Dr Syed Javed Sabzwari

Call Directions

Dr Syed Javed Sabzwari It's All About Your Hearts Health Prevention and treatment of angina,heart attack,heart failure,rheumatic heart disease,heart rhythms.

Control of high blood pressure,high serum cholesterol,high uric acid. Advisory and follow up services for Angioplasty,Open Heart Surgery and Pacemaker ICD / CRT implantation. Special interest in the non invasive management of Heart Failure,Angina and heart attack. Special work on the prevention of Rheumatic Fever and Rheumatic Heart Diseases in Pakistan. Special interest is to educate both Doctors and General Public about the cardiology. Research on Stem Cell Therapy and other measures in the management of Cardiomyopathies.

18/09/2026

دل کی باتیں ۔
زندگی کی صرف ایک ہی حقیقت ہے اور وہ ہے صحت ۔ جسمانی اور ذہنی صحت ۔
اگر آپ صحت مند ہیں تو علم بھی آپ کے پاس ہے ۔ طاقت بھی آپ کے پاس ہے ۔ دولت بھی آپ کے پاس ہے ۔ عزت بھی آپ کے پاس ہے ۔ شہرت بھی آپ کے پاس ہے ۔ اگر صحت نہیں تو علم والوں کو بے علم ہوتے ، طاقتور لوگوں کو نحیف و نزار ہوکر خون تھوکتے ، دولت مند لوگوں کو غریب ہوتے اور بے انتہا شہرت کے حامل افراد کو گمنامی کے اندھیروں میں جاتے دیکھا ہے ۔
اپنی صحت کی قدر کیجئے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

17/09/2026

دل کی باتیں ۔
ایک بزرگ ہارٹ اٹیک کے بعد ہمارے ہسپتال میں داخل تھے ۔ ان کی بیگم نہایت خاموشی سے ان کی خدمت کرتی رہتیں ۔ چہرے کے تاثرات سے اندازہ ہوتا تھا کہ بہت زیادہ پریشان اور اکتائی ہوئی سی ہیں ۔ یہ بزرگ ہر وقت اپنے بچوں کو برا بھلا کہتے رہتے تھے ۔ ایک بیٹا صبح کا ناشتہ لے کر آئے تو انہیں بہت زیادہ برے الفاظ سے مخاطب کیا ۔ وہ خاموشی سے سنتے رہے ۔ بیٹی آئیں تو ان سے بھی سخت لہجے میں بات کی ۔ بچے بھی بہت گھبرائے ہوئے اور پریشان سے لگتے ۔ پوتے پوتیاں نواسے نواسیاں کمرے میں نہ جاتے ۔ میں نے ان بزرگ سے پوچھا کہ آپ اتنے اونچے اور سخت لہجے میں کیوں بات کرتے ہیں تو فرمانے لگے کہ گھر کا سربراہ ہوں ۔ اگر اتنی سختی نہ کروں تو یہ لوگ تو خدمت ہی نہ کریں ۔ گھر میں مرد کا رعب دبدبہ بہت ضروری ہے ورنہ گھر نہیں چلتا ۔
ایک اور بزرگ داخل تھے ۔ کیا ان کی عزت کی جارہی تھی ۔ پورے خاندان نے ہسپتال کے باہر ڈیرے لگائے ہوئے تھے ۔ اتنی خدمت ہو رہی تھی کہ جیسے یہ بزرگ ان کے بہت بڑے روحانی پیشوا ہیں ۔ ان بزرگ کا بہت دھیما انداز تھا ۔ اپنی اولاد سے بہت مشفقانہ اور نرم لہجے میں بات کرتے ۔
اگر ہم چاہتے ہیں کہ ہماری اولاد ہماری دل سے خدمت کرے ۔ عزت کرے تو یہ سبق ہے ان نوجوان والدین کے لئے جن کی اولاد بہت چھوٹی ہے کہ اپنی اولاد کی تربیت کے پہلو میں ان کی ذات کی نفی نہ کریں ۔ ان کو عزت دیں ۔ دوسرے بچوں سے موازنہ نہ کریں ۔ غلطی کی صورت میں بچوں کو معاف کرنے کی عادت ڈالیں لیکن بتا کر اور نرم لہجے میں ۔ بچے کا اپنا پورا وجود اور شخصیت ہوتی ہے ۔
ترقی یافتہ ممالک میں بچوں کی عزت و تکریم کرنے میں ان کو وہی مقام دیا جاتا ہے جو بڑوں کو دیا جاتا ہے ۔ بچے ہمارا مستقبل ہیں ۔ انہیں معاشرے کا اہم اور مفید شہری بنانے میں ماں باپ کا بہت اہم کردار ہے اور یہ جب ہی ممکن ہوگا جب والدین ان کو تعلیم دلوانے کے علاوہ ان کی ذہنی اور نفسیاتی تربیت بھی کریں گے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

17/09/2026

ہارٹ اٹیک ، ہائی بلڈپریشر اور دل کی دوسری بیماریوں سے کتنی آسانی سے بچا جاسکتا ہے ۔
ہائی بلڈپریشر کی عام طور پر کوئی علامت نہیں ہوتی ۔ ہائی بلڈ پریشر کے مریض زندگی کو بہت آرام سے گزار رہے ہوتے ہیں ۔ اگر انہیں دواؤں کے استعمال کا مشورہ دیا جائے یا احتیاطی تدابیر اختیار کرنے کو کہا جائے تو بہت برا مانتے ہیں ۔ طنزیہ انداز میں باتیں کرتے ہیں ۔ مذاق اڑاتے ہیں اور جب ایک دن ہارٹ اٹیک یا پھیپھڑوں میں پانی آنا یا فالج یا گردوں کے خراب ہونے کی وجہ سے ہسپتالوں میں دن گزار رہے ہوتے ہیں یا خدانخواستہ معذوری کی وجہ سے دوسروں کے محتاج ہوجاتے ہیں ۔ تب احساس ہوتا ہے کہ کاش ہم نے اپنے ہائی بلڈ پریشر کو کنٹرول کرنے کے لئے اپنے ڈاکٹر کی ہدایات پر سختی سے عمل کیا ہوتا ۔ اپنی صحت کا خیال کیا ہوتا ۔
دل کی بیماریوں کا علاج سائنسی انداز میں ہونا چاہئے ۔ سوشل میڈیا پر دستیاب مختلف ٹوٹکے یا گھریلو نسخہ جات کا استعمال کرکے یہ سوچنا کہ اب ہمارے دل کی تنگ نالیاں کھل جائیں گی یا ہمارا ہائی بلڈ پریشر کنٹرول ہوجائے گا یا ہماری شوگر کی بیماری ختم ہوجائے گی ، نہ صرف بیماریوں کی پیچیدگیوں کو دعوت دینے کے مترادف ہے بلکہ آپ کی صحت کو ناقابل تلافی نقصان کی سطح تک لے جاسکتی ہے ۔
آپ بظاہر صحت مند ہیں یا کسی بیماری میں مبتلا ہیں ۔ ہمیشہ اپنے نزدیکی ہسپتال میں جا کر اپنا مکمل معائنہ کروائیں تاکہ آپ کی صحت کے حوالے سے آپ کو جانچا سکے اور اگر کسی بیماری کی تشخیص ہوجاتی ہے تو پھر آپ کی ذمہ داری ہے کہ ڈاکٹر صاحب کی تجویز کردہ ادویات اور دی گئی دوسری ہدایات پر سختی سے عمل کریں ۔
آج کل ہمیں اتنا خطرہ بیماریوں سے نہیں ہے جتنا سوشل میڈیا پر دستیاب غلط مشوروں یا غلط ، بلند بانگ اور گمراہ کن دعوں یا صحت کو شدید نقصان پہنچانے والے نسخوں پر عمل کرنے سے ہے ۔
اگر سوشل میڈیا کے مثبت پہلو کو دیکھا جائے تو یہ عوام کی صحت کو بہتر بنانے اور بیماریوں کی شرح کو کم کرنے کے جدید سائنسی علم اور طریقوں سے عوام الناس کو آگاہ کرنے کا بہت مضبوط پلیٹ فارم ہے اور ہم نے دیکھا ہے کہ صحت کے شعبے سے وابستہ بہت سے افراد اپنا کردار بخوبی ادا کر رہے ہیں ۔ ان سب کی کاوشیں یقینآ قابل تحسین و ستائش ہیں ۔
آئیں ہم سب مل کر علم کی طاقت سے اپنے آپ کو اور اپنے خاندان کے افراد کو دل کی بیماریوں سے بچائیں ۔
دل کی بیماریوں سے محفوظ ہمارا خاندان ۔
دل کی بیماریوں سے پاک ہمارا پاکستان ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

16/09/2026

دل کی بیماریوں کا خاتمہ کریں علم و شعور کی طاقت کے ساتھ ۔
فصلوں کو کیڑوں سے محفوظ رکھنے کے لئے ان پر مختلف جراثیم کش ادویات کا سپرے کیا جاتا ہے تاکہ اجناس ، سبزیوں اور پھلوں کی پیداوار متاثر نہ ہو ۔
میرے پاس محکمہ زراعت کے شعبہ پلانٹ پروٹیکشن کے ایک ریٹائرڈ ڈائریکٹر جنرل آتے ییں ۔ انہوں نے بتایا کہ اب فصلوں پر اتنا سپرے کیا جانے لگا ہے کہ اگر پھلوں سبزیوں کو کھانے سے پہلے اچھی طرح دھو نہ لیا جائے تو جراثیم کش ادویات کے residual effects انسانوں کی صحت کےلئے خطرناک ثابت ہو سکتے ہیں ۔
اسی شعبے کے ایک اور بزرگ ماہر جو پاکستان کی ایک معروف جراثیم کش ادویات کی کمپنی میں ایڈوائزر کی خدمات انجام دے رہے ہیں ۔ میرے پاس داخل تھے ۔ فرمانے لگے کہ امرود کی فصل پر اتنا سپرے کیا جاتا ہے کہ اب یہ کھانے کے قابل نہیں رہ گیا ہے ۔
خیبر پختون خواہ سے آئے ہوئے ایک باغوں کے مالک نے بتایا کہ آڑو کی فصل پر اگر بار بار جراثیم کش ادویات کا سپرے نہ کیا جائے تو پیداوار ہی حاصل نہیں ہوتی ۔
جب سے ہم نے قدرت کے کام میں مداخلت کی ۔ نتیجہ ہمارے سامنے ہے ۔
قرآن کریم کی سورہ روم کی 30 ویں آیت میں اللہ تعالی فرماتے ہیں "جو میں نے تخلیق کیا اس میں کبھی تبدیلی نہ کرنا "
ہم نے تو فصلوں کے بیجوں میں جینیاتی طور پر تبدیلیاں کر دیں تاکہ زیادہ سے زیادہ پیداوار حاصل ہوسکے ۔ برائلر مرغی اور فارم کی مچھلیاں بیچنے لگے۔ ٹیسٹ ٹیوب بےبی بنا لئے ۔ کہاں کہاں اللہ کے کام میں مداخلت نہیں کی ۔
ماحول کے توازن کو خراب کر دیا ۔
رہائشی کالونیوں کو غیر آباد زمینوں پر بنانا چاہئے تھا ۔ ہمارے ہاں باغوں اور فصلوں کی زمینوں پر جب رہائشی کالونیاں بنیں تو پرندوں کی قدرتی آماجگاہیں ختم ہونے کی وجہ سے فصلوں پر مختلف کیڑوں نے حملہ کردیا ۔ پرندے ان نظر آنے والے اور نہ نظر آنے والے کیڑوں کو کھا کر ماحول کی صفائی کرتے رہتے تھے جس سے ان مصنوعی خطرناک قسم کی جراثیم کش ادویات کی ضرورت ہی نہیں پڑتی تھی ۔
ہمارے نوجوانوں میں ہائی بلڈ پریشر ، ہارٹ اٹیک ، دل کے پٹھوں کے امراض ، شوگر کی بیماری ، مختلف اقسام کے کینسر کی شرح میں خطرناک اضافہ ہماری بند آنکھیں کھولنے کے لئے کافی ہے ۔
ماہرین زراعت کو کسانوں کو جراثیم کش ادویات اور کھادوں کے صحیح استعمال کے حوالے سے تعلیم دینا ہوگی ۔ مختلف کمپنیاں جو کسانوں کو ٹریکٹر اور دوسرے انعامات کا لالچ دے کر کھادوں اور ادویات کے سپرے کا زیادہ سے زیادہ استعمال کرواتی ہیں اور انسانوں کی زندگیوں سے کھیلتی ہیں ۔ کھاد اور ادویات بنانے والی ان کمپنیوں کی طرف سے کسانوں کو دیئے جانے والے اس لالچ اور ترغیب پر ماہرین زراعت کو کڑی نگاہ رکھنا ہوگی ۔ حکومتی سطح پر بھی اقدامات اٹھانا ہوں گے ۔۔
ہم سب کو صحت کی تعلیم کو عام کرنا ہوگا ۔ لوگوں میں شعور بیدار کرنا ہوگا ۔ تب ممکن ہے کہ ہم اس بات کو سمجھنے کے قابل ہو سکں کہ قدرت کے کاموں میں مداخلت کی سزا یقیبآ ملتی ہے ۔ قدرت کا انتقام بہت سخت ہوتا ہے ۔ اب بھی وقت ہے کہ انسانی جان کی حفاظت کے لئے سنجیدگی سے مثبت اور فوری اقدامات اٹھائے جائیں ۔
اس کے ساتھ اللہ تعالی کے حضور خصوصی دعائیں مانگی جائیں کہ وہ ہم انسانوں کو اپنی عافیت میں رکھے ۔ آمین ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

16/09/2026

شرافت صاحب دل کے والوز کی تنگی کی وجہ سے پھیپھڑوں میں پانی آنے کے بعد بہت بیمار ہوگئے ۔ یہ جب ہمارے پاس آئے تو ان کا سانس اتنا زیادہ خراب تھا کہ نہ ان سے سیدھا لیٹا جاتا تھا اور نہ دو قدم چلا جاتا تھا ۔ ہم نے ان کے علاج کا پورا پلان ترتیب دے کر جب علاج شروع کیا گیا تو الحمدللہ یہ بہت تیزی سے روبصحت ہوگئے ۔ انہوں نے دواؤں کی پابندی کی ۔ خوراک میں احتیاط کی ۔ زندگی کے معمولات میں تبدیلی لائے ۔ انہوں نے ہمارے دیئے گئے پلان کی ایک ایک بات پر سختی سے عمل کیا ۔ ان سب کا نتیجہ یہ نکلا کہ آج دنیا کی بلند ترین چوٹیوں کے دامن میں واقع مرغزاروں کی یہ سیر کررہے ہیں ۔ کہیں شاہراہ قراقرم پر گاڑی کو دوڑایا تو کہیں اونچے اونچے پہاڑوں پر ہائکنگ کر رہے ہیں ۔
آج جب انہوں نے اپنی ایک ویڈیو ان پہاڑوں کے درمیان بل کھاتی سڑک پر گاڑی چلاتے ہوئے بھیجی تو میں نے انہیں ایک پیغام بھیجا کہ آپ آیک چھوٹا سے ویڈیو کلپ دل کے ان مریضوں کے لئے بنا کر بھیج دیں جو دل کے مرض میں مبتلا ہونے کے بعد شدید مایوسی کا شکار ہوگئے ہیں ۔
یہ ویڈیو کلپ دل کے ان تمام مریضوں کے لئے بہت حوصلہ افزا ہوگا جو دل کے مرض کو ناقابل علاج سمجھتے ہیں ۔
آئیں ۔ ہم سب ان کی صحت کاملہ کے لئے دعا کریں ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔
انتباہ ۔ یہ ایک سنجیدہ تعلیمی پیج ہے ۔ اس پیج کو تمام عمر کے خواتین اور حضرات پڑہتے ہیں ۔ دیکھتے ہیں ۔ اس پیج پر پبلش کی گئی مختلف پوسٹس اور وی لاگز کو اپنے خاندان کے افراد اور سوشل گروپس میں شیئر کرتے ہیں ۔ آپ سے درخواست ہے کہ اپنے کمنٹس میں سنجیدہ اور شائستہ الفاظ کا انتخاب کیجئے ۔ غیر اخلاقی ، غیر سنجیدہ نامناسب الفاظ اور جملوں سے پرہیز کیجئے ۔ سیاسی باتوں سے اجتناب کیجئے ۔ غیر ضروری ، غیر اخلاقی ، غیرقانونی اور سیاسی کمنٹس دینے سے گریز کیجئے ۔ ہماری ٹیم ایسے تمام کمنٹس کو حذف کرنے اور اکاؤنٹس کو بلاک کرنے کا اختیار رکھتی ہے جو غیر سنجیدہ ، غیر ضروری ، غیر اخلاقی ، غیر قانونی اور سیاسی الفاظ اور جملوں پر مشتمل ہوں گے ۔

15/09/2026

دل کی باتیں ۔
صحت کی ہماری زندگی میں کتنی اہمیت ہے ۔ پوچھئے ہسپتالوں کے مختلف وارڈز میں بستروں پر لیٹے ہوئے مریضوں سے ۔
ان میں سے زیادہ تر یہی کہیں گے کہ جھونپڑی میں رہ لیتے ، چٹنی اچار کے ساتھ سوکھی روٹی کھا لیتے ، جسم ڈھانپنے کے لئے کوئی بھی سادہ لباس پہن لیتے ، پیدل چل لیتے یا سائیکل کا استعمال کر لیتے ، تمباکو اور دوسری عادات و علتوں کو نہ اپناتے ، اپنا معائنہ پابندی سے کرواتے .
اپنی صحت کےلئے بھی کچھ کیا ہوتا ، اپنے اوپر بھی پیسہ خرچ کیا ہوتا ، دوسروں کے لئے کمایا اپنی ذات اور صحت کو داؤ پر لگایا ، جن کے لئے دن رات محنت کی وہی ہسپتال میں داخل کروا کر چھوڑ گئے یہ بھی آ کر نہیں پوچھتے کہ صحت کیسی ہے .
ہم نے اپنے آپ کو وقت دیا ہوتا ، پیسہ کمانے کی مشین نہ بنے ہوتے ۔
کچھ مریض کہتے کہ ہم کام میں اتنا مگن رہتے تھے کہ نماز بھی یاد نہ رہتی تھی ۔ کاش ہم نے اپنی پوری نمازیں پڑہی ہوتیں ۔ قرآن پڑھا ہوتا ۔ روزانہ چار آیات ہی ترجمے کے ساتھ سوچ سمجھ کر پڑھ لی ہوتیں ۔
کبھی ہم نے اپنے رشتے داروں کو بھی وقت دیا ہوتا ۔ شام کے وقت دوستوں کے ساتھ سجی محافل میں شرکت کرکے کچھ یاد ہی نہیں رپتا تھا ۔
کاش ایسا ہوتا ، کاش ویسا ہوتا بس صحت و سکون ہوتا ۔
اگر اللہ تعالی نے ہمیں صحت دی ہے ۔ توانا دل دیا ہے ۔ مثبت سوچ والا صحت مند دماغ اور مضبوط اعصاب دیئے ہیں ۔
اگر ہمارے گردے ، جگر ، پھیپھڑے صحیح طریقے سے کام کر رہے ہیں ۔ ہڈیاں ، جوڑ ، آنکھیں ، کان ، ناک اور گلا سب سلامت ہیں ۔ ہمیں بھوک بہت اچھی لگتی ہے ۔ رات کو پرسکون نیند سوتے ہیں تو یقین کریں ہم دنیا کے خوش قسمت ترین انسان ہیں ۔
اپنی صحت کی قدر کریں اور خاص طور پر دل کی صحت کی ۔ کیونکہ صحت مند دل کی ہر دھڑکن آپ کو صحت مند زندگی گزارنے کی نوید سناتی ہے ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔


15/09/2026

ذہنی دباؤ دل کی بیماری کا سبب بن رہا ہے ۔
ہمیں اس مصنوعی ذہانت ( اے آئی ) کے دور میں اپنی اولاد کو تعلیم دلوانے کے ساتھ ساتھ تربیت پر بہت توجہ دینا ہوگی ۔
آئیں ہم سب مل کر علم کی طاقت سے اپنے آپ کو اور اپنے خاندان کے افراد کو دل کی بیماریوں سے بچائیں ۔
دل کی بیماریوں سے محفوظ ہمارا خاندان ۔
دل کی بیماریوں سے پاک ہمارا پاکستان ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

14/09/2026

دل کے وہ مریض جن کا سانس بہت زیادہ پھولتا ہے ، ان کے لئے احتیاطی تدابیر ۔
دل کے وہ مریض جن کے دل کے پٹھے بہت کمزور ہونے کی وجہ سے انکے پھیپھڑوں میں بار بار پانی آجاتا ہے ، سانس بہت خراب ھوتا ہے ، جسم پر سوجن آگئی ہے خاص طور پر انکے پاؤں اور ٹانگیں بہت سوج گئی ہیں اور ان پر نیلاہٹ بھی آگئی ہے ۔ انہیں چاہئے کہ وہ اپنے روزانہ پینے کے پانی کی مقدار اور نمک کا استعمال کم کردیں ۔ دواؤں کی پابندی کریں ۔ ان عوامل پر نگاہ رکھیں جو ہارٹ فیلئیر کو بڑھا دیتے ہیں ۔ آرام کریں اور ڈاکٹرز کی ہدایات پر مکمل عمل کریں تو دیکھیں گے کہ انکا سانس ، کھانسی اور سوجن کتنی جلدی بہتر ہوتی پیں ۔
ان مریضوں کو روزانہ کی بنیاد پر اپنا وزن لازمی چیک کرنا چاہئے ۔ وزن ہمیشہ صبح کے وقت کچھ بھی کھانے سے پہلے اور پیشاب کرنے کے بعد چیک کرنا چاہئے ۔ اگر وزن ایک پاؤنڈ کے حساب سے روزانہ بڑہتا ہے تو فورآ اپنے ڈاکٹر سے رجوع کریں ۔ وزن کا بڑھنا یہ ظاہر کرتا ہے کہ جسم میں پانی زیادہ اکٹھا ہورہا ہے اور کسی بھی وقت سانس کی تکلیف بہت زیادہ ہوسکتی ہے ۔
ان مریضوں کی خوراک میں نمک کا استعمال کم سے کم کریں ۔ ایک چائے کے چمچ میں سوڈیئم کی مقدار تقریبآ ڈھائی گرامز تک ہوتی ہے ۔ انکی خوراک جو بنائی جائے اس میں نمک کی مقدار ایک دن میں آدھی چمچ سے پون چمچ سے زیادہ نہیں ہونی چاہئے ۔
پانی اور نمک کا کم استعمال اور دواؤں کی مقدار کی ایڈجسٹمنٹ ان مریضوں کی علامات میں اچھے نتائج مرتب کرتی ہے ۔
اگر سانس پھولتا ہے ۔ لیٹنے سے گھبراہٹ ہوتی ہے ۔ ساری رات بیٹھ کر گزارتے ہیں تو اپنے نزدیکی ہسپتال میں جا کر اپنا مکمل معائنہ کروائیں اور ڈاکٹر صاحب کی ہدایات پر سختی سے عمل کریں ۔
ڈاکٹر سید جاوید سبزواری ۔
کنسلٹنٹ کارڈیالوجسٹ ۔
لاہور ۔ پاکستان ۔

14/09/2026

السلام علیکم !
کیا آپ جانتے ہیں کہ نماز کو خشوع و خضوع کے ساتھ پڑھنے اور دیگر عبادات و تسبیحات کی ادائیگی کے دوران اللہ تعالی کی قربت اور خوشنودی کی وجہ سے دماغ ایسے ہارمونز تیار کرتا ہے جو انتہائی غم اور کرب کے عالم میں بھی انسان کو مایوس نہیں ہونے دیتے ۔ ان میں اینڈورفن ، ڈوپامن ، سیروٹونن اور آکسیٹوسن قابل ذکر ہیں اور یہ مصنوعی طور پر بنائی جانے والی تمام سکون آور ادویات سے کئی گنا زیادہ طاقتور ہیں ۔
اللہ کا شکر ادا کرتے ہوئے نئے دن کی نئی صبح کا آغاز کریں آنے والے وقت کی عافیت و سلامتی کے ساتھ ۔
ڈاکٹر سید جاوید سبزواری .
کنسلٹنٹ کارڈیالوجسٹ ۔
لاہور ۔ پاکستان ۔🌳

13/09/2026

No fear of heart disease.
Dr Syed Javed Sabzwari
Consultant Cardiologist
Lahore Pakistan.

Address

Lahore
54000

Telephone

+923334227772

Website

Alerts

Be the first to know and let us send you an email when Dr Syed Javed Sabzwari posts news and promotions. Your email address will not be used for any other purpose, and you can unsubscribe at any time.

Shortcuts

Share

Category