https://www.facebook.com/262590170271585/

San Mariano Rural Health Unit

Home
Philippines
San Mariano
San Mariano Rural Health Unit

Directions

RHU San Mariano Health Education and Promotion Unit (HEPU) FB Page

28/10/2026

PUROK KALUSUGAN SA BARANGAY PALUTAN: KALUSUGAN MO, ALAGA NAMIN!

Matagumpay na naisagawa ang Purok Kalusugan sa Barangay Palutan, kung saan sama-samang inilapit ang mga serbisyong pangkalusugan sa komunidad upang mas mapangalagaan ang kalusugan ng bawat pamilya.

📋 Mga serbisyong naihatid:

* 🩺 64 na konsultasyong medikal

* 💉 42 na Basic Screening and Monitoring Program (BSMP)

* 🩸 PhilPEN screening para sa mga nasa edad 20–59 at 60 pataas

* 🦷 84 na oral prophylaxis at fluoride application

* 📑 30 PhilHealth profiling

🎯 Layunin ng Purok Kalusugan na mapalapit ang mga serbisyong pangkalusugan sa bawat barangay, maagang matukoy ang mga posibleng sakit, at mahikayat ang bawat mamamayan na maging aktibo sa pangangalaga ng kanilang kalusugan.

Sa pamamagitan ng regular na health screening, konsultasyon, dental services, at PhilHealth profiling, mas napapalawak ang access ng komunidad sa mga serbisyong pangkalusugan at mas napapalakas ang kamalayan sa kahalagahan ng preventive healthcare.

Tandaan: Ang kalusugan ay kayamanan! Huwag hintaying magkasakit bago magpatingin. Magpa-check up, alagaan ang ngipin, at gawing bahagi ng ating buhay ang regular na health screening.

Sama-sama para sa mas malusog na Barangay Palutan at mas malusog na San Mariano!

27/10/2026

TAOB, TAKTAK, TUYO, TAKIP SA BARANGAY MACAYUCAYU! 🦟

Matagumpay na nakiisa ang Barangay Macayucayu sa kampanya ng Taob, Taktak, Tuyo, Takip upang mapanatiling malinis ang kapaligiran at mapuksa ang mga pinamumugaran ng lamok na nagdudulot ng sakit na Dengue.

Layunin nitong palaganapin ang disiplina at sama-samang pagkilos ng bawat mamamayan upang maiwasan ang pagdami ng mga lamok at maprotektahan ang kalusugan ng bawat pamilya.

Tandaan: Ang simpleng paglilinis ng ating kapaligiran ay malaking hakbang upang maiwasan ang Dengue!

Tayo ay magkaisa, magtulungan at kumilos para sa mas malinis at mas malusog na San Mariano! ❤️

27/10/2026

BAKUNA ESKWELA SA SAN MARIANO CENTRAL II – MINANGA

Matagumpay na nakiisa at nagpabakuna ang mga mag-aaral ng San Mariano Central II – Minanga sa programang Bakuna Eskwela!

🎯 Layunin nitong mabigyan ng proteksyon ang mga bata laban sa mga sakit na maaaring maiwasan sa pamamagitan ng bakuna, mapalakas ang kanilang resistensya, at matiyak ang mas ligtas at malusog na kapaligiran sa paaralan.

Sama-sama tayong magkaisa at magpabakuna para sa mas malusog, ligtas, at protektadong San Mariano!

Bakuna ay proteksyon. Bakuna ay pagmamahal!

26/10/2026

🎉 CONGRATULATIONS TO OUR SCHOOLS THAT ACHIEVED 100% SBI COVERAGE! 💚

Isang mainit na pagbati sa lahat ng paaralang nakamit ang 100% vaccination coverage sa ilalim ng School-Based Immunization (SBI) Program 2026 ng Kagawaran ng Edukasyon at Kagawaran ng Kalusugan. Ang tagumpay na ito ay patunay ng pagkakaisa at sama-samang pagsisikap upang maprotektahan ang kalusugan ng ating mga mag-aaral mula sa mga Vaccine Preventable Diseases (VPDs).

Sa pamamagitan ng SBI, binibigyan ng Measles-Rubella (MR) at Tetanus-Diphtheria (Td) vaccines ang mga eligible learners sa Grade 1 at Grade 7, habang ang Human Papillomavirus (HPV) vaccine ay ibinibigay sa mga eligible na babaeng mag-aaral sa Grade 4 upang makatulong na maprotektahan sila laban sa mga sakit na Measles, German Measles, Tetanus, Diphtheria at Cervical Cancer.

Taos-pusong pasasalamat sa mga magulang sa kanilang tiwala at pahintulot, sa mga school heads, g**o, sa kanilang pakikiisa at sa lahat ng health workers na naglaan ng oras, kaalaman, at dedikasyon para sa matagumpay na pagpapatupad ng programa. Ang inyong pagtutulungan ay mahalagang bahagi ng tagumpay na ito. Sama-sama nating ipagpatuloy ang pagsusulong ng ligtas, malusog, at protektadong kinabukasan para sa bawat batang San Marianino. 💚🌿

Batang San Marianino, Bakunado, Panalo!

26/10/2026

BAKUNA ESKWELA SA BARANGAY GANGALAN!

Matagumpay na nakiisa ang Gangalan Elementary School at Loscon Elementary School sa programang Bakuna Eskwela bilang bahagi ng patuloy na pagsusulong ng ligtas at malusog na komunidad sa San Mariano.

Layunin ng programang ito na mabigyan ng karagdagang proteksyon ang ating mga mag-aaral laban sa mga sakit na maiiwasan sa pamamagitan ng pagbabakuna. Sa tulong ng bakuna at pakikiisa ng mga magulang, paaralan, at mga health worker, mas napangangalagaan natin ang kalusugan at kinabukasan ng ating mga anak.

Tara na, mga magulang! Huwag mag-atubiling pabakunahan ang ating mga anak para sa mas ligtas, malusog, at masiglang kabataan!

Sama-sama para sa mas malusog at masiglang San Mariano!

26/10/2026

MATAGUMPAY NA PAG-IISPRAY KONTRA DENGUE SA BARANGAY DARAGUTAN WEST! 🦟💪

Matapos ang Vector Control and Strategic Spraying Training for Community Workers, matagumpay na naisagawa ang pag-iispray sa Purok 5, Barangay Daragutan West, at sa Udiao Elementary School sa pakikipagtulungan ng mga opisyal ng barangay na pinamumunuan ni Kapitana Yolanda Balimbin, kasama si BHW Elvie Macanan, na dumalo sa nasabing pagsasanay.

Layunin ng gawaing ito na makatulong sa pagkontrol sa pagdami ng lamok na nagdadala ng Dengue at mapalakas ang kakayahan ng mga community workers na tumugon sa banta ng sakit sa kanilang komunidad.

Maraming salamat sa ating mga barangay officials, BHWs, at lahat ng nakiisa sa pagpapatupad ng gawaing ito para sa kaligtasan at kalusugan ng ating mga kababayan.

Patuloy tayong magkaisa at magtulungan upang labanan at puksain ang Dengue! Huwag kalimutang isabuhay ang 4S Kontra Dengue, lalo na ang pagpapanatili ng kalinisan sa ating kapaligiran.

TAOB, TAKTAK, TUYO AT TAKIP!

Sama-sama nating alisin ang mga pinamumugaran ng lamok at panatilihing malinis ang ating mga tahanan at paaralan.

Para sa mas ligtas, malusog, at mas masiglang San Mariano!

26/10/2026

BAKUNA ESKWELA SA BUYASAN INTEGRATED SCHOOL

Nakiisa ang Buyasan Integrated School sa programang Bakuna Eskwela na naglalayong maprotektahan ang ating mga mag-aaral laban sa mga sakit na maiiwasan sa pamamagitan ng pagbabakuna.

Sa pamamagitan ng pagbibigay ng bakuna, tulad ng MR, Td, at HPV ayon sa edad at eligibility ng mga mag-aaral, layunin nitong palakasin ang kanilang resistensya, maiwasan ang pagkalat ng mga nakahahawang sakit, at matiyak ang mas ligtas at malusog na kapaligiran sa paaralan.

Sama-sama nating suportahan ang pagbabakuna para sa mas malusog na kinabukasan ng ating mga kabataan!

Bakuna ay proteksyon, bakuna ay pagmamahal! 💉

26/10/2026

🩺 TB CARAVAN AT LIBRENG CHEST X-RAY SCREENING

Isang hakbang para sa mas malusog na komunidad!

Matagumpay na nagsagawa ang Municipal Health Office of San Mariano, katuwang ang CVCHD at DepEd San Mariano District 1, ng TB Caravan at Libreng Chest X-ray Screening noong Oktubre 23, 2026 sa San Mariano Central School Sped San Mariano

May kabuuang 222 indibidwal ang sumailalim sa chest X-ray screening upang makatulong sa maagang pagtuklas ng Tuberculosis (TB) at maagap na pagpapagamot.

Tandaan: Maagang pagsusuri, maagap na gamutan, TB ay labanan!

Sama-sama para sa isang komunidad na ligtas at malaya sa TB! 💙💪

23/10/2026

BAKUNA ESKWELA SA CADSALAN ELEMENTARY SCHOOL!

Patuloy ang paghahatid ng proteksyon at kalusugan sa ating mga mag-aaral sa pamamagitan ng programang Bakuna Eskwela!

Huwag mag-atubili! Ipagkaloob sa ating mga anak ang proteksyong kailangan nila sa pamamagitan ng pagbabakuna!

Maraming salamat, Cadsalan Elementary School, sa inyong pakikiisa at suporta! Sama-sama nating itaguyod ang ligtas, malusog, at protektadong henerasyon!

Address

Barangay Santa Filomena
San Mariano
3332

Website

facebook.com

Alerts

Be the first to know and let us send you an email when San Mariano Rural Health Unit posts news and promotions. Your email address will not be used for any other purpose, and you can unsubscribe at any time.