14/06/2026
سلمان خان کا خواتین کے لباس سے متعلق بیان سوشل میڈیا پر پھر وائرل
بالی ووڈ سپر اسٹار سلمان خان سے متعلق اداکارہ شوئتہ تیواری کی بیٹی پلت تیواری کا ایک بیان سوشل میڈیا پر وائرل ہوگیا ہے۔ جس میں بتایا جا رہا ہے کہ سلمان خان کے کام کرنے کے کچھ اصول ہیں اور اگر کوئی بھی لڑکی ان کے سیٹ پر گردن تک ڈھکے ہوئے کپڑے پہن کر نہیں آتی تو انہیں اچھا نہیں لگتا۔
اداکارہ پلک تیواری نے اپنے ایک انٹرویو میں بتایا کہ ویسے تو سلمان خان کو کسی کے کپڑوں سے کوئی غرض نہیں لیکن وہ لڑکیوں و خواتین کو اپنے سامنے کم از کم محفوظ دیکھنا چاہتے ہیں اس لیے وہ یہ اصول بنائے بیٹھے ہیں۔
پلک کے بتائے ہوئے اس اصول سے متعلق سلمان خان سے بھی سوال کیا گیا، جس کے جواب میں سلمان نے کہا کہ میرے خیال میں خواتین جتنی ڈھکی ہوئی ہوں، مجھے لگتا ہے اُتنا ہی بہتر ہے۔ پہلے کی بات الگ ہے جبکہ آج کل کا ماحول کچھ الگ ہی ہے۔ یہ لڑکوں کا چکر ہے، آپ سب جانتے ہیں کہ جس حساب سے لڑکے لڑکیوں کو دیکھتے ہیں، جن میں آپ کی بہنیں، بیوی اور ماں شامل ہے، وہ مجھے اچھا نہیں لگتا۔ اس لیے ایک قاعدے کے مطابق رہا جائے اور عزتیں سلامت رہیں تو یہ زیادہ بہتر ہے۔
خیال رہے کہ اداکارہ شویتا تیواری کی بیٹی پلک تیواری نے سلمان خان کے ساتھ فلم کسی کا بھائی کسی کی جان میں ساتھ کام کیا ہے۔
