Laurel Memorial District Hospital

20/08/2026

🏥 ALAMIN ANG PAGKAKAIBA: OPD vs. ER

Alam mo ba kung kailan dapat pumunta sa OPD at kailan naman kinakailangan ang Emergency Room (ER)? 🤔

💚 OPD (Outpatient Department) – para sa mga hindi emergency na kondisyon tulad ng lagnat, ubo, sipon, banayad na pananakit ng tiyan, follow-up check-up, simpleng karamdaman, at paghingi ng reseta o Medical Certificate.

❤️ ER (Emergency Room) – para sa mga malubha at agarang kondisyon gaya ng hirap sa paghinga, aksidente o matinding pinsala, pagkawala ng malay, matinding sakit sa dibdib, seizure, mataas na blood pressure, matinding allergic reaction, at iba pang emergency.

🚑 Tamang paggamit ng OPD at ER ay mahalaga upang ang mga nangangailangan ng agarang tulong ay mabigyan ng mabilis at tamang atensyon.

📌 Tandaan: Sa ER, may triage system kung saan inuuna ang pinaka-kritikal na pasyente.

Maraming salamat sa inyong pakikiisa at pang-unawa! 💙

30/07/2026

Bilang pakikiisa sa pagdiriwang ng Ika-52 na Nutrition Month na may temang "𝗡𝘂𝘁𝗿𝗶𝘀𝘆𝗼𝗻 𝗮𝘁 𝗞𝗮𝗹𝗶𝗸𝗮𝘀𝗮𝗻, 𝗔𝘁𝗶𝗻𝗴 𝗣𝗮𝗻𝗴𝗮𝗹𝗮𝗴𝗮𝗮𝗻!", matagumpay na nagsagawa ang 𝗡𝘂𝘁𝗿𝗶𝘁𝗶𝗼𝗻 𝗮𝗻𝗱 𝗗𝗶𝗲𝘁𝗲𝘁𝗶𝗰𝘀 𝗦𝗲𝗿𝘃𝗶𝗰𝗲 𝗻𝗴 𝗟𝗮𝘂𝗿𝗲𝗹 𝗠𝗲𝗺𝗼𝗿𝗶𝗮𝗹 𝗗𝗶𝘀𝘁𝗿𝗶𝗰𝘁 𝗛𝗼𝘀𝗽𝗶𝘁𝗮𝗹 ng serye ng Nutrition Month activities na naglalayong palawakin ang kaalaman ng mga pasyente tungkol sa tamang nutrisyon, pangangalaga sa kalusugan, at pagpapanatili ng isang mas malusog at mas napapanatiling pamumuhay.

Aktibidad 1: 𝑵𝒖𝒕𝒓𝒊𝒕𝒊𝒐𝒏 𝑴𝒐𝒏𝒕𝒉 𝑯𝒆𝒂𝒍𝒕𝒉 𝑻𝒂𝒍𝒌 𝒑𝒂𝒓𝒂 𝒔𝒂 𝒎𝒈𝒂 𝑷𝒂𝒔𝒚𝒆𝒏𝒕𝒆𝒏𝒈 𝑺𝒖𝒎𝒂𝒔𝒂𝒔𝒂𝒊𝒍𝒂𝒍𝒊𝒎 𝒔𝒂 𝑯𝒆𝒎𝒐𝒅𝒊𝒂𝒍𝒚𝒔𝒊𝒔

Noong Hulyo 29, 2026, inimbitahan ang Laurel Memorial District Hospital, sa pangangasiwa ng 𝗥𝗲𝗴𝗶𝘀𝘁𝗲𝗿𝗲𝗱 𝗡𝘂𝘁𝗿𝗶𝘁𝗶𝗼𝗻𝗶𝘀𝘁-𝗗𝗶𝗲𝘁𝗶𝘁𝗶𝗮𝗻 𝗜, 𝗠𝘀. 𝗞𝗿𝗲𝗲𝘀𝗵𝗮 𝗘𝗹𝗮𝗶𝗻 𝗟𝗮𝗻𝗱𝗶𝗰𝗵𝗼, upang magsagawa ng isang Nutrition Month Health Talk sa Hydromed Dialysis Clinic – Tanauan na pinamagatang "𝗧𝗮𝗺𝗮𝗻𝗴 𝗡𝘂𝘁𝗿𝗶𝘀𝘆𝗼𝗻 𝗽𝗮𝗿𝗮 𝘀𝗮 𝗺𝗴𝗮 𝗣𝗮𝘀𝘆𝗲𝗻𝘁𝗲𝗻𝗴 𝗦𝘂𝗺𝗮𝘀𝗮𝗶𝗹𝗮𝗹𝗶𝗺 𝘀𝗮 𝗛𝗲𝗺𝗼𝗱𝗶𝗮𝗹𝘆𝘀𝗶𝘀."

Sa nasabing aktibidad, nagbahagi ng mahahalagang kaalaman tungkol sa tamang pagpili ng pagkain, kahalagahan ng sapat na protina, pagkontrol sa sodium (asin), potassium, phosphorus, at tamang pag-inom ng likido para sa mga pasyenteng sumasailalim sa hemodialysis. Binigyang-diin din ang kahalagahan ng tamang nutrisyon bilang katuwang sa mas maayos na kalusugan at mas magandang kalidad ng buhay, kasabay ng pagsasabuhay ng tema ng Nutrition Month na nag-uugnay sa kalusugan at pangangalaga sa kalikasan.

Bilang munting pasasalamat sa kanilang aktibong pakikilahok, naghandog ang Nutrition and Dietetics Service ng Laurel Memorial District Hospital ng "𝗠𝘂𝗻𝘁𝗶𝗻𝗴 𝗛𝗮𝗻𝗱𝗼𝗴: 𝗡𝘂𝘁𝗿𝗶 𝗖𝗮𝗿𝗲 𝗣𝗮𝗰𝗸." Ang bawat pack ay naglalaman ng isang sariwang mansanas, bottled water, cookies, plantable pencil na may kasamang vegetable seeds, at isang nutrition education material bilang paalala na ang pangangalaga sa kalusugan at kalikasan ay maaaring magsimula sa maliliit ngunit makabuluhang hakbang.

Aktibidad 2: 𝑾𝒂𝒓𝒅-𝒕𝒐-𝑾𝒂𝒓𝒅 𝑵𝒖𝒕𝒓𝒊𝒕𝒊𝒐𝒏 𝑴𝒐𝒏𝒕𝒉 𝑯𝒆𝒂𝒍𝒕𝒉 𝑻𝒂𝒍𝒌 𝒂𝒕 𝑷𝒂𝒎𝒊𝒎𝒊𝒈𝒂𝒚 𝒏𝒈 𝑴𝒖𝒏𝒕𝒊𝒏𝒈 𝑯𝒂𝒏𝒅𝒐𝒈: 𝑵𝒖𝒕𝒓𝒊 𝑪𝒂𝒓𝒆 𝑷𝒂𝒄𝒌

Noong Hulyo 30, 2026, muling nagsagawa ang Nutrition and Dietetics Service ng Laurel Memorial District Hospital ng isang Ward-to-Ward Nutrition Month Health Talk para sa mga pasyenteng naka-admit sa iba't ibang ward ng ospital.

Sa bawat ward, nagbahagi ang Registered Nutritionist-Dietitian ng mahahalagang kaalaman tungkol sa:

🍽️ Pagsunod sa diet na inirereseta ng doktor at dietitian bilang bahagi ng gamutan;

🌱 Pag-iwas sa pag-aaksaya ng pagkain at wastong pagpapahalaga sa bawat pagkain bilang ambag sa pangangalaga ng kalikasan;

🥬 Pagpili ng masustansya, lokal, at pana-panahong pagkain upang mapanatili ang mabuting kalusugan habang sinusuportahan ang ating mga lokal na magsasaka; at

👩‍⚕️ Kahalagahan ng pagsunod sa payo ng healthcare team, kabilang ang doktor, nurse, at dietitian, upang makamit ang mas mabilis at ligtas na paggaling.

Matapos ang health talk, personal na ipinamahagi sa mga pasyente ang "Munting Handog: Nutri Care Pack," na naglalaman ng isang sariwang mansanas, bottled water, cookies, plantable pencil na may kasamang vegetable seeds, at nutrition education material. Ang simpleng handog na ito ay sumisimbolo sa hangarin ng Nutrition and Dietetics Service na hikayatin ang bawat pasyente na pangalagaan ang kanilang kalusugan habang isinusulong ang pangangalaga sa kalikasan sa pamamagitan ng pagtatanim at paggawa ng mga simpleng sustainable na gawain.

Sa pamamagitan ng mga gawaing ito, ipinakita ng Nutrition and Dietetics Service ng Laurel Memorial District Hospital ang patuloy nitong dedikasyon sa pagsusulong ng tamang nutrisyon, pagpapalawak ng kaalaman sa kalusugan, at pangangalaga sa kalikasan. Nawa'y ang bawat kaalamang naibahagi at bawat Munting Handog: Nutri Care Pack na naipamahagi ay magsilbing inspirasyon upang maisabuhay ang diwa ng Nutrition Month 2026—"𝗡𝘂𝘁𝗿𝗶𝘀𝘆𝗼𝗻 𝗮𝘁 𝗞𝗮𝗹𝗶𝗸𝗮𝘀𝗮𝗻, 𝗔𝘁𝗶𝗻𝗴 𝗣𝗮𝗻𝗴𝗮𝗹𝗮𝗴𝗮𝗮𝗻! 𝗦𝗮 𝗣𝗣𝗔𝗡: 𝗦𝗮𝗺𝗮-𝘀𝗮𝗺𝗮 𝘀𝗮 𝗡𝘂𝘁𝗿𝗶𝘀𝘆𝗼𝗻𝗴 𝗦𝗮𝗽𝗮𝘁 𝗣𝗮𝗿𝗮 𝘀𝗮 𝗟𝗮𝗵𝗮𝘁."

04/05/2026

𝗣𝗔𝗡𝗢𝗢𝗥𝗜𝗡 | 𝗢𝗽𝗲𝗿𝗮𝘁𝗶𝗼𝗻 𝗧𝘂𝗹𝗶 𝗽𝗮𝗿𝗮 𝘀𝗮 𝗠𝗮𝗹𝘂𝘀𝗼𝗴 𝗮𝘁 𝗠𝗮𝘁𝗮𝘁𝗮𝗴 𝗻𝗮 𝗞𝗶𝗻𝗮𝗯𝘂𝗸𝗮𝘀𝗮𝗻! 💙

Matagumpay na naisakatuparan ang Operation Tuli sa Laurel Memorial District Hospital nitong ika-30 ng Abril 2026.

Sa tulong ng serbisyong may malasakit, umabot sa 430 kabataan ang nabigyan ng libreng pagtutuli—isang hakbang tungo sa mas maayos na kalusugan at kalinisan.

30/04/2026

29/04/2026

📍 𝗠𝗔𝗛𝗔𝗟𝗔𝗚𝗔𝗡𝗚 𝗣𝗔𝗨𝗡𝗔𝗪𝗔:

Ipinapaalam po sa lahat na sarado na ang pagpapalista para sa Operation Tuli dahil umabot na po ito sa itinakdang bilang ng mga nagparehistro.

Maraming salamat po sa inyong interes at pakikiisa.

✍️𝗙𝗶𝗿𝘀𝘁 𝗖𝗼𝗺𝗲, 𝗙𝗶𝗿𝘀𝘁 𝗦𝗲𝗿𝘃𝗲: Sa araw ng operasyon, susundin pa rin ang ayos ng pila kahit nakapag-online registration na.

😎 𝗣𝗔𝗥𝗔 𝗦𝗔 𝗜𝗡𝗬𝗢𝗡𝗚 𝗞𝗔𝗚𝗜𝗡𝗛𝗔𝗪𝗔𝗔𝗡:
✅ Magdala ng sariling 𝗯𝗼𝘁𝘁𝗹𝗲𝗱 𝘄𝗮𝘁𝗲𝗿.
✅𝗠𝗮𝗴𝗱𝗮𝗹𝗮 𝗻𝗴 𝗽𝗮𝘆𝗼𝗻𝗴 𝗼 𝗶𝗯𝗮 𝗽𝗮𝗻𝗴 𝗴𝗮𝗺𝗶𝘁 upang makaiwas sa init habang naghihintay.

🚫 𝗙𝗢𝗥𝗙𝗘𝗜𝗧𝗨𝗥𝗘 𝗣𝗢𝗟𝗜𝗖𝗬:
Ang mga nakalista ngunit hindi makakarating sa takdang oras at araw ng operasyon ay ituturing na forfeited na ang slot.

29/04/2026

Sa puso ng serbisyong may malasakit, nananatiling sandigan ng kalusugan ng komunidad ang Laurel Memorial District Hospital. 💙

Isang institusyong nagbibigay pag-asa, kalinga, at dekalidad na serbisyong medikal para sa bawat pamilyang Batangueño.

23/04/2026

📢 Libreng Operation Tuli! ✂️

Magandang umaga po sa lahat!

Ipinapaalam sa lahat na magkakaroon ng Libreng Operation Tuli sa Laurel Memorial District Hospital (OPD Section) sa darating na:

🗓 Abril 30, 2026 (Huwebes)
⏰ 7:00 AM – 4:00 PM

📌 Mga Detalye:
• First come, first served basis lamang
• Limitado ang slots kaya’t hinihikayat ang maagang pagdating

📌 Paalala:
• Kinakailangang may kasamang magulang o legal guardian ang batang sasailalim sa tuli

Layunin ng programang ito na makatulong sa kalusugan at kalinisan ng mga kabataan sa ating komunidad.
Inaanyayahan ang lahat na makibahagi sa serbisyong ito.
I-scan lang ang QR Code para kayo ay makapagrehistro.

Para sa ibang katanungan, maari po kayong mag message o tumawag sa 0993 058 7329.

Maraming Salamat po!

17/04/2026

📢 ANUNSYO❌❌

Ipinapaalam po sa lahat na pansamantala hindi muna tumatanggap ng mga bagong pasyente para sa confinement ang ospital hanggang sa susunod na abiso. Ito ay dahil sa biglaang problema sa sewage o daluyan ng dumi ng tubig sa isang bahagi ng pasilidad.

Ginagawa ang hakbang na ito upang matiyak ang kaligtasan, kalusugan, at kaginhawaan ng mga pasyente, bisita, at kawani ng ospital habang isinasagawa ang kinakailangang pagkukumpuni at paglilinis ng lugar.

Ang mga pasyenteng may agarang pangangailangang medikal ay maaaring dumiretso sa emergency department ng ospital upang masuri ang kanilang kondisyon, o magtungo sa pinakamalapit na ospital o health facility.

Humihingi po kami ng paumanhin sa abalang dulot nito at lubos kaming nagpapasalamat sa inyong pag-unawa.