Talavera General Hospital

06/06/2026

05/06/2026

𝗧𝗔𝗟𝗔𝗩𝗘𝗥𝗔 𝗚𝗘𝗡𝗘𝗥𝗔𝗟 𝗛𝗢𝗦𝗣𝗜𝗧𝗔𝗟, 𝗣𝗜𝗡𝗔𝗟𝗔𝗟𝗔𝗞𝗔𝗦 𝗔𝗡𝗚 𝗣𝗔𝗞𝗜𝗞𝗜𝗜𝗦𝗔 𝗡𝗚 𝗠𝗚𝗔 𝗦𝗧𝗔𝗞𝗘𝗛𝗢𝗟𝗗𝗘𝗥 𝗣𝗔𝗥𝗔 𝗦𝗔 𝗠𝗔𝗦 𝗠𝗔𝗔𝗬𝗢𝗦 𝗡𝗔 𝗦𝗘𝗥𝗕𝗜𝗦𝗬𝗢𝗡𝗚 𝗣𝗔𝗡𝗚𝗞𝗔𝗟𝗨𝗦𝗨𝗚𝗔𝗡

TALAVERA, NUEVA ECIJA — Pinalalakas ng Talavera General Hospital (TGH) ang pakikipag-ugnayan nito sa iba’t ibang sektor sa pamamagitan ng Multi-Sector Governance Council (MSGC), isang samahan ng mga katuwang na ahensya at organisasyon na tutulong sa pagpapabuti ng serbisyong pangkalusugan para sa mga Novo Ecijano.

Kabilang sa mga dumalo sa pagpupulong ang mga kinatawan ng Rotary Club of Talavera, PhilHealth-Cabanatuan, Provincial Health Office, DWNE Teleradyo para sa media sector, Talavera LGU, CLSU, NEUST, NEECO 2-Area 1 at iba pang stakeholders.

Ayon kay Manny Francisco ng Rotary Club of Talavera, handa silang maging katuwang ng ospital sa mga programang pangkomunidad at health initiatives.

Nagpahayag din ng buong suporta ang PhilHealth. Ayon kay Ghie Macapagal ng PhilHealth-Cabanatuan, patuloy nilang susuportahan ang TGH upang matiyak na matatanggap ng mga pasyente ang mga benepisyong nararapat sa kanila.

Tiniyak naman ni Dr. Christian M. Salazar, Provincial Health Officer II, na nakahanay ang Provincial Health Office at ang administrasyon ni Governor Aurelio “Oyie” Umali sa mga programang pangkalusugan ng ospital.

Ipinaliwanag ni Dr. Catherine R. Salazar, Chairperson, Office of Strategy Management ng TGH, na mahalaga ang partisipasyon ng media, academe, religious groups, business sector at iba pang organisasyon upang mas mapalawak ang abot ng mga serbisyong medikal.

Sa panayam, ibinahagi rin ni Dr. Salazar na bilang isang Level 2 hospital, may kakayahan na ang TGH na magbigay ng mga serbisyo sa Internal Medicine, Surgery, Obstetrics and Gynecology, Pediatrics at Family Medicine.

Bagama’t wala pa itong Pediatric Intensive Care Unit at blood bank, tiniyak niyang patuloy ang pagpapalawak ng kapasidad ng ospital upang makapaghatid ng mas maraming serbisyo sa publiko.

Binigyang-diin din niya na ipinatutupad sa TGH ang Zero Balance Billing Program upang mabawasan o tuluyang maalis ang gastusin ng mga kwalipikadong pasyente.

“Narito ang Talavera General Hospital upang magsilbi sa lahat. Hindi kami namimili kung may pera o wala. Hangga’t kaya naming magbigay ng serbisyo, tatanggapin at aalagaan namin ang bawat pasyente,” ani Dr. Salazar.

Sa pamamagitan ng MSGC, inaasahang mas mapapalakas pa ang ugnayan ng TGH at ng iba’t ibang sektor upang makapaghatid ng mas mahusay, mas abot-kaya, at mas malawak na serbisyong pangkalusugan sa lalawigan.



Talavera General Hospital

02/06/2026

𝗡𝗮𝘁𝗶𝗼𝗻𝘄𝗶𝗱𝗲 𝗖𝗲𝗿𝘃𝗶𝗰𝗮𝗹 𝗖𝗮𝗻𝗰𝗲𝗿 𝗦𝗰𝗿𝗲𝗲𝗻𝗶𝗻𝗴 𝗗𝗮𝘆 2026 𝘀𝗮 𝗧𝗚𝗛: 𝐇𝐢𝐠𝐢𝐭 44 𝗞𝗮𝗯𝗮𝗯𝗮𝗶𝗵𝗮𝗻 𝗡𝗮𝗸𝗶𝗻𝗮𝗯𝗮𝗻𝗴 𝘀𝗮 𝗟𝗶𝗯𝗿𝗲𝗻𝗴 𝗦𝗰𝗿𝗲𝗲𝗻𝗶𝗻𝗴 𝗮𝘁 𝗛𝗲𝗮𝗹𝘁𝗵 𝗘𝗱𝘂𝗰𝗮𝘁𝗶𝗼𝗻

Bilang pakikiisa sa pagdiriwang ng Nationwide Cervical Cancer Screening Day 2026, matagumpay na nagsagawa ang Talavera General Hospital (TGH) ng isang cervical cancer awareness at screening activity noong Mayo 22, 2026 sa OPD Conference Room.

May higit 44 na kababaihan ang nakilahok at nakinabang sa programa na naglalayong palawakin ang kaalaman tungkol sa cervical cancer at hikayatin ang maagang pagpapasuri upang maiwasan ang mga komplikasyon ng sakit.

Bilang bahagi ng aktibidad, nagsagawa ng health lecture tungkol sa cervical cancer, kabilang ang mga sanhi, sintomas, paraan ng pag-iwas, at kahalagahan ng regular na screening. Nagbigay rin ng libreng Pap Smear at Visual Inspection with Acetic Acid (VIA) upang matukoy ang mga posibleng abnormalidad sa cervix at mabigyan ng agarang kaukulang payo at pamamahala ang mga pasyente.

Naging posible ang matagumpay na pagsasagawa ng programa sa pamamagitan ng pagtutulungan ng Talavera General Hospital Obstetrics and Gynecology Department, Philippine Society for Cervical Pathology and Colposcopy (PSCPC), at Philippine Obstetrical and Gynecological Society (POGS) sa pamamagitan ng online coordination at collaborative efforts na naglalayong palakasin ang kampanya laban sa cervical cancer.

Patuloy na isinusulong ng TGH ang mga programang nakatuon sa kalusugan ng kababaihan upang mapalawak ang access sa dekalidad na serbisyong medikal at mapataas ang kamalayan ng komunidad hinggil sa mga sakit na maaaring maiwasan sa pamamagitan ng maagang pagtuklas at tamang impormasyon.

Paglilingkod na galing sa puso, Yan ang alagang TGH.

28/05/2026

𝗣𝗮𝗴𝗹𝗶𝗹𝗶𝗻𝗴𝗸𝗼𝗱 𝗮𝘁 𝗣𝗮𝗴𝘀𝘂𝘀𝘂𝗿𝗶 𝗽𝗮𝗿𝗮 𝘀𝗮 𝗠𝗮𝘀 𝗠𝗮𝗮𝘆𝗼𝘀 𝗻𝗮 𝗦𝗲𝗿𝗯𝗶𝘀𝘆𝗼𝗻𝗴 𝗣𝗮𝗻𝗴𝗸𝗮𝗹𝘂𝘀𝘂𝗴𝗮𝗻

Bumisita ngayong araw si 𝗗𝗿. 𝗖𝗼𝗿𝗮𝘇𝗼𝗻 𝗜. 𝗙𝗹𝗼𝗿𝗲𝘀, 𝗗𝗶𝗿𝗲𝗰𝘁𝗼𝗿 𝗜𝗩 ng Central Luzon Center for Health Development, kasama ang ilang kinatawan ng Nueva Ecija Provincial DOH Office sa Talavera General Hospital upang personal na inspeksyunin at suriin ang kalagayan ng Emergency Room Facility at ang mga serbisyong ibinibigay nito sa mga pasyente.

Sa naging pag-iikot sa pasilidad, tiningnan ng Regional Director ang daloy ng operasyon, pasilidad, at kahandaan ng ER sa pagbibigay ng agarang serbisyong medikal sa publiko. Naging bahagi rin ng pagbisita ang pakikipag-ugnayan sa mga healthcare workers at hospital personnel upang higit pang mapalakas at mapabuti ang kalidad ng serbisyong pangkalusugan sa lalawigan ng Nueva Ecija.

Patuloy ang Talavera General Hospital, katuwang ang Central Luzon Center for Health Development at Nueva Ecija Provincial DOH Office, sa pagsusulong ng maayos, at makataong serbisyong medikal para sa bawat Novo Ecijano.

25/05/2026

22/05/2026

19/05/2026

BILANG BAHAGI ng pagdiriwang ng ika-43 Founding Anniversary, matagumpay na nagsagawa ang Talavera General Hospital ng LIBRENG Surgical Mission para sa ating mga kababayan bilang bahagi ng 𝗢𝗽𝗹𝗮𝗻 𝗧𝘂𝗹𝗶 2026.

Sa pangunguna ng ating masisipag at dedikadong healthcare workers, humigit-kumulang 50 pasyente ang nabigyan ng ligtas, maayos, at libreng serbisyong medikal. Karamihan sa mga benepisyaryo ay mula sa bayan ng Talavera, habang ang ilan ay nagmula rin sa iba’t ibang bayan ng Nueva Ecija. 🙌

Patuloy na pinapakita ng Talavera General Hospital ang tunay na malasakit at serbisyong may puso para sa komunidad.

“Paglilingkod na galing sa puso, ‘Yan ang Alagang TGH.”