09/05/2026
بھلوال ( 09 مئی 2026)
ڈاکٹر راجہ تیمور احمد (میڈیکل سپرنٹنڈنٹ تحصیل ہیڈ کوارٹر ہسپتال بھلوال) کی قیادت میں معرکۂ حق کے حوالے سے ایک عظیم الشان ریلی کا انعقاد کیا گیا جس میں مختلف شعبہ ہائے زندگی سے تعلق رکھنے والے افراد، تاجران، سماجی شخصیات اور شہریوں کی بڑی تعداد نے شرکت کی۔
ریلی کے شرکاء نے قومی یکجہتی، امن، استحکام اور ملکی سلامتی کے حق میں نعرے لگائے جبکہ افواجِ پاکستان کی قربانیوں اور خدمات کو بھرپور خراجِ تحسین پیش کیا۔ شرکاء نے قومی پرچم اٹھا رکھے تھے اور ملک کے دفاع کے عزم کا اظہار کیا۔
اس موقع پر مقررین کا کہنا تھا کہ پوری قوم اپنی بہادر افواج کے شانہ بشانہ کھڑی ہے اور ملکی سلامتی، خودمختاری اور امن کے لیے ہر ممکن کردار ادا کرتی رہے گی۔ ریلی کے اختتام پر پاکستان کی ترقی، استحکام اور شہداء کے درجات کی بلندی کے لیے خصوصی دعا بھی کی گئی۔
