ڈاکٹر اکرام اللہ خان صافی

18/05/2026

ایک دوست نے واٹس ایپ پر ویڈیو بھیجی اور پوچھا:
“ڈاکٹر صاحب، کیا یہ واقعی درست علاج ہے؟”

حیرت اس بات پر ہوئی کہ تقریباً 10 لاکھ لوگ یہ ویڈیو دیکھ چکے تھے اور ہزاروں لوگ اسے آگے شیئر بھی کر رہے تھے۔ یہی وہ لمحہ ہے جہاں اندازہ ہوتا ہے کہ خیبرپختونخوا میں عطائیت صرف موجود نہیں، بلکہ ایک منظم بازار کی شکل اختیار کر چکی ہے۔

افسوس کی بات یہ ہے کہ دوسری طرف ہیلتھ کیئر کمیشن والے یونیورسٹیوں اور کالجز میں جا کر سیمینارز کر رہے ہیں۔ گزارش صرف اتنی ہے کہ آگاہی مہم ہم پر چھوڑ دیں، آپ وہ کام کریں جو آپ کی اصل ذمہ داری ہے یعنی عطائیوں کے خلاف عملی کارروائی۔

پاکستان میں اس وقت 3 کروڑ سے زائد لوگ ذیابیطس (شوگر) کا شکار ہیں۔ یہ کوئی معمولی تعداد نہیں، بلکہ ایک ہیلتھ ایمرجنسی ہے۔
زیادہ پیشاب آنا ہرگز “کمزوری” کی علامت نہیں ہوتا کہ لوگوں کو طاقت کی گولیاں کھلائی جائیں۔ یہ شوگر، پیشاب کی بیماریوں، یا دیگر میڈیکل مسائل کی علامت بھی ہو سکتی ہے جن کی proper investigation ضروری ہوتی ہے۔

اور سمجھ سے بالاتر بات یہ ہے کہ ایسے مریض کو ٹمسلوسین کس خوشی میں دی جا رہی ہے؟

یہی مسئلہ ہے جب علاج علم کے بجائے یوٹیوب، واٹس ایپ، اور عطائیت کے رحم و کرم پر چھوڑ دیا جائے۔
لوگ بیماری سے کم، غلط علاج سے زیادہ متاثر ہو رہے ہیں۔ ان لوگوں کی وجہ سے آبادی کا ایک بڑا حصہ نہ تشخیص ہونے والے شوگر جیسے مرض کا نقصان خاموشی میں اٹھا رہے ہیں۔

کبھی کبھی لگتا ہے اگر لاشعوروں کے واقعی سینگ نکلتے…
تو شاید اس ملک میں ہر دوسرے شخص کے سر پر سینگ ہوتے۔
خدارا صحت کو مذاق نہ بنائیں۔ اگر یہ اتنا آسان ہوتا تو زندگی کے اتنے قیمتی سال ہم کمروں میں بند رہ کر پڑھائی میں ضائع نہ کرتے ۔

~ڈاکٹر سید شکیل بادشاہ

17/05/2026

او پی ڈی شیڈول اب آپ کے لیے یہاں موجود ہے
اب آپ آسانی سے معلوم کر سکتے ہیں کہ کون سا ڈاکٹر کس دن او پی ڈی میں دستیاب ہوگا۔
• ڈاکٹر کا نام تلاش کریں
• متعلقہ شعبہ دیکھیں
• او پی ڈی کے دن اور اوقات معلوم کریں
یہ سہولت مریضوں کو بروقت اور آسان رہنمائی فراہم کرنے کے لیے متعارف کرائی گئی ہے۔
ایم ٹی آئی حیات آباد میڈیکل کمپلیکس پشاور
میڈیا سیل

05/05/2026

ینگ ڈاکٹرز ایسوسیشن کی کاوشوں سے ایبٹ اباد کے پسماندہ علاقہ شیروان میں فری میڈیکل کیمپ کا انعقاد کیا گیا ۔

15/02/2026

14/02/2026

Cystic Hygroma : Brilliantly transilluminent : Excised completely

26/12/2025

مرتضیٰ برہانی صاحب نے174ویں بار خون کا عطیہ دیا.

خون دینا زندگی دینے کے مترادف ہے، اور مرتضیٰ برہانی صاحب اس مشن میں مثالی کردار ادا کر رہے ہیں۔ انہوں نے اب تک 174 بار خون کا عطیہ دے کر بے شمار زندگیاں بچانے میں اپنا حصہ ڈالا ہے۔ یہ ایک عظیم انسانی خدمت ہے جو دوسروں کے لیے حوصلہ افزا مثال بنتی ہے۔

💉

13/12/2025

🦠 Monkeypox (مونکی پاکس) Awareness 🦠

Brief Introduction / مختصر تعارف:
Monkeypox ایک viral infection ہے جو Orthopoxvirus کے سبب ہوتا ہے۔ یہ بندروں (monkeys) سے انسان میں منتقل ہوسکتا ہے اور human-to-human transmission بھی ممکن ہے۔ WHO کے مطابق زیادہ تر کیسز ہلکے ہوتے ہیں، لیکن کچھ میں complications بھی ہو سکتی ہیں۔

Symptoms / علامات:

Fever (بخار) اور chills (سردی لگنا)

Fatigue (تھکن) اور muscle aches (پٹھوں میں درد)

Headache (سر درد) اور sore throat (گلے میں درد)

Rash / skin lesions (چہرہ، ہاتھ اور پاؤں پر چھالے یا دانے)

Swollen lymph nodes (لمف نوڈز کی سوجن)

Diagnosis / تشخیص:

Clinical evaluation: ڈاکٹر علامات اور rash pattern دیکھ کر suspect کرتے ہیں

Laboratory tests: PCR یا viral DNA testing چھالوں یا خون سے confirm کرتی ہے

Transmission / پھیلاؤ کے طریقے:

Direct contact with lesions (چھالوں یا جلد کے زخموں سے)

Body fluids یا contaminated objects (اشیاء اور کپڑوں کے ذریعے)

Close respiratory contact (قریب رہ کر سانس کے ذریعے)

Management / علاج:

Mostly supportive care (بنیادی دیکھ بھال)

Antipyretics & pain relief (بخار اور درد کے لیے)

Maintain hydration and rest (پانی اور آرام)

Keep lesions clean & dry (چھالوں کو صاف اور خشک رکھیں)

Antivirals like Tecovirimat may be used in severe cases (صرف شدید کیسز میں)

Complications / پیچیدگیاں:

Secondary bacterial infections

Pneumonia, encephalitis (rare)

Severe rash or scarring

Care after Diagnosis / تشخیص کے بعد احتیاط:

Isolate patient (متاثرہ شخص کو الگ رکھیں)

Frequent hand hygiene (ہاتھ بار بار دھونا)

Avoid sharing personal items

Follow doctor’s instructions strictly

Key Message / اہم پیغام:
Early recognition and isolation are crucial. اگر جلد پر unusual rash یا دیگر علامات ظاہر ہوں تو فوراً doctor سے رابطہ کریں۔ Hygiene اور distancing سب سے مؤثر preventive measures ہیں۔

02/11/2025

❣️جن پر فرشتے بھی رشک کرتے ہیں۔
یہ محترمہ لعل ہے جو وادی ہنزہ کے دور دراز گاؤں شیشمل کی واحد ڈاکٹر، نرس، دائی، ڈسپنسر، ویکسینیٹر اور مشیر صحت ہے. گاؤں میں کسی کو میڈیکل ایمرجنسی ہو تو لعل چوبیس گھنٹے حاضر ہوتی ہے پچھلے اٹھائیس سالوں میں ہر بچہ اسکے ہاتھوں پیدا ہوا ، جب کسی کو گلگت کے زچہ بچہ ہسپتال لے جانا ہو تو محترمہ لعل ہمیشہ مریض کے ساتھ جاتی ہے اور یہ راستہ فور بائی فور جیپ پر دس گھنٹے میں طے ہوتا ہے -
اس گاؤں میں پچھلے اٹھائیس سالوں میں کوئی خاتون دوران زچگی فوت نہیں ہوئی. لعل کو صرف یہ خوف رہتا ہے کہ جب کسی مریض کے ساتھ شہر گئی ہوئی ہو تو پیچھے گاؤں میں کوئی ایمرجنسی نا ہو جائے وہ کہتی ہے کہ الله نے اس گاؤں کی ساری ذمہ داری اس پر جو ڈالی ہوئی ہے --
اس با ہمت بہن کو پوری قوم کا سلام🇵🇰🥀🌹🍁🍁

26/10/2025

گلے کی سوزش، نزلہ اور کھانسی آج کل بہت عام ہے اوع ہر دوسرا شخص ان علامات کا سامنا کر رہا ہے۔
ایک بہت اہم سوال یہ ہے کہ ایسی صورت میں اینٹی بایوٹکس کب استعمال کی جائیں۔
آپ سب بخوبی جانتے ہیں کہ پاکستان جیسے ممالک میں اینٹی بایوٹکس کا غلط استعمال اور ضرورت سے زیادہ استعمال عام ہے، جس سے اینٹی بایوٹکس کی مزاحمت پیدا ہو رہی ہے، جو کہ ایک بہت خطرناک حالت ہے، کیونکہ ضرورت پڑنے پر یہ اینٹی بایوٹکس جراثیموں پر کام نہیں کریں گے۔
اس پوسٹ میں ہم دیکھیں گے کہ ہمیں گلے کی سوزش کے دوران اینٹی بایوٹکس کب استعمال کرنی چاہیے۔
گلے کی خرابی کے بیشتر کیسز وائرس کی وجہ سے ہوتے ہیں اور وائرس کے حملے میں اینٹی بایوٹکس جیسے ازو میکس، آگمینٹین، کیلا موکس، کلیری سیڈ کا کوئی فائدہ نہیں ہوتا ،بلکہ الٹا سائیڈ ایفیکٹس بھی ہو سکتے ہیں۔ اس لیے عام عوام اور ڈاکٹروں دونوں کے لیے یہ جاننا بہت ضروری ہے کہ اینٹی بایوٹکس کا استعمال کب کرناچاہیے۔
آئیے ہم وائرل اور بیکٹریل انفیکشن کے فرق کو علامات سے سمجھتے ہیں۔
یادرہے !اینٹی بائیوٹک صرف بیکٹریل انفیکشن میں دی جا سکتی ہیں۔
وائرس کی وجہ سے گلے کی سوزش کی علامات :
۔بخار کا نہ ہونا یا کم درجے کا بخار ہوتا ہے
۔گردن میں لیمف نوڈز سوجے ہوئے نہیں ہوتے
۔گلے میں دیکھنے پر صرف سرخی نظر آتی ہے، پیپ جیسا پیلا مواد نظر نہیں آتا، ٹانسلز عام طور پر نارمل ہوتے ہیں
۔نزلہ
۔چھینکیں
۔آنکھوں کی سوزش
ایسی صورت میں اینٹی بایوٹکس کی ضرورت نہیں ہے، بس پیناڈوال استعمال کریں، شہد، جڑی ،ہربل چائے، نمک کے پانی سے غرارے، شربت توت سیاہ، لوزنجیز وغیرہ سے گلے کو سکون دیں۔ آرام کریں اور مناسب مقدار میں پانی پئیں۔ آپ ایک ہفتے میں ٹھیک ہو جائیں گے۔
دوسری طرف، اگر آپ کو گلا خراب ہو اور ساتھ یہ علامات ہوں:
۔تیز بخار
۔گردن میں میں گلیٹیاں محسوس ہو اور ان میں درد بھی ہو
۔گلے میں اندر دیکھنے پر پیپ جیسا پیلا مواد نظر آئے، ٹانسلز کا سائز بڑھا ہواہو
۔نزلہ، چھینکیں یا آنکھوں کی سوزش نہ ہو
تو یہ بیکٹیریا کی وجہ سے گلے کی سوزش کی علامات ہیں اور ایسی صورت میں آپ کو اینٹی بایوٹکس کی کورس کی ضرورت ہے۔
اس پوسٹ کو دوسروں کے ساتھ بھی شیئر کریں۔

18/10/2025

👺 وہ جو ہم چنوں کی طرح antibiotics چھینک آنے پر بھی کھا لیتے ہیں ۔۔۔ اس کا نتیجہ یہ ہوا ہے کہ اب نمونیا، ٹائیفائڈ اور sepsis کے بعد پیشاب کے انفکشن میں بھی عام انٹیباؤٹکس کام نہیں کر رہیں 👺

🛑کراچی، لاہور اور پشاور کے Tertiary نگہداشت کے اسپتال پہلے ہی ٹائیفائیڈ، پیشاب کی نالی کے انفیکشن اور نمونیا کے علاج میں سیفٹریاکسون اور سیپروفلوکسین کی ناکامی کی اطلاع دے رہے ہیں۔
Klebsiella pneumoniae اور E. coli🛑
کے آدھے سے زیادہ strains جو پیٹ اور پیشاب کے انفیکشن سے منسلک ہوتے ہیں ۔۔۔اب تیسری نسل کے Cephalosporin بھی اُن پر اثر انداز نہیں ہو رہے ⬅️، جس کی وجہ سے بالکل آخری ٹائپ جو کہ صرف انجیکشن کی شکل میں ہوتے ہیں ⬅️ اُن کی طرف شفٹ ہونا پڑتا ہے

🛑راولپنڈی اور کراچی میں نوزائیدہ بچوں کے وارڈوں کی رپورٹ ہے کہ sepsis کے ساتھ داخل ہونے والے premature بچوں کو اب فرسٹ لائن تھراپی کے طور پر تیسری جنریشن کی دوائیوں پر شروع کیا جا رہا ہے ۔۔۔۔کیونکہ معمول کی اینٹی بائیوٹکس اب کام نہیں کرتیں۔
🛑خواتین میں ڈیلیوری کے بعد انفیکشن بھی ختم ہونے میں زیادہ وقت لے رہے ہیں، جس سے صحت یابی کا وقت اور علاج کی لاگت دونوں میں اضافہ ہوتا ہے۔

🛑متعدی امراض کے کنسلٹنٹ ڈاکٹر فیصل محمود نے کہا کہ یہ بحران اس لئے پیدا ہوا ہے کہ antibiotics بغیر کسی پابندی کے over the counter فروخت ہو رہی ہے۔
🛑"یہ بنیادی مسئلہ ہے۔قانون موجود ہے مگر لاگو نہیں ہوتا 🛑