08/09/2026
ابھی کچھ دیر قبل اسلام آباد کے ایک ساتھی جو اس وقت ٹورنٹو کینیڈا میں مقیم ہیں ان سے فون پر بات ہوئی ۔۔۔۔۔۔
کہتے ہیں میں 11 سال تک ملحد رہا ۔۔۔۔ اور 11 سال تک میری والدہ مجھے " آیت الکرسی " کا دم کیا کرتی تھیں ۔۔
کہتے ہیں گزشتہ برس میں نے آیت الکرسی کا ترجمہ اور تفسیر صرف اس لئے سمجھنے کی کوشش کی کہ والدہ کو بھی اپنے جیسا بنا لوں ۔۔۔ انا للہ وانا الیہ راجعون ۔۔۔ اور وہ مجھ پر اپنا دم کرنا بند کر دیں ۔۔۔۔ تقریبا 40 سے زائد مفسرین کی آراء پڑھیں ۔۔۔ اور اللہ نے مجھے ہدایت دے دی ۔۔۔۔۔ ان کا کہنا تھا کہ ان کی والدہ 5 جماعتیں پاس ہیں ۔۔۔ انہی کے ساتھ کینیڈا میں مقیم ہیں ۔۔۔ اور ان کی والدہ کو ترجمہ نہیں آتا ۔۔۔ پنجابی خطباء کو شوق سے سنتی ہیں ۔۔۔۔ ان کو بس قرآن اوپر سے دیکھ کر ناظرہ پڑھنا آتا ہے ۔۔۔ اور مسنون اذکار یاد ہیں ۔۔۔۔
کہنے لگے انکی والدہ نے آیت الکرسی کا دم کرنا آج بھی نہیں چھوڑا ۔۔۔ ان کا کہنا تھا کہ میں نے تقریبا 80 سے زائد ملحدین کی کتابیں خرید کر پڑھیں ۔۔۔۔ جس دن اللہ نے ایمان کی دولت سے نوازا ۔۔۔۔ اسی دن سے علمیت کا فخر اور غرور ختم ہو گیا ۔۔۔ ان تمام کتابوں کو ایک ایک کر کے جلا دیا ۔۔۔۔
کہنے لگے ابھی صرف قرآن مجید ، تفسیر احسن البیان ۔۔۔ اور دار السلام کی صحیح البخاری کتابوں کے ریک میں موجود ہے ۔۔۔۔ اور میں پسند کرتا ہوں کہ گمنام رہ کر اللہ کا دین سیکھوں ۔۔۔۔
یہ روداد سناتے ہوئے انہوں نے اپنا نام مینشن نہ کرنے کی شرط پر آپ سے شئیر کرنے کی اجازت دی ۔۔۔۔۔
ایمان اور توکل اور کسے کہتے ہیں ۔۔۔؟؟؟؟؟
ایک 5 جماعتیں پاس بوڑھی ماں ۔۔۔۔۔
جس کا بیٹا مغرب کی ترقی یافتہ لبرل سیکولر تہذیب کا شہری ہے اور مادیت پرستی میں کھو چکا ۔۔۔۔ ڈالر کی ریل پھیل نے اس سے اسکا دین چھین لیا ۔۔۔ لیکن اس ماں نے مسلسل 11 برس ۔۔۔ آیت الکرسی کا دم کرنا اپنے بیٹے کو نہ چھوڑا ۔۔۔۔۔ اور اسکا نتیجہ کہ بیٹا واپس ایمان کی طرف لوٹ آیا ۔۔۔۔۔
بظاہر بہت سے چھوٹے چھوٹے اعمال ۔۔۔ ہمیں بہت بڑے بڑے شیطانی معاملات سے محفوظ رکھتے ہیں ۔۔۔ ہم صرف سستی اور کاہلی کی وجہ سے انہیں ترک کر دیتے ہیں اور پھر بڑے نقصانات اٹھاتے ہیں ۔۔۔۔
اللہ ہمیں بھی ایسا ایمان دے ۔۔۔ اور اس ایمان کے ثمرات اس دنیا و آخرت میں انجوائے کرنے کی توفیق عطا فرمائے آمین ۔۔۔۔ ازقلم : عبدالسلام فیصل
