YDA PIC

03/09/2026

ہاسٹل اور میس کی سہولیات کسی بھی ڈاکٹر کے لیے بنیادی ضروریات ہیں، خصوصاً اُن ڈاکٹروں کے لیے جو دن رات مریضوں کی جانیں بچانے کے لیے اپنی خدمات سرانجام دے رہے ہیں۔

پنجاب انسٹی ٹیوٹ آف کارڈیالوجی (PIC) کے ڈاکٹرز انصاف کا مطالبہ کرتے ہیں۔ ہاسٹل میس کو فوری طور پر کھولا جائے اور اس شدید گرم و حبس زدہ موسم میں ایئر کنڈیشنرز کے کنکشن فوری بحال کیے جائیں۔

ڈاکٹرز کو بنیادی سہولیات سے محروم رکھنا ناقابلِ قبول ہے۔

مطالبہ صرف سہولت کا نہیں، بنیادی حق اور انصاف کا ہے

01/09/2026

پنجاب انسٹی ٹیوٹ آف کارڈیالوجی میں گرمی اور ہنگامہ خیز موسم میں مریضوں کی جانیں بچانے والے مسیحاؤں کے ساتھ انتظامیہ کی سنگدلی!

یعنی جو ڈاکٹرز دن رات ایمرجنسی، CCU، Cath Lab اور وارڈز میں مریضوں کی جانیں بچا رہے ہیں، انہیں نہ مناسب رہائش میسر ہے، نہ بجلی کی بنیادی سہولت، اور نہ ہی کھانے کی سہولت۔

ہم اعلیٰ حکام سے درخواست کرتے ہیں کے ڈاکٹرز میس کو فوری طور پر کھولا جائے اور ڈاکٹرز ہاسٹل کے ائیر کنڈیشنرز کے کنیکشن بحال کیے جائیں

YDA Lahore General HospitalSpecialized Healthcare & Medical Education DepartmentYDA SHL.YDA MAYO / KEMUYDA PunjabMaryam Nawaz Sharif

06/06/2026

🚨 کوئٹہ میں لیڈی ڈاکٹر پر تیزاب گردی — اب خاموشی نہیں! 🚨

آج کوئٹہ کے سول ہسپتال میں ہماری ایک ساتھی خاتون ڈاکٹر پر دورانِ ڈیوٹی تیزاب پھینکے جانے کا اندوہناک واقعہ پوری ڈاکٹرز کمیونٹی کے لیے ایک خطرے کی گھنٹی ہے۔ یہ صرف ایک فرد پر حملہ نہیں بلکہ سفید کوٹ، طبی پیشے، خواتین کے وقار اور انسانیت کی خدمت کے جذبے پر حملہ ہے۔

افسوس کے ساتھ کہنا پڑتا ہے کہ یہ کوئی پہلا واقعہ نہیں۔ گزشتہ چند ماہ کے دوران پنجاب اور خیبر پختونخوا میں دورانِ ڈیوٹی دو خاتون ڈاکٹرز کو گولیاں مار کر شہید کر دیا گیا۔ متعدد مقامات پر خواتین ڈاکٹرز کو ہراسانی، دھمکیوں اور بدتمیزی کا سامنا بھی کرنا پڑا۔

سوال یہ ہے کہ آخر کب تک؟

جب ہسپتالوں میں طبی عملے کی عزت اور تحفظ کو یقینی بنانے کے بجائے ہنگامہ آرائی، سوشل میڈیا سنسنی خیزی اور غیر متعلقہ مداخلتوں کو کھلی چھوٹ دی جائے گی، جب چند ویوز اور خبروں کی خاطر ڈاکٹرز کو عوام کے سامنے تضحیک کا نشانہ بنایا جائے گا، تو ایسے افسوسناک سانحات جنم لیتے رہیں گے۔

آج وقت آ گیا ہے کہ پوری ڈاکٹرز برادری، سینئرز سے لے کر جونیئرز تک، تمام اختلافات بھلا کر ایک پلیٹ فارم پر متحد ہو۔ ہمیں اپنے پیشے، اپنی عزت اور سفید کوٹ پہننے والے ہر مسیحا کے تحفظ کے لیے آواز بلند کرنا ہوگی۔

وائے ڈی اے پی آئی سی حکومتِ وقت سے درخواست کرتی ہے کہ:

✅ کوئٹہ واقعے کی شفاف، غیر جانبدارانہ اور مکمل تحقیقات کی جائیں۔
✅ متاثرہ ڈاکٹر کو بہترین طبی، نفسیاتی اور قانونی معاونت فراہم کی جائے۔
✅ ملک بھر کے ہسپتالوں میں مؤثر سکیورٹی لیجسلیشن نافذ کی جائے۔
✅ خواتین ڈاکٹرز سمیت تمام طبی عملے کے لیے محفوظ ورکنگ ماحول یقینی بنایا جائے۔
✅ طبی عملے کے خلاف تشدد، ہراسانی اور نفرت انگیز مہمات کے خلاف سخت کارروائی کی جائے۔

ہم مزید کتنے جنازے اٹھائیں گے؟
پہلے خیبر پختونخوا میں ہماری دو بہنوں کی شہادت، پھر مختلف مقامات پر خواتین ڈاکٹرز کے ساتھ بدسلوکی، اور اب کوئٹہ میں تیزاب گردی۔

اب بہت ہو چکا۔

ڈاکٹرز کا تحفظ صرف ڈاکٹرز کا مسئلہ نہیں، بلکہ پورے صحت کے نظام کی بقا کا مسئلہ ہے۔

✊ متحد ہوں، آواز بلند کریں، اور محفوظ ہسپتالوں کے لیے جدوجہد کریں۔

اللہ تعالیٰ ہماری زخمی ساتھی کو جلد مکمل صحت عطا فرمائے اور تمام طبی عملے کو اپنے حفظ و امان میں رکھے۔




PunjabYDA Sir Ganga Ram Hospital LahorePresident YDA Jinnah Hospital LahoreYDA Lahore General HospitalYDA SHL.

31/05/2026

27/05/2026

🌙🐐 عید الاضحیٰ مبارک 🐐🌙

وائی ڈی اے پنجاب انسٹیٹیوٹ آف کارڈیالوجی کی جانب سے تمام ڈاکٹرز، نرسز، پیرامیڈکس، ہیلتھ پروفیشنلز اور فرنٹ لائن ہیروز کو دل کی گہرائیوں سے عید الاضحیٰ کی مبارکباد۔ ❤️

آج جب پورا ملک اپنے اہلِ خانہ کے ساتھ عید کی خوشیاں منا رہا ہے، وہیں ہمارے سفید پوش مسیحا سفید کورٹ پہنے اپنے گھروں، بچوں اور اپنوں کی خوشیاں قربان کرکے ہسپتالوں میں مریضوں کی خدمت میں مصروف ہیں۔
یہی ہے قربانی کا اصل جذبہ…
یہی ہے انسانیت کی حقیقی خدمت…
اور یہی ہیں ہمارے معاشرے کے اصل ہیروز۔ 👨‍⚕️👩‍⚕️

وائی ڈی اے پنجاب انسٹیٹیوٹ آف کارڈیالوجی اُن تمام ڈاکٹرز، نرسز، پیرامیڈکس، سپورٹنگ اسٹاف اور فرنٹ لائن ورکرز کو سلام پیش کرتی ہے جو اپنے آرام، اپنی خوشیوں اور اپنے تہوار کو قربان کرکے انسانیت کی خدمت کر رہے ہیں۔ 🫡

ہم حکومتِ وقت سے مطالبہ کرتے ہیں کہ ان مسیحاؤں کو صرف تالیاں نہیں بلکہ ان کا حق دیا جائے۔
روز بروز بڑھتے ہوئے تشدد، ہسپتالوں میں گنڈہ گردی، عدم تحفظ، معاشی بدحالی اور مسلسل ذہنی دباؤ کے باوجود ڈاکٹرز آج بھی عوام کی خدمت میں پیش پیش ہیں۔

❗ ڈاکٹرز بھی انسان ہیں
❗ ان کی بھی فیملیز ہیں
❗ ان کے بھی خواب اور ضروریات ہیں

جب دیگر محکموں کو پٹرول الاؤنس، اسپیشل الاؤنس اور اضافی ڈیوٹی کی مراعات دی جاتی ہیں تو ڈاکٹرز کو کیوں نظر انداز کیا جاتا ہے؟

ہم مطالبہ کرتے ہیں کہ:
✅ ڈاکٹرز اور ہیلتھ ورکرز کی تنخواہوں میں فوری اضافہ کیا جائے
✅ ہیلتھ رسک الاؤنس اور اسپیشل عید الاؤنس دیا جائے
✅ ہسپتالوں میں سیکیورٹی اور تحفظ کو یقینی بنایا جائے
✅ ڈاکٹرز کے خلاف تشدد اور ہراسمنٹ کے واقعات کی روک تھام کے لیے سخت اقدامات کیے جائیں

یہ وہ لوگ ہیں جو اپنی جانیں خطرے میں ڈال کر قوم کو زندگی دیتے ہیں۔
آئیے اس عید پر اُن لوگوں کو بھی یاد رکھیں جو ہماری زندگیوں کی حفاظت کے لیے اپنی خوشیاں قربان کر دیتے ہیں۔ ❤️

وائی ڈی اے پنجاب انسٹیٹیوٹ آف کارڈیالوجیYDA MAYO / KEMUYDA PunjabYDA Punjab BahawalpurYDA Sir Ganga Ram Hospital LahorePresident YDA Jinnah Hospital LahoreYDA Lahore General HospitalYDA Children Hospital & Institute of Child Health LahoreYDA SHL.Maryam Nawaz Sharif

20/05/2026

ڈاکٹر شہریار احمد کو صدر وائی ڈی اے لاہور جنرل ہسپتال / پنجاب انسٹیٹیوٹ آف نیوروسائنسز لاہور منتخب ہونے پر دلی مبارکباد اور نیک تمنائیں۔ اللہ تعالیٰ آپ کو اس اہم ذمہ داری کو احسن طریقے سے نبھانے کی توفیق عطا فرمائے۔

ڈاکٹر شہریار احمد باضابطہ طور پر صدر وائی ڈی اے لاہور جنرل ہسپتال / پنجاب انسٹیٹیوٹ آف نیوروسائنسز لاہور منتخب

ینگ ڈاکٹرز ایسوسی ایشن لاہور جنرل ہسپتال لاہور / پنجاب انسٹیٹیوٹ آف نیوروسائنسز لاہور (LGH/PINS) کے باقاعدہ الیکٹورل پراسس اور انتخابات کا اعلان سینٹرل باڈی ینگ ڈاکٹرز ایسوسی ایشن پنجاب کی جانب سے کیا گیا تھا، جس کے تحت الیکشن شیڈول، ووٹر لسٹ، نامزدگی فارم اور دیگر تمام آئینی و تنظیمی مراحل مکمل کیے گئے۔

مقررہ وقت کے مطابق امیدواروں سے کاغذاتِ نامزدگی طلب کیے گئے، جس کے دوران ڈاکٹر شہریار احمد کے کاغذاتِ نامزدگی متفقہ طور پر سینٹرل باڈی وائی ڈی اے پنجاب کے پاس جمع کروائے گئے۔ تمام آئینی تقاضے مکمل ہونے اور کسی بھی متبادل امیدوار کی عدم موجودگی کے باعث ڈاکٹر شہریار احمد کو متفقہ طور پر منتخب قرار دیا گیا۔

بعد ازاں لاہور جنرل ہسپتال / پنجاب انسٹیٹیوٹ آف نیوروسائنسز لاہور کے گراؤنڈ میں منعقدہ ایک پروقار تقریب میں صدر ینگ ڈاکٹرز ایسوسی ایشن پنجاب، ڈاکٹر شعیب خان نیازی نے باضابطہ طور پر ڈاکٹر شہریار احمد کو صدر وائی ڈی اے لاہور جنرل ہسپتال / پنجاب انسٹیٹیوٹ آف نیوروسائنسز لاہور منتخب ہونے کا اعلان کیا۔

اس موقع پر وائی ڈی اے پنجاب کی مرکزی قیادت، سابق صدور، ایگزیکٹو باڈی کے اراکین اور نوجوان ڈاکٹروں کی بڑی تعداد موجود تھی، جنہوں نے ڈاکٹر شہریار احمد پر اپنے بھرپور اعتماد کا اظہار کیا۔

تقریب کے دوران سابق صدر ڈاکٹر حسیب تھند کی خدمات کو خراجِ تحسین پیش کیا گیا، جنہوں نے اپنے دورِ صدارت میں نوجوان ڈاکٹروں کے حقوق، اتحاد اور تنظیمی استحکام کے لیے نمایاں کردار ادا کیا۔

نو منتخب صدر ڈاکٹر شہریار احمد نے اس عزم کا اظہار کیا کہ وہ نوجوان ڈاکٹروں کے حقوق، فلاح و بہبود، تربیت اور ادارے کے وقار کے لیے اپنی جدوجہد جاری رکھیں گے اور وائی ڈی اے کے پلیٹ فارم کو مزید مضبوط بنائیں گے۔

متحد رہیں ،
مضبوط رہیں
ینگ ڈاکٹرز ایسوسی ایشن پنجاب

12/05/2026

پریس ریلیز
ینگ ڈاکٹرز ایسوسی ایشن پنجاب (YDAP)

ینگ ڈاکٹرز ایسوسی ایشن پنجاب، ٹی ایچ کیو ہسپتال بورے والا میں دورانِ ڈیوٹی ایک خاتون میڈیکل آفیسر کے ساتھ اسسٹنٹ کمشنر کی جانب سے اختیار کیے گئے توہین آمیز، غیر پیشہ ورانہ اور ہراساں کن رویے کی شدید مذمت کرتی ہے۔

منظرِ عام پر آنے والی ویڈیو اور مکالمے سے واضح ہے کہ متعلقہ ڈاکٹر پنجاب حکومت کی طے شدہ پالیسی اور ہسپتال کے SOPs کے مطابق مریض کو یہ سمجھا رہی تھیں کہ سی ٹی اسکین صرف کنسلٹنٹ/اسپیشلسٹ ڈاکٹر کی تجویز اور مکمل طبی معائنے کے بعد ہی کیا جا سکتا ہے۔ یہ پالیسی غیر ضروری سی ٹی اسکینز، مریضوں پر اضافی بوجھ اور طبی پیچیدگیوں سے بچاؤ کے لیے نافذ کی گئی ہے۔ متعلقہ خاتون ڈاکٹر نہ صرف قانون، میڈیکل ethics اور ہسپتال پروٹوکول کے مطابق فرائض سرانجام دے رہی تھیں بلکہ مریض کے بہترین مفاد کو بھی مقدم رکھ رہی تھیں۔

افسوسناک امر یہ ہے کہ وضاحت سننے اور طریقۂ کار سمجھنے کے بجائے متعلقہ اسسٹنٹ کمشنر نے اختیارات کے زعم میں ایک آن ڈیوٹی ڈاکٹر کے ساتھ نامناسب لہجہ اختیار کیا، عوامی انداز میں ویڈیو ریکارڈنگ کی، تفتیشی ماحول پیدا کیا اور ہسپتال کے پرامن طبی ماحول کو متاثر کیا۔ ایک خاتون ڈاکٹر کو “ڈاکٹر صاحبہ” کے بجائے غیر مناسب انداز میں مخاطب کرنا نہ صرف اخلاقی گراوٹ کی عکاسی کرتا ہے بلکہ یہ سرکاری ملازمین خصوصاً ڈاکٹرز کی پیشہ ورانہ عزت و وقار پر حملہ ہے۔
ایسے واقعات سرکاری ہسپتالوں میں کام کرنے والے ڈاکٹرز خصوصاً خواتین ڈاکٹرز کے لیے عدم تحفظ، ذہنی دباؤ اور ہراسگی کا باعث بنتے ہیں۔ اگر سرکاری افسران اپنی حدود سے تجاوز کرتے ہوئے ہسپتالوں میں طبی فیصلوں پر دباؤ ڈالیں گے تو اس سے نہ صرف مریضوں کے علاج کا معیار متاثر ہوگا بلکہ ڈاکٹرز کی professional autonomy بھی شدید مجروح ہوگی۔ مزید افسوس اس بات پر ہے کہ موقع پر موجود ہسپتال انتظامیہ اپنی ڈاکٹر کو اس نامناسب رویے سے تحفظ فراہم کرنے اور غلط کو غلط کہنے میں ناکام رہی۔

ینگ ڈاکٹرز ایسوسی ایشن پنجاب واضح کرتی ہے کہ ڈاکٹرز کسی بھی دباؤ، دھونس یا اختیارات کے ناجائز استعمال کے تحت نہیں بلکہ صرف مریض کے بہترین مفاد، طبی اصولوں اور حکومتی پالیسی کے مطابق فیصلے کرتے ہیں۔ ڈاکٹرز کے ساتھ عوامی تذلیل، ہراسگی اور اختیارات کے زور پر بدسلوکی کسی صورت قابلِ قبول نہیں۔

ینگ ڈاکٹرز ایسوسی ایشن پنجاب مطالبہ کرتی ہے کہ اس واقعے کی فوری اور شفاف انکوائری کی جائے، دورانِ ڈیوٹی ڈاکٹرز کو ہراساں کرنے اور اختیارات کے ناجائز استعمال پر متعلقہ اسسٹنٹ کمشنر کے خلاف کارروائی کرتے ہوئے اسے فوری طور پر عہدے سے ہٹایا جائے۔

بصورتِ دیگر ینگ ڈاکٹرز ایسوسی ایشن پنجاب بھرپور احتجاج، متعلقہ دفتر کے گھیراؤ اور صوبہ بھر میں احتجاجی لائحہ عمل دینے کا حق محفوظ رکھتی ہے۔ ڈاکٹرز کی عزت، تحفظ اور پیشہ ورانہ وقار پر کسی قسم کا سمجھوتہ قبول نہیں کیا جائے گا۔


ینگ ڈاکٹرز ایسوسی ایشن پنجاب

09/05/2026

کل کے وفاقی حکومت کے نوٹیفکیشن کے بعد پیٹرول کی قیمت 415 روپے فی لیٹر ہو چکی ہے، ابھی بھی زیادہ تر سرکاری و نیم سرکاری ادارے ورک فرام ہوم کر رہے ہیں، جبکہ فزیکلی کام ہفتے میں صرف چار دن تک محدود کر دیا گیا ہے۔ پیٹرول کی قیمتوں میں اضافے کی وجہ سے ہر چیز کی قیمت میں اضافہ دیکھنے کو ملتا ہے۔

اب ڈاکٹرز بیچارے برے پھنسے ہوئے ہیں۔ پیر سے ہفتے تک بلاناغہ ڈیوٹیاں، وارڈ کالز و ایمرجینسی ڈیوٹی اور پھر او پی ڈی، اتوار کو ہاٹ سنڈے لگ جاتا، جبکہ کسی عام تعطیل کے دن ڈیوٹی لگ گئی تو وہ بھی آپ نے کرنی ہی کرنی ہے۔ عید کی ڈیوٹیاں الگ۔ یہ سب کام کرنے کے باوجود، ایک عام ڈاکٹر کی تنخواہ اتنی ہی ہے، جتنی آج سے 5 سال قبل تھی۔ 5 سال قبل ڈالر کی قیمت اور آج کی قیمت میں زمین آسمان تک کا فرق ہے، جبکہ ڈاکٹرز کی تنخواہیں اسی 5 سال قبل والے ڈالر کی قیمت میں مل رہی ہیں۔

سوال یہ اٹھتا ہے کہ، کیا ڈاکٹرز کی گاڑیاں و موٹر سائیکلز پیٹرول کی بجائے پانی پر چلتی ہیں؟ کیا ڈاکٹرز کو گرمی نہیں لگتی کہ ان کو گرمیوں کی چھٹیاں ملیں؟ کیا ڈاکٹرز کا دل نہیں کرتا کہ وہ عید اپنے خاندان کے ساتھ منائیں؟ کیا اس مہنگائی سے عام ڈاکٹر متاثر نہیں ہوا؟

ایک عام PGR، جس کا ماہانہ stipend ایک لاکھ دس ہزار روپے ہے، جبکہ اس کا ورک لوڈ باقیوں کی نسبت سب سے زیادہ ہے، تو وہ اس تنخواہ سے کیسے گزارہ کرے گا؟ کیسے اپنے خاندان کو پالے گا؟

ڈاکٹرز کے لئے کوئی سروس اسٹرکچر موجود ہی نہیں۔ قائد اعظم کا قول “کام، کام اور کام” کیا صرف ڈاکٹرز پر ہی لاگو ہوتا ہے؟ اگر پیٹرول کی قیمتوں سے باقی طبقے متاثر ہوئے ہیں تو ڈاکٹرز بھی اس سے سب سے زیادہ متاثر ہوئے ہیں، جن کی تنخواہ تو پہلے جتنی ہی ہے، لیکن ہر چیز کی قیمت ٹرپل ہو چکی ہے۔

سب سے مضحکہ خیز بات یہ ہے کہ ڈاکٹرز کا ہاؤس رینٹ، conveyance allowance آج بھی اتنا ہے جتنا 2018 میں تھا۔

جب تک اس پیٹرول کی قیمتیں کم نہیں ہوتیں، تب تک ڈاکٹرز کو بھی ہفتے میں چار دن ڈیوٹی پر بلایا جائے۔

اب وقت آ گیا ہے کہ سرکار، ڈاکٹرز کے سروس سٹرکچر کو از سر نو مرتب کرے۔ پبلک ہالیڈیز و عیدین پر ڈیوٹی کرنے والوں کو سپیشل الاؤنس دیا جائے۔ HOs, PGRs کے stipend میں فی الفور اضافہ ناگزیر ہو چکا ہے، جبکہ ٹیچنگ فیکلٹی اور جنرل کیڈر ڈاکٹرز کی تنخواہوں میں بھی اضافہ کیا جائے۔

ہسپتالوں میں انسانیت سوز ڈیوٹی روسٹر کی حوصلہ شکنی کی جانی چاہیے۔ کم تنخواہ، زیادہ ورک لوڈ، اور hectic ڈیوٹی روسٹر کی وجہ سے ڈاکٹرز انزائٹی کا شکار ہو رہے ہیں، جس پر بھی اربابِ اختیار کو لازمی سوچنا چاہیے۔

بڑھتی ہوئی بیروزگاری کی وجہ سے میڈیکل شعبہ شدید دباؤ کا شکار ہے، اوپر سے سرکاری ہسپتالوں میں ہر روز کی فضول چیکنگ و چھاپے، اب کیمروں سے surveillance، موبائل پر ایکسرے دیکھنے کی وجہ سے نوکری سے نکال دینا، ضروری دوائی باہر سے منگوانے پر نوکری سے برخاستگی جیسے فیصلوں کی وجہ سے آج کا ڈاکٹر، اس ملک سے اور اس نظام سے مایوس ہو چکا ہے۔ یہی وجہ ہے کہ پاکستان کا کنسلٹنٹ باہر SHO کی جاب بھی کرنے کو تیار ہے۔ تھوڑا نہیں، زیادہ سوچیے۔۔

ہر ینگ ڈاکٹر کی آواز
وائے ڈی اے پنجاب انسٹیٹیوٹ آف کارڈیالوجی لاہور

میڈیا سیل، وائے ڈی اے پنجاب انسٹیٹیوٹ آف کارڈیالوجی، لاہور۔

08/05/2026

06/05/2026

*پریس ریلیز*
وائی ڈی اے چلڈرن ہسپتال لاہور

*عنوان: روزنامہ خبریں کی رپورٹ کے مطابق چلڈرن ہسپتال میں فیکلٹی کی طویل رخصتوں پر سوالات، شفاف انکوائری کا مطالبہ*
روزنامہ خبریں میں شائع رپورٹ کے مطابق، چلڈرن ہسپتال لاہور میں شعبہ پیڈیاٹرک انستھیزیا سے منسلک پروفیسر ڈاکٹر سعیدہ آصف کی طویل رخصتوں کے معاملے پر سوالات اٹھائے گئے ہیں۔
رپورٹ کے مطابق 2017 سے 2026 کے دوران 9 سال میں مبینہ طور پر 16 بار بیرون ملک رخصت لی گئیں، جن میں 3 طویل المدتی رخصتیں شامل ہیں، اور اب دوبارہ 609 دن کی رخصت دی گئی۔ ان رخصتوں کے باعث جونیئر ڈاکٹرز کو ہیلتھ سیکرٹریٹ کے چکر لگانے پڑے۔اور 1 سپروائزر ہونے سے انکے ٹریننگ کے معمولات Synopsis تھیسز کافی متاثر ہوئے ۔ مزید یہ کہ مریضوں کی بے ہوشی کے معمولات بھی متاثر ہوئے۔ ہم سمجھتے ہیں کہ موجودہ وائیس چانسلر پروفیسر اور ڈین چلڈرن ہسپتال پروفیسر جنید رشید پچھلے کئی سالوں سے اس چھٹی کو چھپانے اور درپردہ کرم نوازی کے جرم دار ہیں۔
چونکہ یہ معاملہ بچوں کی صحت اور پی جی ٹریننگ کے معیار سے براہ راست جڑا ہے، اس لیے ہم وزیر اعلیٰ پنجاب محترمہ مریم نواز شریف اور محکمہ سپیشلائزڈ ہیلتھ کیئر سے مطالبہ کرتے ہیں کہ روزنامہ _خبریں_ میں شائع ہونے والے نکات کی روشنی میں شفاف محکمانہ انکوائری کروائی جائے۔ اور پچھلے کئی سالوں کا ریکارڈ FIA اور سول ایوی ایشن اتھارٹی سے لیا جائے کہ کتنی بار بیرون ملک بغیر اجازت سفر کیا گیا ہے۔ چلڈرن ہسپتال میں انستھیزیا ٹریننگ کا آڈٹ کیا جائے اور ٹرینی ڈاکٹرز کے لیے سینئر فیکلٹی کی نگرانی یقینی بنائی جائے۔
منجانب!!
وائی ڈی اے چلڈرن ہسپتال لاہور