11/07/2026
آل ڈاکٹرز ایسوسی ایشن، MTI ATH سے:
پیڈیاٹرکس وارڈ کے افسوسناک واقعے پر ہسپتال انتظامیہ سے اہم ملاقات!!!!
آل ڈاکٹرز ایسوسی ایشن کے وفد نے ہسپتال انتظامیہ، جن میں ڈین، ہسپتال ڈائریکٹر اور میڈیکل ڈائریکٹر شامل تھے، سے پیڈیاٹرکس وارڈ میں پیش آنے والے افسوسناک واقعے کے حوالے سے ملاقات کی۔
وفد نے اس سانحے پر ڈاکٹر برادری کے دکھ اور تشویش کا اظہار کیا۔ ساتھ ہی ہسپتال میں خراب ہوتی ہوئی سیکیورٹی صورتحال اور درج مقدمے کی مؤثر پیروی نہ ہونے پر بھی شدید تحفظات سامنے رکھے۔
ملاقات کے دوران انتظامیہ کے سامنے درج ذیل مطالبات پیش کیے گئے:
✅ ہسپتال کے تمام قانونی مقدمات کی مؤثر پیروی کے لیے ماہر وکلاء کی ٹیم مقرر کی جائے۔
✅ مریضوں، تیمارداروں اور طبی عملے کے تحفظ کے لیے تربیت یافتہ سیکیورٹی عملہ بھرتی کیا جائے۔
✅ ڈاکٹروں اور دیگر طبی عملے کو اپنے پیشہ ورانہ فرائض کی انجام دہی کے دوران غیر ضروری مقدمات اور ہراسانی سے تحفظ فراہم کیا جائے۔
✅ ایسا محفوظ اور سازگار ماحول فراہم کیا جائے جہاں طبی عملہ بلا خوف و خطر اپنی ذمہ داریاں انجام دے سکے۔
ہسپتال انتظامیہ نے تمام مطالبات کو جائز قرار دیتے ہوئے یقین دہانی کرائی کہ ان پر 2 سے 3 ہفتوں کے اندر عملدرآمد کیا جائے گا۔ ہسپتال ڈائریکٹر نے خاص طور پر یقین دلایا کہ پیڈیاٹرکس وارڈ کے کیس کی پیروی پیشہ ور وکلاء کی ٹیم کے ذریعے کی جائے گی۔
ہم امید کرتے ہیں کہ انتظامیہ اپنی یقین دہانی پر عمل کرے گی اور ان اہم مسائل کو ترجیحی بنیادوں پر حل کرے گی۔ تاہم اگر دو ہفتوں تک مسلسل فالو اپ کے باوجود مطالبات پر عملی پیش رفت نہ ہوئی تو آل ڈاکٹرز ایسوسی ایشن پرامن احتجاج کا حق محفوظ رکھتی ہے 🚩🚩
