19/06/2026
خیبرپختونخوا میں شعبہ صحت اور میڈیکل ٹیچنگ انسٹی ٹیوشنز (ایم ٹی آئیز) کے آئندہ مالی سال کے بجٹ کے حوالے سے اہم ملاقات۔
پروفیسر ڈاکٹر نوشیروان خان برکی کا صوبائی وزیرِ صحت خلیق الرحمان، مرکزی صدر انصاف ڈاکٹرز فورم ڈاکٹر مُدیر خان وزیر اور سیکرٹری ہیلتھ کے ہمراہ مشیرِ خزانہ مزمل اسلم اور ایڈوکیٹ جنرل شاہ فیصل اُتمانخیل سے ملاقات۔
ملاقات کے دوران محکمہ صحت خیبرپختونخوا، ایم ٹی آئیز ہسپتالوں کے بجٹ، اور ڈاکٹروں و طبی عملے کی تنخواہوں و مراعات سے متعلق امور پر تفصیلی تبادلہ خیال کیا گیا۔
پروفیسر ڈاکٹر نوشیروان خان برکی نے اس بات پر زور دیا کہ صحت کے شعبے کو درپیش چیلنجز کے حل کے لیے بجٹ میں اضافہ ناگزیر ہے تاکہ ہسپتالوں کی کارکردگی بہتر بنائی جا سکے اور مریضوں کو معیاری طبی سہولیات فراہم کی جا سکیں۔
اس موقع پر مشیرِ خزانہ مزمل اسلم نے یقین دہانی کروائی کہ انشاءاللّٰہ اس مرتبہ شعبہ صحت کا بجٹ گزشتہ سالوں کی نسبت کافی زیادہ ہوگا، جس سے نہ صرف ایم ٹی آئیز ہسپتالوں کی مالی صورتحال بہتر ہوگی بلکہ ڈاکٹروں اور طبی عملے کے مسائل کے حل میں بھی مدد ملے گی۔
انصاف ڈاکٹرز فورم اس بات پر زور دیتا ہے کہ مضبوط اور مؤثر صحت کا نظام تب ہی ممکن ہے جب اسپتالوں کو درکار وسائل، جدید سہولیات اور ہیومن ریسورسز کی ضروریات کو ترجیحی بنیادوں پر پورا کیا جائے۔
انصاف ڈاکٹرز فورم کو امید ہے کہ آنے والا بجٹ شعبہ صحت کی بہتری، مریضوں کو معیاری سہولیات کی فراہمی اور طبی عملے کی فلاح و بہبود کے لیے ایک مثبت اور تاریخی پیش رفت ثابت ہوگا۔
