13/06/2026
کتے کے کاٹنے کو معمولی بات نہ سمجھیں، کیونکہ کتے کے کاٹنے سے ریبیز وائرس ہونے کا خدشہ ہو سکتا ہے، اور ریبیز ایک جان لیوا بیماری ہے۔
اگر کسی شخص کو کتا کاٹ لے تو پریشان نہ ہوں۔ فوری طور پر زخم کو کم از کم 20 منٹ تک صاف پانی اور عام صابن سے اچھی طرح دھوئیں۔ زخم دھونے کے بعد فوراً قریبی اسپتال یا اینٹی ریبیز یونٹ جائیں اور ڈاکٹر کے مشورے کے مطابق اینٹی ریبیز ویکسین لگوائیں۔
سندھ حکومت نے عوام کی سہولت کے لیے صوبے بھر میں 278 اینٹی ریبیز یونٹس قائم کیے ہیں، جن میں سے 112 ریفرل سینٹرز ہیں، جہاں سنجیدہ مریضوں کا علاج بھی کیا جائے گا۔
اپنے قریبی اینٹی ریبیز یونٹ یا ریفرل سینٹر کی معلومات کے لیے ریسکیو 1122 پر رابطہ کریں یا اس ویب سائٹ پر سرچ کریں: https://sindharv.com/
یاد رکھیں: بروقت زخم دھونا، طبی مرکز پہنچنا اور ویکسین لگوانا زندگی بچا سکتا ہے۔
