18/06/2026
ایم ٹی آئی (میڈیکل ٹیچنگ انسٹی ٹیوشنز) پالیسی بورڈ اور ایٹا کے درمیان مفاہمتی یادداشت (MoU) پر دستخط!
دسمبر 2025 میں صوبائی حکومت کی جانب سے جاری کردہ پالیسی کے مطابق بعض سرکاری اداروں میں مخصوص آسامیوں پر بھرتیوں کے عمل کو مزید شفاف اور میرٹ پر مبنی بنانے کے لیے ایجوکیشنل ٹیسٹنگ اینڈ ایویلیوایشن ایجنسی (ETEA) کا کردار متعین کیا گیا تھا۔
اسی سلسلے میں آج چیئرمین پالیسی بورڈ ایم ٹی آئی خیبرپختونخوا، پروفیسر ڈاکٹر نوشیروان خان برکی، اور ایٹا کے ایگزیکٹو ڈائریکر، عادل صافی، کے درمیان ایک مفاہمتی یادداشت (MoU) پر دستخط کیے گئے۔
اس موقع پر ڈاکٹر مُدیر خان وزیر بھی موجود تھے۔
اس معاہدے کے تحت ایم ٹی آئیز میں منتخب نان کلینیکل، انتظامی، کلریکل، معاون تکنیکی (Lower Technical) اور پیرا میڈیکل/الائیڈ ہیلتھ پروفیشنلز کی بعض کیٹیگریز میں بھرتیاں ایٹا کے ذریعے عمل میں لائی جائیں گی۔
واضح رہے کہ ڈاکٹرز، نرسنگ اسٹاف، ڈائریکٹرز، مینیجرز اور دیگر اعلیٰ تخصصی و کلینیکل آسامیوں کی بھرتیاں متعلقہ ایم ٹی آئیز اپنے قواعد و ضوابط کے مطابق براہِ راست انجام دیں گی، جیسا کہ متفقہ درجہ بندی میں طے کیا گیا ہے۔
اس اقدام کا مقصد متعلقہ آسامیوں پر بھرتیوں کے عمل میں شفافیت، میرٹ کی بالادستی، یکسانیت اور انتظامی کارکردگی کو مزید مضبوط بنانا ہے، جبکہ طبی خدمات کی فوری ضروریات اور خصوصی نوعیت کے پیش نظر بعض کلینیکل اور اعلیٰ تخصصی آسامیوں کو اس نظام سے مستثنیٰ رکھا گیا ہے۔
یہ مفاہمت ایم ٹی آئیز اور ایٹا کے درمیان ایک مؤثر اشتراک کی بنیاد فراہم کرے گی، جس سے نان کلینیکل اور معاون تکنیکی آسامیوں پر بھرتیوں کا عمل مزید شفاف، منصفانہ اور قابلِ اعتماد بنایا جا سکے گا۔
