08/06/2026
الحمدللہ!
ہمدرد ویلفیئر سوسائٹی کی کاوشوں سے ہمارے گاؤں میں ایک کامیاب فری آئی کیمپ کا انعقاد کیا گیا۔ مختلف احباب سے گفتگو کے دوران یہ بات سامنے آئی کہ ہمارے علاقے میں شاید پہلی مرتبہ اس نوعیت کا فری آئی کیمپ لگایا گیا ہے۔ اس سے قبل ہمارے گاؤں میں طبی سہولیات اور میڈیکل کیمپس کا انعقاد نہ ہونے کے برابر تھا۔
یہ ہمارے لیے خوشی اور حوصلہ افزائی کی بات ہے کہ گاؤں کے لوگوں نے اس فلاحی سرگرمی کو بھرپور سراہا۔ ان شاء اللہ ہمدرد ویلفیئر سوسائٹی مستقبل میں بھی عوامی خدمت کے اس سفر کو جاری رکھے گی اور کوشش کرے گی کہ ایسے فری میڈیکل کیمپس، آئی کیمپس اور دیگر فلاحی منصوبے وقتاً فوقتاً گاؤں میں منعقد کیے جائیں تاکہ زیادہ سے زیادہ لوگوں کو صحت کی بنیادی سہولیات ان کی دہلیز پر میسر آ سکیں۔
آپ سب کی دعائیں، تعاون اور حوصلہ افزائی ہمارے لیے قیمتی سرمایہ ہیں۔
