20/06/2026
"لوگ کہتے ہیں پیسہ سب کچھ نہیں۔ بالکل درست، لیکن جب گھر میں بیمار ہو اور دوا نہ ہو، جب بچہ اسکول جانا چاہے اور فیس نہ ہو، جب گھر میں کھانا نہ ہو تو یہ فلسفہ سننے والا کوئی نہیں ہوتا۔ اس وقت پیسہ بہت ضروری ہوتا ہے۔
لیکن یہ بھی سچ ہے کہ جب آپ کے پاس سب کچھ ہو اور اندر خالی پن ہو، جب بچے دور ہوں، جب رشتے ٹوٹے ہوں، جب نیند نہ آئے تو ڈھیر سارا پیسہ بھی سکون نہیں دے سکتا۔
میں نے ایسے لوگ دیکھے ہیں جو امیر ہیں اور اکیلے ہیں، اور ایسے بھی جو غریب ہیں لیکن خوش ہیں۔ درمیانی راستہ یہ ہے کہ پیسے کے لیے محنت کریں لیکن پیسے کی محبت دل میں نہ رکھیں۔
اپنے بچوں کو وقت دیں، رشتوں کو سنبھالیں، اللہ کا شکر ادا کریں جو ملا ہے اس پر۔ کیونکہ آخر میں حساب صرف پیسے کا نہیں ہوگا، حساب وقت کا ہوگا جو آپ نے کہاں اور کیسے گزارا۔"
