26/05/2026
پاکستان کا علی بابا سے معاہدہ: عام پاکستانی کیسے فائدہ اٹھا سکتا ہے؟ مکمل تفصیلات
24 مئی 2026 کو وزیراعظم شہباز شریف نے دورہ چین کے دوران علی بابا گروپ کے ہیڈ کوارٹرز کا دورہ کیا۔ وہاں پاکستان اور علی بابا کے درمیان اہم معاہدوں (MoUs) پر دستخط ہوئے۔ یہ معاہدے پاکستان کی ڈیجیٹل اکانومی، چھوٹے کاروباروں (SMEs)، نوجوانوں اور برآمدات کے لیے ایک بہت بڑا موقع ہے۔ آئیے اس سے فائدہ اٹھانا سیکھیں۔۔۔
اہم معاہدوں کی تفصیلات
1۔ SMEDA اور Alibaba Group کا MoU
پاکستانی ادارے Small and Medium Enterprises Development Authority (SMEDA) نے علی بابا کے ساتھ ایک معاہدہ کیا ہے جس کا مقصد پاکستانی چھوٹے اور درمیانے کاروباروں کو ڈیجیٹل تجارت (e-commerce) کے ذریعے عالمی مارکیٹ (خاص طور پر چین اور دیگر ممالک) تک رسائی دلائی جائے گی، برآمدات بڑھیں گے اور ڈیجیٹل اکانومی کو فروغ ملے گا۔ یہ معاہدہ نوجوان انٹرپرینیورز، سٹارٹ اپس اور یوتھ کے لیے نئے مواقع پیدا کرے گا۔
2۔ پاکستان نے Alibaba Cloud اور DAMO Academy کے ساتھ شراکت داری قائم کی ہے۔ پاکستان کا MoITT اور Ignite کے ساتھ تعاون بڑھ گیا، اس کے ذریعے نوجوانوں کے لیے مفت AI، کلاؤڈ کمپیوٹنگ، سرکاری کلاؤڈ انفراسٹرکچر، ٹریننگ پروگرامز، ٹیچر ٹریننگ، سرٹیفیکیشنز اور AI hackathons کے مفت پروگرام کروائے جائیں گے۔
علی بابا کا الخدمت فاونڈیشن کے ساتھ پاکستان بھر میں AI اور کلاؤڈ سکِلز کی تربیت کے مراکز قائم کرنے کے لیے معاہدہ ہوا۔ یعنی علی بابا الخدمت کے مراکز کے زریعے پاکستانی نوجوانوں کو مفت ٹریننگ دے گا۔
3. دیگر شعبے:
ڈیجیٹل ٹریڈ، فِن ٹیک، AI ان ہیلتھ کیئر، اور کاروباری پلیٹ فارمز (جیسے Business Pavilion) قائم کرنے کے منصوبے۔
علی بابا پاکستان میں ہزاروں کاروباروں کو ایک پلیٹ فارم پر لانے کا ارادہ رکھتا ہے۔
یہ معاہدے CPEC Phase 2 اور ڈیجیٹل سلک روڈ کا حصہ ہیں، جو پاکستان کو جدید ٹیکنالوجی اور گلوبل مارکیٹ سے جوڑ رہے ہیں۔
عام پاکستانی کیسے فائدہ اٹھا سکتا ہے؟ (Practical Tips)
- چھوٹے کاروبار اور SMEs والے تیار ہوجائیں:
- آج ہی Daraz پر سیلر اکاؤنٹ بناکر اپنی مصنوعات بیچنا شروع کردیں۔
- آپ Alibaba.com پر بھی رجسٹر ہوجائیں، پاکستانی پروڈکٹس (ٹیکسٹائل، ہینڈی کرافٹس، زرعی اشیاء، سپائسز وغیرہ) اسکے زریعے آپ عالمی خریداروں کو ہول سیل قیمت پر بیچ سکتے ہیں۔
- آپ SMEDA کے ذریعے ٹریننگ پروگرامز میں بھی شامل ہو جائیں، حکومت اس میں مدد کرے گی۔ مفت کورسز کروائے گی۔
نوجوان کے لیے سٹارٹ اپس آپشنز:
- آپ علی بابا کے Alibaba Cloud کے ٹریننگ سینٹرز میں AI، کلاؤڈ کمپیوٹنگ، ڈیجیٹل مارکیٹنگ سیکھیں (مفت یا کم خرچ پر)۔
- آپ علی بابا کے AI hackathons اور سرٹیفیکیشنز میں حصہ لیں، یہ جابز، فری لانسنگ (Upwork جیسے) اور اپنا سٹارٹ اپ شروع کرنے میں بہت مدد دیں گے۔
- آپ Alkhidmat مراکز کے قریب ہیں تو وہاں ضرور جائیں، خود کو رجسٹرڈ کروائیں، مفت کورسز سکلز سیکھنے کا فائدہ اٹھائیب۔
صارفین اور عام لوگوں کو ان معاہدوں سے کیا ملے گا:
- عام پاکستانی صارفین کو Daraz پر بہتر شاپنگ کا تجربہ ملے گا، ممکنہ طور پر قسطوں میں ادائیگی (BNPL) کے نئے آپشنز۔ Buy Now Pay Later ایک نیا آپشن ہے جس کے زریعے آپ پراڈکٹ پہلے لیتے ہیں مگر ادائگی قسطوں پر کرتے ہیں۔
- ڈیجیٹل سکِلز سیکھ کر آن لائن آمدنی کے ذرائع پیدا کریں۔
زراعت اور دیگر کاروبار:
زرعی پروڈکٹس، دودھ، پولٹری وغیرہ کی پروسیسنگ اور ایکسپورٹ کے نئے راستے کھلیں گے۔
کامیابی کے لیے مشورہ:
- آج ہی شروع کریں:
سمارٹ فون اور انٹرنیٹ ہے تو آج ہی Daraz Seller اور Alibaba.com پر اکاؤنٹ بنائیں۔ SMEDA، MoITT یا TDAP کی ویب سائٹس/آفیشل پیجز چیک کریں۔
- سکِلز سیکھیں:
آپ YouTube، Coursera یا Alibaba کے مفت کورسز سے شروع کریں۔ یوٹیوب پر بہت سارے کورسز مکمل مفت موجود ہیں، دیکھیں سیکھیں اور گھر بیٹھے کمانا شروع کردیں۔
- حکومت سے مدد لیں:
آپ کو ڈجیٹل کمائی میں کوئی بات سمجھ نہیں آرہی، کوئی سکل میں مسئلہ ہورہا ہے یا کوئی الجھن ہے تو SMEDA آفس آکر مفت رہنمائی لیں یا MoITT کے پروگرامز میں رجسٹر ہوجائیں۔
یسد رکھیں ای کامرس کے شعبے میں کامیابی کے لیے آپ کی مستقل مزاجی، پروڈکٹس کی اچھی کوائلٹی اور ڈیجیٹل مارکیٹنگ کے طریقے آنا ضروری ہے، ان کاموں کو سکلز کہا جاتا ہے۔
اگر آپ کے پاس سکل نہیں صرف کاغذی ڈگری ہے تو آپ دور جدید کے جاہل ہیں کیونکہ آج کے دور میں صرف اس کی اہمیت ہوگی، صرف وہی آگے بڑھ سکے گا جس کے پاس سکلز ہوں گی۔
حقیقت یہ ہے کہ چین ڈجیٹل اکانومی کا سپر پاور ملک ہے۔ پاکستان کے چینی کمپنیوں سے معاہدے پاکستان میں بھی عظیم ڈیجیٹل انقلاب لاسکتے ہیں۔ اس لیے ہمارے نوجوان چین سے سیکھ کر آگے بڑھنے کے لیے آج ہی تیار ہوجائیں۔
اگر ہمارے نوجوان سنجیدگی کے ساتھ اس کام میں لگ جائیں تو وہ دن دور نہیں کہ جب پاکستان چین سے بھی آگے نکل جائے۔۔۔ بس مسقتل مزاجی شرط ہے۔
آخری بارے ہمیں کسی کی نوکری کرنے کے ذہن کو ختم کرنا ہوگا اور اب ڈجیٹل کمائی کی طرف توجہ دینی ہوگی کیونمہ نوکری کا زمانہ ختم ہوچکا ہے۔ اب ڈجیٹل زمانہ ہے جو نوجوان ڈگریوں کے باوجود اے آئی، کلاوڈ کمپیوٹنگ یا ای کامرس کے بارے میں نہیں جانتے پھر چاہے انکے پاس MBA یا MA کی ہی ڈگری کیوں نہ ہو، وہ درحقیقت دور جدید کے جاہل قرار دیے جائیں گے۔
مزید معلومات کے لیے ان آفیشل ویب سائٹس کا چکر لگائیں.
PID.gov.pk
SMEDA.org.pk
MoITT.gov.pk
Daraz.com
Alibaba.com
کوئی سوال یا مسئلہ ہو تو کھل کر کمنٹ میں پوچھیں، ان شاءاللہ پوری کوشش ہوگی آپ کو ہر ممکن مدد کی جائے۔
یہ تحریر اپنے بیروزگار بھائیوں بہنوب دوستوں کو بھی شیئر کریں تاکہ سب کا ذہن نوکری کی غلامی سے نکل کر خودمتخار آزادی (ڈجیٹل اکانومی) کی طرف ہو۔
Find quality Manufacturers, Suppliers, Exporters, Importers, Buyers, Wholesalers, Products and Trade Leads from our award-winning International Trade Site. Import & Export on alibaba.com
