05/09/2026
🏏 دوسرا غازی فرینڈ کرکٹ ٹورنامنٹ — غازی یونیورسٹی ڈیرہ غازی خان 🏏
الحمدللہ! آج ہمارے لیے ایک نہایت خوبصورت اور یادگار دن تھا۔ نیو ابراہیم کلینیکل لیب اینڈ بلڈ بینک سینٹر کے تھیلیسیمیا کے بچوں کو بطور چیف گیسٹ غازی فرینڈ کرکٹ ٹورنامنٹ میں مدعو کیا گیا، جہاں بچوں نے میچ دیکھا، جوسز اور خون کی تقسیم میں شرکت کی اور معزز مہمانوں کے ساتھ یادگار تصاویر بنوائیں۔ ❤️
اس موقع پر وائس چانسلر پروفیسر ڈاکٹر اشفاق احمد چٹھہ صاحب، پروفیسر ڈاکٹر ارشد لغاری صاحب، وفاقی وزیر حذیفہ الرحمن صاحب، ایم ایس ڈاکٹر منصور احمد افغان صاحب، خرم بھائی اور دیگر معزز شخصیات نے تھیلیسیمیا کے بچوں میں خون اور جوسز تقسیم کیے۔
خصوصاً وائس چانسلر پروفیسر ڈاکٹر اشفاق احمد چٹھہ صاحب نے گراؤنڈ میں ان بچوں کے بارے میں اظہارِ خیال کرتے ہوئے کہا:
"یہ بچے ہمارے بچے ہیں، ہم ان کے لیے ہمیشہ خون کا عطیہ دیتے رہیں گے۔"
یہ الفاظ ہمارے لیے صرف حوصلہ نہیں بلکہ ایک عہد ہیں کہ تھیلیسیمیا کے بچوں کی خدمت کا یہ سفر کبھی نہیں رکے گا۔
اس خوبصورت پروگرام کے انعقاد پر غازی یونیورسٹی، تمام معزز مہمانوں اور منتظمین کا تہہ دل سے شکریہ۔
خصوصاً پازیٹیو ڈی جی خان کی ٹیم اور ایاز شاہ صاحب کو خراجِ تحسین، جنہوں نے اس نیک مقصد کے لیے خصوصی کاوشیں کیں اور تھیلیسیمیا کے بچوں کے ساتھ محبت و تعاون کا عملی مظاہرہ کیا۔
نیو ابراہیم کلینیکل لیب اینڈ بلڈ بینک سینٹر کی جانب سے ہم سب کا شکریہ ادا کرتے ہیں، اور ان شاء اللہ تھیلیسیمیا کے بچوں کے لیے خون کی فراہمی اور خدمت کا یہ سفر جاری رکھیں گے۔
یہ بچے ہمارے بچے ہیں، ان کی مسکراہٹ ہماری ذمہ داری ہے۔ ❤️
