23/06/2026
اللہ تعالیٰ اس معصوم بچی کی مغفرت فرمائے، اس کے والدین کو صبرِ جمیل عطا کرے، اور ایسے درندہ صفت مجرموں کو عبرتناک انجام تک پہنچائے۔
سرگودھا آج سوگ میں ہے...
ایک معصوم 7 سالہ بچی کے ساتھ ظلم، زیادتی اور پھر بے دردی سے قتل کا واقعہ صرف ایک خاندان کا نہیں بلکہ پوری انسانیت کا زخم ہے۔ ایسے درندہ صفت لوگ کسی رعایت کے مستحق نہیں۔ جو ہاتھ بچوں کی معصومیت چھینتے ہیں، جو زندگیاں برباد کرتے ہیں، وہ انسان کہلانے کے حق دار نہیں۔
ہم سب کی ذمہ داری ہے کہ اپنے بچوں کی حفاظت کریں، ان کی بات سنیں، انہیں اچھے اور برے لمس کے بارے میں آگاہ کریں، اور ایسے جرائم کے خلاف خاموشی توڑیں۔ خاموشی مجرموں کو طاقت دیتی ہے جبکہ آواز اٹھانا انصاف کی پہلی سیڑھی ہے۔
آج سرگودھا کے ہر باسی کو اس ظلم کے خلاف متحد ہونا ہوگا۔ ہم مطالبہ کرتے ہیں کہ مجرم کو فوری گرفتار کر کے سخت ترین سزا دی جائے تاکہ آئندہ کوئی درندہ کسی معصوم کی زندگی سے کھیلنے کی جرأت نہ کر سکے۔
معصوم بچوں کا تحفظ ہم سب کی اجتماعی ذمہ داری ہے۔
اللہ پاک ہمارے تمام بچوں کو اپنی حفظ و امان میں رکھے۔ آمین۔ 🤲🏻💔
