YDA Balochistan

20/06/2026

20/06/2026

نیشنل پارٹی کے مرکزی سیکرٹری جنرل میر کبیر احمد محمد شہی اپنے وفد کے ہمراہ سول ہسپتال کوئٹہ میں ینگ ڈاکٹرز ایسوسی ایشن بلوچستان کے ڈاکٹر ماہ نور ناصر یکجہتی کیمپ آمد
جہاں انہوں نے ڈاکٹر ماہ نور ناصر پر تیزاب حملے کی شدید مذمت کرتے ہوئے متاثرہ ڈاکٹر اور طبی برادری سے مکمل یکجہتی کا اظہار کیا اور ینگ ڈاکٹرز ایسوسی ایشن بلوچستان کے جائز مطالبات کی بھرپور حمایت کا اعلان کیا۔

20/06/2026

پریس ریلیز
20 جون 2026

ینگ ڈاکٹرز ایسوسی ایشن بلوچستان کا مرکزی کابینہ اور سپریم کونسل کا مشترکہ اجلاس صدر ڈاکٹر حئی بلوچ کی قیادت میں منعقد ہوا، جس میں ڈاکٹر ماہ نور ناصر پر تیزاب گردی کے دلخراش واقعے کے خلاف جاری احتجاجی تحریک، صوبے بھر کی صورتحال اور آئندہ لائحہ عمل کا تفصیلی جائزہ لیا گیا۔ ترجمان

کوئٹہ : اجلاس کے شرکاء نے اس بات پر زور دیا کہ حکومتی بے حسی اور غیر سنجیدہ رویے نے ڈاکٹرز کے تحفظات کو مزید گہرا کر دیا ہے۔ اس موقع پر یہ بھی واضح کیا گیا کہ حکومت بلوچستان کی جانب سے محکمہ صحت کو ترجیحات میں شامل نہ کرنے کے باعث طبی عملہ شدید عدم تحفظ اور اضطراب کا شکار ہے۔
واضح رہے کہ کوئٹہ سمیت صوبہ بھر میں او پی ڈیز کی مکمل بندش جاری ہے، جبکہ سول ہسپتال کوئٹہ میں ڈاکٹر ماہ نور ناصر کے ساتھ اظہارِ یکجہتی کے لیے قائم احتجاجی کیمپ بھی مسلسل فعال ہے۔

اجلاس میں متفقہ طور پر اس عزم کا اعادہ کیا گیا کہ ڈاکٹرز کے مطالبات کی منظوری تک احتجاجی تحریک ہر صورت جاری رہے گی اور کسی بھی دباؤ یا حکومتی غفلت کے سامنے خاموشی اختیار نہیں کی جائے گی۔

ینگ ڈاکٹرز ایسوسی ایشن بلوچستان حکومت بلوچستان سے مطالبہ کرتی ہے کہ:

* سیکریٹری ہیلتھ بلوچستان اور ایم ایس سول ہسپتال کو فوری طور پر عہدوں سے برطرف کیا جائے اور ڈاکٹر ماہ نور ناصر پر حملے کی شفاف، غیر جانبدار اور بااختیار تحقیقات کے لیے جوڈیشل کمیشن تشکیل دیا جائے۔
*
* ڈاکٹروں اور دیگر طبی عملے کے تحفظ کو یقینی بنانے کے لیے ڈاکٹرز سیکیورٹی ایکٹ فوری طور پر نافذ کیا جائے۔

اجلاس میں آئندہ احتجاجی حکمت عملی کے تحت درج ذیل فیصلے کیے گئے:

* 29 جون بروز سوموار گرینڈ ڈاکٹرز کانفرنس منعقد کی جائے گی جس میں صوبے بھر کے ڈاکٹرز، طبی تنظیمیں اور نمائندگان شرکت کریں گے۔
* 30 جون بروز منگل سول ہسپتال کوئٹہ سے ایک عظیم الشان احتجاجی ریلی نکالی جائے گی، اور اسی روز صوبہ بھر کے تمام سرکاری ہسپتالوں میں احتجاجی مظاہرے کئے جائیں گے ۔

ینگ ڈاکٹرز ایسوسی ایشن بلوچستان واضح کرتی ہے کہ ڈاکٹرز کے تحفظ، انصاف کی فراہمی اور اپنے مطالبات کی منظوری تک یہ جدوجہد ہر سطح پر بھرپور اور منظم انداز میں جاری رکھی جائے گی۔

ڈاکٹر ثناء اللہ بلوچ
ترجمان
ینگ ڈاکٹرز ایسوسی ایشن بلوچستان

20/06/2026

ینگ ڈاکٹرز ایسوسی ایشن بلوچستان کی جانب سے ڈاکٹر ماہ نور ناصر کے ساتھ اظہارِ یکجہتی کے لیے قائم یکجہتی کیمپ اور صوبہ بھر میں احتجاج آج چودہویں روز بھی جاری ہے۔
صوبے بھر کے سرکاری ہسپتالوں میں او پی ڈیز سے دستبرداری کا سلسلہ بدستور برقرار ہے۔

19/06/2026

ینگ ڈاکٹرز ایسوسی ایشن بلوچستان کی جانب سے ڈاکٹر ماہ نور ناصر کے ساتھ اظہارِ یکجہتی کے لیے قائم یکجہتی کیمپ اور صوبہ بھر میں احتجاج آج تیرہ روز بھی جاری ہے۔
او پی ڈیز سے دستبرداری کا سلسلہ برقرار ہے۔
مطالبات کی منظوری تک جدوجہد جاری رہے گی۔

19/06/2026

ڈاکٹر ماہ نور ناصر یکجہتی ریلی

18/06/2026

Dr Muzamil Panazai
Please listen to him , about the pathetic conditions of Government hospitals and the Doctors working in the pertinent government Hospitals