13/10/2026
🚨 اٹک: لانگ مارچ کی خصوصی ڈیوٹی پر تعینات پولیس اہلکاروں کی اپنے آبائی اضلاع کو واپسی شروع. لانگ مارچ کی خصوصی ڈیوٹی کے لئے پنجاب حکومت کی جانب سے اٹک بھیجے گئے 30 ہزار پولیس افسران و اہلکار ڈیوٹی مکمل ہونے پر واپس روانہ ہو گئے۔
بیرونِ ضلع سے آنے والی پولیس نفری کو خیبرپختونخوا سے ملحقہ مختلف داخلی راستوں پر تعینات کیا گیا تھا۔پولیس اہلکاروں کا تعلق شیخوپورہ۔ گوجرانوالہ۔ لودھراں۔ منڈی بہاؤالدین۔ بہاولنگر اور مظفرگڑھ سمیت مختلف اضلاع سے تھا۔مہمان پولیس اہلکاروں کو بسوں کے ذریعے ان کے آبائی اضلاع کی جانب روانہ کر دیا گیا۔ دورانِ ڈیوٹی دل کا دورہ پڑنے اور دیگر وجوہات کے باعث بیرونِ ضلع سے آنے والے 5 پولیس اہلکار شہید ہو گئے۔پولیس اہلکاروں کی رہائش کے لیے ضلع کے 41 سرکاری اسکولوں میں انتظامات کیے گئے تھے۔پولیس نفری کی واپسی کے بعد 21 روزہ تعطیلات کے اختتام پر 41 سرکاری اسکول کل سے دوبارہ کھل جائیں گے۔
ہر خبر سے رہیں باخبر باوثوق
✍️ اختر کی دستک
سوشل اینڈ ڈیجیٹل میڈیا
