Al-Khair Trust Pakistan

13/06/2026

الحمد للہ رب العالمین
ایک اور مریض جس کی ٹانگ کٹی ہوئی تھی ۔ اس کو الخیر ٹرسٹ پاکستان کی طرف سے مصنوعی ٹانگ لگوا دی گئی ہے ۔ ان کی ٹانگ گھٹنے سے اوپر شوگر کی وجہ سے کٹی ہوئی تھی ۔ اب یہ اپنے قدموں پر چل سکیں گے ۔
ان شاءاللہ
اگر آپ کے ارد گرد شوگر کے مریض ہوں تو ان کو تلقین کریں کہ اپنی شوگر کنٹرول میں رکھیں ۔ اپنا خیال رکھیں ۔۔۔ اور پوری احتیاط کیا کریں خاص طور جب کوئی زخم آئے تو سب کام چھوڑ کر پہلی توجہ زخم کو دیں اور اس کا صحیح علاج کرائیں
اس مریض کی مصنوعی ٹانگ لگوانے کے سلسلہ میں تعاون کرنے والے بھائیوں کا بہت شکریہ ۔
اللہ کریم سے دعا ہے کہ تعاون کرنے والوں کو دنیا و آخرت میں حسنہ عطا فرمائے

05/05/2026

Al-Khair Trust Muridke Annual Meeting 2026 Media Coverage

02/04/2026

02/04/2026

بسم اللہ الرحمٰن الرحیم
الحمدللہ رب العالمین ۔ الرحمٰن الرحیم ۔
آج الخیر ٹرسٹ پاکستان کی طرف سے گیارہ مریضوں کا سفید موتیا کا آپریشن کروایا گیا ۔ یہ سارے آپریشن پی او بی ٹرسٹ ہسپتال لاہور نے بالکل فری کئے ۔
الخیر فری آئی کیمپ
پی او بی ٹرسٹ آئی ہسپتال لاہور
Prevention of Blindness Trust Hospital Lahore
نے لگایا تھا ۔ اس میں تیس سے زیادہ سفید موتیا کے مریضوں کی تشخیص ہوئی تھی ۔ 27 مریضوں نے آپریشن کروانے پر رضامندی ظاہر کی ۔ پھر رمضان میں یہ اپریشن نہ ہو سکے ۔ اور 16 خواتین و حضرات نے آپریشن کے لئے آمادگی ظاہر کی ۔ آج ہی او بی ہسپتال جاتے وقت تعداد 13 رہ گئی ۔ جس میں دو مریضوں کا کسی پیچیدگی کی وجہ سے آپریشن نہ ہو سکا ۔ اس طرح کل گیارہ افراد کا آپریشن ہوا ۔
پی او بی ہسپتال نے نہ صرف بالکل فری آپریشن کئے بلکہ مریضوں کے ساتھ عزت سے پیش آئے ۔اس بہترین ہسپتال میں آنکھوں کے ماہر ڈاکٹرز نے مریضوں کا اپریشن کیا اور مریض دعائیں دیتے رہے ۔
الخیر ٹرسٹ پاکستان کی طرف سے اس کے جنرل سیکرٹری چودھری فرقان یوسف کمبوہ اس الخیر فری آئی کیمپ کے انچارج تھے جنہوں نے بڑی محنت سے یہ مشکل کام پایہ تکمیل تک پہنچایا ۔ اور سارے انتظامات میں مرکزی کردار ادا کیا
جب کہ الخیر ٹرسٹ پاکستان کے سرپرست محمد اشفاق مغل اور صدر میاں شفاقت علی بھی اس کی مسلسل نگرانی اور منصوبہ بندی میں شامل رہے ۔
الخیر ٹرسٹ پاکستان نے مریضوں کو لاہور لے جانے اور لانے کے لئے دو کیری ڈبوں کا انتظام کیا تھا ۔ یہ سہولت بالکل فری دی گئی ۔ جس کے لئے الخیر کے تمام ڈونر خواتین و حضرات کا بہت بہت شکریہ ۔ اللہ کریم آپ سب کو دنیا و آخرت میں اس کی جزا دے ۔ آج آنکھ کے مریضوں کی آپ سب نے بڑی دعائیں لی ہیں ۔
محمد انصر صاحب کا شکریہ جو آج مریضوں کے ساتھ گئے اور ان کا بہت خیال رکھا
آخر میں ایک درخواست ہے کہ سفید موتیا Cataract کا مرض بہت عام ہو چکا ہے ۔ اس کی آ گہی پھیلائیں اور اگر کسی کو یہ مرض ہو تو اس کا آپریشن سے بہت اچھا علاج موجود ہے ۔ جتنی جلدی ہو سکے آپریشن کروائیں تا کہ آنکھ کا نقصان کم سے کم ہو ۔ اگر سفید موتیا کا علاج نہ کروایا جائے تو کبھی کبھار یہ کالا موتیا Glaucoma کی شکل بھی اختیار کر لیتا ہے جس سے آنکھ کو کافی نقصان پہنچ سکتا ہے ۔ اس لئے جتنی جلدی اس کی طرف توجہ دی جائے اتنا بہتر ہے ۔
ہم ڈاکٹر اعجاز قمر صاحب کا بھی شکریہ ادا کرتے ہیں جن کی سفارش نہ ہوتی تو اس فری میڈیکل کیمپ کا اہتمام نہ ہوپاتا ۔ ڈاکٹر صاحب کو اللہ کریم اس نیک کام کی جزا دے ۔
آخری پیغام
یہ ہے کہ اگر کسی کو سفید موتیا ہے اور وہ اپنا علاج نہیں کروا سکتا تو الخیر ٹرسٹ پاکستان کے کسی بھی رکن سے رابطہ کر سکتا ہے ۔ الخیر خدمت کے لئے حاضر ہے
اللہ اپ سب کا حامی و ناصر ہو ۔ آمین

19/03/2026

الحمدللہ رب العالمین
الخیر ٹرسٹ پاکستان سے ایک محترم بھائی چودھری محمد سعید کمبوہ نے رابطہ کیا اور نشاندہی کی کہ ایک شوگر کا مریض ہے اور اس کی ٹانگ شوگر کی وجہ سے کٹ گئی ہے ۔ اس لئے اس بھائی کو مصنوعی ٹانگ لگوائی جائے۔
الحمدللہ ۔ الخیر ٹرسٹ پاکستان کی طرف سے جس بھائی کی ٹانگ کٹی ہوئی تھی ۔ اس کو مصنوعی ٹانگ لگوا دی گئی ہے ۔ اب اللہ کے فضل و کرم سے یہ بھائی خود چلا کریں گے ۔
الخیر کے تمام تعاون کرنے والے بھائی بہنوں بیٹیوں اور بزرگوں کا شکریہ ۔
اللہ کریم ہم سب کو توفیق دے کہ ہم سے خیر کے کام لیتا رہے اور ہم سب کو دنیا و آخرت میں حسنہ عطا فرمائے ۔
ہمارا رجوع اپنےرب العالمین کی طرف ہے ۔ اللہ کریم ہم سب کی غلطیاں کوتاہیاں معاف کر کے ہم سب کو صحت و تن درستی عطا فرمائے ہماری غربت دور فرما کر ہمیں غنی بنا دے اور ہمیں توفیق دے کہ ہم سب اللہ کے دئیے سے اس کی راہ میں خرچ کرتے رہیں ۔
ہمارے بڑےبھائی چودھری عبدالرشید کمبوہ کے لئے خصوصی دعا ہے کہ اللہ کریم ان کو فالج کے مرض کی مکمل شفا دے ۔ اور ان کو دوبارہ سے بالکل تن درست فرما دے ۔
آپ سب بھائیوں سے بھی دعا کی درخواست ہے
آمین یا رب العالمین

07/02/2026

الخیر فری آئی کیمپ میں ، جماعت اسلامی راوی ریان کے امیر جناب مظہر الاسلام منصوری بھائی اور الخدمت فاؤنڈیشن کے ذمہ دار ڈاکٹر محمد طارق نے خصوصی شرکت کی ۔ جس کے لئے ہم ان کے بہت شکر گزار ہیں ۔

07/02/2026

الحمدللہ رب العالمین
الخیر فری آئی کیمپ
اللہ کریم کے فضل سے بہترین طریقے سے ہوا ۔ اس کے انچارج چودھری فرقان یوسف کمبوہ تھے جنہوں نے اس کا بہت اچھا انتظام کیا ۔
آخر میں پی او بی ہسپتال کے ڈاکٹروں اور عملے کے ساتھ ساتھ انتظامیہ کی کھانے سے تواضع کی گئی ۔ الخیر کی روایت کے عین مطابق کھانا دوستوں کے دئیے ہوئے عطیہ سے نہیں دیا جاتا بلکہ اس کا انتظام علیحدہ سے کیا جاتا ہے ۔ حسب روایت ٹپیالہ دوست میں کیمپ ہو تو کھانا چودھری عثمان یوسف کمبوہ بھائی دیتے ہیں ۔ اس بار بھی کھانا انہوں نے ہی دیا ۔ اللہ کریم ان کو جزا دے ۔
اس کیمپ میں
400 کے قریب مریضوں اور سکول کے بچوں کی آنکھوں کا چیک اپ کیا گیا۔

07/02/2026

اسلام علیکم ورحمتہ اللہ شکریہ محترم ڈاکٹر اعجاز قمر صاحب شکریہ سید احتشام صاحب اور ان کی ٹیم پی او بی ٹرسٹ لاہور شکریہ الخدمت فاونڈیشن جماعت اسلامی بہترین انتظام کرنے پر شکریہ چوہدری فرقان یوسف کمبوہ صاحب جنرل سیکرٹری الخیر ٹرسٹ پاکستان۔ آپ کے تعاون سے مورخہ 4 فروری کو پٹیالہ دوست محمد میں فری آئی کیمپ کا اہتمام کیا گیا جس میں 200 سو سے زیادہ مریضوں کا فری چیک اپ ہوا ان کو میڈیس اور عینکیں بھی فراہم کی گئیں ان مریضوں میں 27 مریض ایسے بھی تھے جن کی آنکھوں میں سفید موتیا کی نشاندہی ہوئی ان کے موقع پر بلڈ سیمپل لئے گئے تاکہ ان کے آپریشن کروائے جائیں ان مریضوں کے پی او بی ٹرسٹ سے فری آپریشن ہونگے ان کو جانے اور آنے کے لئے ٹرانسپورٹ بھی فراہم کی جائے گی کیمپ میں بلڈ شوگر ٹیسٹ بھی فری ہوئے۔ اس کے علاوہ 200 طالبات کا بھی چیک اپ ہوا بہت سی طالبات کی کمزور نظر کی نشاندہی ہوئی جن کو آئی ڈراپ اور ہدایات دی گئیں۔ ایسے مریض جن کے آپریشن ضروری تھے میاں شفاقت صاحب صدر الخیر ٹرسٹ پاکستان نے ان کا ریکارڈ مرتب کیا تاکہ ان کو آپریشن کی اجتماعی سہولت دی جا سکے بلڈ پریشر اور شوگر چیک کرنے کے لئے شیخ غلام مصطفٰی صاحب اور ماسٹر ظفر صاحب نے خصوصی شفقت فرمائی کیمپ کے اختتام پر چوہدری عثمان یوسف کمبوہ نے لذیذ کھانے سے مہمانوں کی تواضع کی۔ اللہ کریم انتظامیہ ڈونر حضرات اور ڈاکٹر صاحبان پی او بی کی اس کاوش کو قبول فرمائے اور جزائے خیر سے نوازے آمین