦𝐚𝐧 𝐚𝐧𝐠 𝐏𝐚𝐧𝐚𝐡𝐨𝐧! 🌧️💙

Sa kabila ng maulang panahon, patuloy pa rin ang paghahatid ng serbisyong pangkalusugan sa ating komunidad! ☔🏥

Ang ating 𝐀𝐩𝐚𝐭 𝐧𝐚 𝐁𝐚𝐫𝐚𝐧𝐠𝐚𝐲 𝐇𝐞𝐚𝐥𝐭𝐡 𝐒𝐭𝐚𝐭𝐢𝐨𝐧𝐬 (𝐁𝐇𝐒)
𝐆𝐫𝐚𝐜𝐞𝐯𝐢𝐥𝐥𝐞 𝐈𝐈 𝐁𝐇𝐒, 𝐆𝐫𝐚𝐜𝐞𝐯𝐢𝐥𝐥𝐞 𝐈𝐈𝐈 𝐁𝐇𝐒, 𝐍𝐇𝐀 𝐁𝐇𝐒 𝐚𝐭 𝐃𝐞𝐥𝐚 𝐂𝐨𝐬𝐭𝐚 𝟑 𝐁𝐇𝐒 at ang 𝐌𝐚𝐢𝐧 𝐂𝐞𝐧𝐭𝐞𝐫 𝐧𝐠 𝐂𝐢𝐭𝐲 𝐇𝐞𝐚𝐥𝐭𝐡 𝐂𝐞𝐧𝐭𝐞𝐫 𝐗𝐈𝐈𝐈 ay patuloy na nagsisilbi sa ating mga kabarangay.

👶 𝑵𝒂𝒕𝒊𝒐𝒏𝒂𝒍 𝑰𝒎𝒎𝒖𝒏𝒊𝒛𝒂𝒕𝒊𝒐𝒏 𝑷𝒓𝒐𝒈𝒓𝒂𝒎 – Isinagawa ang pagbabakuna para sa ating mga sanggol upang maprotektahan sila laban sa mga sakit na maaaring maiwasan sa pamamagitan ng bakuna.

🍊 𝑽𝒊𝒕𝒂𝒎𝒊𝒏 𝑨 𝑺𝒖𝒑𝒑𝒍𝒆𝒎𝒆𝒏𝒕𝒂𝒕𝒊𝒐𝒏 – Kasabay nito ang pagbibigay ng Vitamin A sa mga kwalipikadong sanggol at mga batang sakop ng programa upang makatulong sa kanilang paglaki at kalusugan.

👩‍👧 𝑭𝒂𝒎𝒊𝒍𝒚 𝑷𝒍𝒂𝒏𝒏𝒊𝒏𝒈 – Nagbigay rin ng mahalagang kaalaman at impormasyon tungkol sa Family Planning para sa ating mga nanay, upang matulungan silang makagawa ng responsableng desisyon para sa kanilang pamilya.

🩺 𝑳𝒊𝒃𝒓𝒆𝒏𝒈 𝑲𝒐𝒏𝒔𝒖𝒍𝒕𝒂𝒔𝒚𝒐𝒏 – Patuloy din ang pagbibigay ng libreng medical consultation sa ating Main Center kasama ang ating doktor na si 𝑫𝒐𝒄. 𝑲𝒓𝒊𝒛𝒆𝒍𝒍𝒆 𝑴𝒂𝒓𝒊𝒃𝒃𝒂𝒚.

🌧️ Kahit hindi maganda ang panahon, 𝒉𝒊𝒏𝒅𝒊 𝒉𝒂𝒅𝒍𝒂𝒏𝒈 𝒂𝒏𝒈 𝒑𝒂𝒏𝒂𝒉𝒐𝒏 𝒔𝒂 𝒑𝒂𝒈𝒃𝒊𝒃𝒊𝒈𝒂𝒚 𝒏𝒈 𝒔𝒆𝒓𝒃𝒊𝒔𝒚𝒐𝒏𝒈 𝒑𝒂𝒏𝒈𝒌𝒂𝒍𝒖𝒔𝒖𝒈𝒂𝒏! Patuloy kaming nandito upang maglingkod, magmalasakit, at alagaan ang kalusugan ng bawat pamilya.


City of San Jose del Monte - City Health Office

19/08/2026

Ngayong nakararanas tayo ng malawakang pagbaha, agapan ang banta ng sakit na leptospirosis! Magpakonsulta sa pinakamalapit na health center sa inyong lugar para sa gamot laban dito.

19/08/2026

09/08/2026

🔵 ALAMIN | MAHALAGANG PAALALA SA PANAHON NG BAGYO AT BAHA 🌧️🌊

Narito ang mga dapat tandaan bago, habang, at pagkatapos ng bagyo upang manatiling ligtas ang bawat isa.

📢 Dahil sa banta ng malakas na ulan at pagbaha, mahalagang:
✔️ Manatiling alerto at updated sa mga abiso ng awtoridad
✔️ Sundin ang mga paalala ukol sa kaligtasan at kalusugan
✔️ Maging handa sa anumang sakuna

🏠 Kung maaari, manatili muna sa loob ng tahanan at iwasan ang paglabas kung hindi kinakailangan.

🟢 BAGO ANG BAGYO
• Maghanda ng pagkain, tubig, gamot, at flashlight
• I-charge ang cellphone at emergency devices
• Ihanda ang emergency kit
• Siguraduhing matibay at ligtas ang inyong tahanan

🟡 HABANG MAY BAGYO
• Manatili sa loob ng bahay
• Iwasan ang paglabas at pagtawid sa baha
• Lumayo sa mga lugar na delikado
• Makinig sa balita at advisories ng awtoridad

🔵 PAGKATAPOS NG BAGYO
• Mag-ingat sa paglabas ng bahay
• Iwasan ang paggamit ng kuryente kung basa ang paligid
• Linisin at i-disinfect ang bahay
• Magpatingin sa health center kung may nararamdamang sakit

📞 SA ORAS NG EMERGENCY
Agad tumawag o mag-text sa:
📱 0930 790 7710

💙 Maging alerto, mag-ingat, at unahin ang kaligtasan.
Stay safe, everyone! 🙏🌧️


City of San Jose del Monte - City Health Office

07/08/2026

💉 BAKUNA AY PROTEKSYON, HINDI DAPAT KATAKUTAN! 💙

Nag-aalala ka ba sa maaaring maranasan ng iyong anak pagkatapos mabakunahan? 🤔

Mahalagang tandaan na ang AEFI (Adverse Event Following Immunization) ay anumang hindi kanais-nais na pangyayari matapos mabakunahan, ngunit kadalasan ito ay banayad, normal, at pansamantala.

✅ Maaaring makaranas ng:
🌡️ Mababang lagnat
💪 Pananakit o pamamaga sa bahagi ng tinurukan
🤕 Pananakit ng ulo
😴 Panghihina o pagkahapo
🍽️ Pagkawala ng ganang kumain

Karaniwan, kusang nawawala ang mga ito sa loob ng 1–2 araw. Bigyan lamang ng sapat na pahinga, maraming tubig, at tamang pag-aalaga.

🚨 Subalit, magtungo agad sa pinakamalapit na health center o ospital kung may mataas na lagnat na hindi bumababa, hirap sa paghinga, kombulsyon, pamamantal na may pamamaga ng mukha o labi, o anumang hindi pangkaraniwang sintomas.

🛡️ Huwag hayaang manaig ang takot kaysa proteksyon. Ang bakuna ay ligtas, epektibo, at mahalagang panangga laban sa mga sakit tulad ng tigdas at rubella.

❤️ Protektado basta bakunado! Sama-sama nating pangalagaan ang kalusugan ng ating mga anak at komunidad.

06/08/2026

BASAHIN

Nagpaalala ang Department of Health (DOH) sa publiko na mag-ingat laban sa leptospirosis kasabay ng patuloy na pag-ulan at banta ng pagbaha dulot ng Bagyong Maymay at Habagat.

Ang leptospirosis ay isang sakit na maaaring makuha mula sa tubig-baha o putik na kontaminado ng ihi ng mga hayop, lalo na ng daga. Upang makaiwas sa sakit, iwasang lumusong sa baha. Kung hindi ito maiiwasan, agad na maghugas ng katawan gamit ang malinis na tubig at sabon at magpakonsulta sa pinakamalapit na health facility, lalo na kung nakararanas ng sintomas ng leptospirosis.

Hinihikayat din ang publiko na basahin at sundin ang mga paalala sa kalakip na social media card upang mapanatiling ligtas at malusog ang bawat San Joseño ngayong tag-ulan.