غریب ھمدرد دواخانہ

19/07/2026

26/06/2026

درج ذیل امراض کے شکار افراد یہ غذائیں استعمال نہ کریں
#بواسیر والے
#خارش والے
#دائمی قبض والے
#یورک ایسڈ کے مریض
#کولیسٹرول
#معدی شوگر
#تیزابیت
#السرمعدہ
#نیند نہ آنا
#حیض کی زیادتی
#فیبرائیڈرسولیاں
#کینسر

26/06/2026

90٪ لوگ میتھی کو صرف سبزی سمجھتے ہیں، لیکن اس کے دوائی اثرات حیران کن ہیں!
کیا آپ جانتے ہیں کہ میتھی کے بیج جسم کی کمزوری، شوگر اور کولیسٹرول پر بھی اثر انداز ہوتے ہیں؟

میتھی (Fenugreek) – دواء و غذاء

میتھی (Trigonella foenum-graecum) ایک مشہور سبزی اور طبی پودا ہے۔ قانون مفرد اعضاء کے مطابق اس کا مزاج گرم خشک ہے۔ حالت صحت میں تقریباً ہر مزاج کا شخص اعتدال کے ساتھ استعمال کر سکتا ہے، جبکہ حالت مرض میں غدی عضلاتی مزاج کے افراد کے لیے احتیاط بہتر ہے۔ اعصابی اور عضلاتی مزاج کے افراد کے لیے اس کے پتے اور بیج بطور غذا و دوا مفید سمجھے جاتے ہیں۔

کیمیائی تجزیہ (Chemical Composition)

میتھی کے بیجوں میں درج ذیل اہم اجزاء پائے جاتے ہیں:

● فلیوونائڈز (Flavonoids)

طاقتور اینٹی آکسیڈنٹ جو خلیات کو نقصان سے بچاتے ہیں۔

● سیپوننز (Saponins)

کولیسٹرول کے توازن اور ہاضمہ کی بہتری میں معاون۔

● ٹریگونیلین (Trigonelline)

اعصابی نظام اور شوگر کے میٹابولزم میں اہم کردار ادا کرتا ہے۔

● گلیکٹومینن فائبر (Galactomannan)

حل پذیر فائبر جو شوگر اور کولیسٹرول کے جذب کو سست کرتا ہے۔

● ڈائیوسجینن (Diosgenin)

ایک قدرتی مرکب جو ہارمونل توازن اور سوزش میں مفید سمجھا جاتا ہے۔

● پروٹین اور امائنو ایسڈز

خصوصاً 4-Hydroxyisoleucine جو انسولین کے افعال میں معاون سمجھا جاتا ہے۔

---

میتھی میں موجود حیاتین (Vitamins)

✅ وٹامن A
✅ وٹامن C
✅ وٹامن K
✅ وٹامن B1 (تھیامین)
✅ وٹامن B2 (رائبوفلیون)
✅ وٹامن B3 (نیاسین)
✅ وٹامن B6
✅ فولیٹ (Vitamin B9)

---

اہم معدنیات (Minerals)

✔ آئرن (Iron)
✔ کیلشیم (Calcium)
✔ میگنیشیم (Magnesium)
✔ پوٹاشیم (Potassium)
✔ فاسفورس (Phosphorus)
✔ زنک (Zinc)
✔ مینگنیز (Manganese)
✔ کاپر (Copper)

#طبی فوائد

1. نظام ہضم کو مضبوط کرتی ہے

میتھی بھوک بڑھاتی، گیس، اپھارہ اور بدہضمی میں مفید سمجھی جاتی ہے۔

2. شوگر کے توازن میں معاون

اس میں موجود فائبر اور 4-Hydroxyisoleucine گلوکوز کے میٹابولزم میں مددگار سمجھے جاتے ہیں۔

3. کولیسٹرول کے توازن میں مدد

سیپوننز اور فائبر LDL کولیسٹرول کو کم کرنے میں معاون ہو سکتے ہیں۔

4. دل کی صحت کے لیے مفید

پوٹاشیم اور اینٹی آکسیڈنٹس قلبی نظام کو سہارا دیتے ہیں۔

5. اعصابی کمزوری میں فائدہ

وٹامن B کمپلیکس اور معدنیات اعصابی نظام کی کارکردگی کو بہتر بنانے میں مدد دیتے ہیں۔

6. جسمانی کمزوری اور نقاہت میں مفید

پروٹین، آئرن اور معدنیات جسمانی طاقت اور خون سازی میں معاون ہیں۔

7. جوڑوں اور سوزش میں فائدہ

اس کے اینٹی آکسیڈنٹ اور سوزش کم کرنے والے اجزاء جسم کے مختلف حصوں میں سوزش کے اثرات کم کرنے میں مددگار سمجھے جاتے ہیں۔

8. قبض اور آنتوں کی صحت

حل پذیر فائبر آنتوں کی حرکت کو بہتر بناتا اور قبض میں مدد دیتا ہے۔

9. بالوں اور جلد کے لیے مفید

وٹامنز، زنک اور اینٹی آکسیڈنٹس جلد اور بالوں کی صحت برقرار رکھنے میں کردار ادا کرتے ہیں۔

10. عمومی قوت اور توانائی میں اضافہ

میتھی ایک مکمل غذائی پودا ہے جو جسم کو مختلف ضروری غذائی اجزاء فراہم کرتا ہے۔

احتیاط
حاملہ خواتین، شوگر کی دوائیں یا خون پتلا کرنے والی ادویات استعمال کرنے والے افراد میتھی کا زیادہ مقدار میں استعمال کرنے سے پہلے اپنے معالج سے مشورہ کریں۔

کسی بھی بیماری کے علاج کے لیے صرف میتھی پر انحصار مناسب نہیں، بلکہ معالج کی ہدایات کے مطابق علاج ضروری ہے۔

اختتامی جملہ

میتھی صرف ایک عام سبزی نہیں بلکہ قدرت کا ایک ایسا خزانہ ہے جس کے پتے اور بیج غذائیت، قوت اور متعدد طبی فوائد سے بھرپور ہیں، اسی لیے اسے بجا طور پر "غذا بھی، دوا بھی" کہا جاتا ہے۔

#بہترین ہوم ریمیڈیز
1.برگ میتھی پودینہ سنڈھ برابر وزن لے کر سفوف بنالیں
2گرام دن میں تین بار استعمال کریں
گیس قبض تیزابیت شوگر معدی جوڑوں کے عضلاتی دردوں میں مفید ہے

2. #میتھی دانہ
حسب ضرورت تازہ عمدہ لیکر سفوف بنالیں اور آدھی چمچ چاے والی دن میں تین بار استعمال کریں
یورک ایسڈ کی زیادتی ،کولیسٹرول پتہ میں پتھری فیبرائیڈ رسولیاں خواتین میں ہارمونز کی خرابیاں فیٹی لیور میں مفید ہے

16/06/2026

ماہرینِ طب نے نوجوانوں میں دل کے دورے پڑنے کے بڑھتے ہوئے کیسز کی ایک حیران کن وجہ تلاش کر لی ہے جس کا تعلق براہِ راست طرزِ زندگی اور نیند سے ہے۔
فن لینڈ کی اولو یونیورسٹی کی حالیہ تحقیق سے یہ بات سامنے آئی ہے کہ مکمل نیند نہ لینا اور وقت پر نہ سونے کی عادت دل کے امراض میں اضافے کا بنیادی سبب بن رہی ہے۔
اس تحقیق کے دوران محققین نے 10 سال سے زائد عرصے تک ہزاروں افراد کا مشاہدہ کیا جس کے نتائج بتاتے ہیں کہ جو لوگ روزانہ 8 گھنٹے سے کم نیند لیتے ہیں یا رات دیر تک جاگنے کے عادی ہیں، ان میں دل کے دورے اور فالج کا خطرہ دیگر افراد کے مقابلے میں دگنا ہو جاتا ہے۔
ماہرین کا کہنا ہے کہ جیسے جیسے جدید زندگی میں صحت مند عادات سے دوری بڑھ رہی ہے، ویسے ہی ہائی بلڈ پریشر، ذیابیطس اور امراضِ قلب جیسی بیماریاں اب صرف بڑھاپے تک محدود نہیں رہیں بلکہ نوجوانوں کو بھی تیزی سے اپنی لپیٹ میں لے رہی ہیں۔
تحقیق کے مطابق، تاخیر سے سونے اور نیند کی کمی کی وجہ سے انسانی جسم کے مدافعتی اور قلبی نظام پر منفی اثرات مرتب ہوتے ہیں جو بالآخر جان لیوا ثابت ہو سکتے ہیں۔
اس خطرناک صورتحال سے بچنے کے لیے ماہرینِ قلب نے مشورہ دیا ہے کہ نوجوان اپنی سونے اور جاگنے کی روٹین کو باقاعدہ بنائیں۔ پرسکون اور بہتر نیند کے لیے ضروری ہے کہ سونے سے کم از کم ایک گھنٹہ پہلے موبائل فون، لیپ ٹاپ اور دیگر اسکرینز کا استعمال ترک کر دیا جائے۔
اس کے علاوہ، شام چار بجے کے بعد چائے اور کافی سے پرہیز سمیت رات کے کھانے میں مرچ مصالحے اور تلی ہوئی اشیاء کا استعمال کم کر کے دل کے دورے کے خطرات کو نمایاں طور پر کم کیا جا سکتا ہے۔

02/06/2026

مکو ( عنب الثعلب)
قدرتی طور پر افریقہ میں پایا جاتا ہے اور اسے نمونیا، دانتوں میں درد، پیٹ میں درد، سوزش، بخار اور ٹیومر کے علاج
کے لیے خوراک کے ساتھ ساتھ دواؤں کے پودے کے طور پر بھی استعمال کیا جاتا ہے ۔
مختلف نام
اردو: عنب الثعلب
پنجابی۔ وہریانوی کاچ ماچ
مرہٹی : کاموتی
گجراتی: پی کوڈو
بنگالی : کاک ماچھی
عربی: عنب الثعلب
مقام پیدائش
مکو کی دو قسمیں ہیں ۔ تمام ہندوستان، بنگلہ دیش، پاکستان اور سری لنکا میں پیدا ہوتی ہیں ۔
شناخت
اس کا پودا زمین سے لگ بھگ ایک فٹ بلند ہوتا ہے ۔ شاخیں بکثرت ہوتی ہیں۔ پھول سفید ہوتے ہیں اور ان کے جھڑ جانے کے بعد چھوٹے چھوٹے انگوروں کی شکل کے نخود کے برابر پھل لگتے ہیں ۔ یہ پھل شروع میں ہرے ہوتے ہیں اور پک کر زرد سرخی مائل ہو جاتے ہیں، اور ان میں کچھ مٹھاس آجاتی ہے۔ اس کی بعض قسمیں افیون کی طرح عضو کو سن اور بے حس کر دیتی ہیں ۔

مکو سے تیار ہونے والے کشتہ جات

کشتہ قلعی
قلعی ایک تولہ کٹھالی میں آگ پر پکھلا کر چند بار مکو کے رس میں پکائیں، پھر اس کو پگھلا کر برابر شدھ پارہ ملائیں، گرہ بن جائے گی، اس کو پیس کر باریک کریں ۔ اب مکو کے خشک پتے آدھ پاؤ پیس کر اس میں سے آدھا حصہ ایک ٹھیکرے پر بچھائیں اور اس پر قلعی کے سفوف کی ایک ایک چٹکی الگ الگ رکھتے جائیں، اس کے اوپر باقی نصف سفوف بطور لحاف رکھ کر اوپر دوسرا ٹھیکرا رکھیں ۔ اور اس کو دس سیر اپلوں کے درمیان آگ دیں ۔ سرد ہونے پر نکالیں ۔ قلعی شگفتہ ہو گی پیس کر رکھ لیں یہ کشتہ امراض معدہ و جگر کے لیے مفید ہے، کثرت اختلام اور جریان کے مفید ہے ۔
مقدار خوراک:
ایک رتی صبح اور ایک رتی شام مکھن میں ملاکر استعمال کریں

کشتہ عقیق
عقیق کا نگینہ بقدر ایک تولہ لے کر اس پر افیون تین ماشہ ، آب برگ مکو سے سحق کر کے لیپ کریں ۔ جب خشک ہو جائے تو اس کو مکو کے ایک پاؤنغدہ کے درمیان گل حکمت کر کے پندرہ سیر اپلوں کی آگ دیں، پھر اس کو نکال کر کھرل میں باریک پیس کر اور مکو کے مروق عرق سے چار پہر کھرل کر کے اس کی ٹکیاں بنا لیں ۔ جب خشک ہو جائے تو مٹی کے بوتہ میں رکھ کر دس پندرہ سیر اپلوں کی آگ دیں ۔
تین چار مرتبہ یہ عمل کرنے سے عقیق نہایت عمدہ و نفیس کشتہ ہو جاتا ہے۔ اسے عرق بید مشک دس تولہ ، عرق گلاب دس تولہ سے کھرل کر کے خشک ہونے کے بعد شیشی میں محفوظ رکھیں۔

فوائد:
یہ کشتہ دل و دماغ کو طاقت دیتا ہے ۔ پھیپھڑے سے خون آنے اور بواسیر خونی کے لیے مفید ہے ۔ امراض جگر اور امراض معدہ میں
مفید ہے ۔
مقدار خوراک:
ایک رتی مکھن یا بالائی میں استعمال کریں

مکو کے مرکبات
آب مکو
مکو کا تمام پودا معہ جزا و پتے ٹکڑے ٹکڑے کر کے پانی کے ساتھ جوش دیں ۔ جب اس کے اجزاء گل جائیں تو اتار کر خوب ملیں اور صاف کر لیں ۔ اس صاف شدہ رس کو نرم آگ پر پکائیں ۔ ایک قسم کا گاڑھا سا رب تیار ہو گا۔ بقدر ایک ماشہ دیں، تمام ورم اندرونی بیرونی میں مفید ہے ۔ پیشاب کی نالی کی سوجن میں بھی مفید ہے ۔ ورم جگر، یرقان، سوالقینہ اور استسقاء میں بہت مفید ہے ۔

نمک مکو
مکو کے پودوں کو دھوپ میں خشک کر کے آگ سے جلالیں اور ناکستر کو پانی میں ترکر کے تین دن بعد اس کا زلال لیں اور کڑاہی میں پکا کر نمک بنائیں ۔ یہ نمک بھوک لگاتا ہے، ہاضم ہے، امراض جگر و مثانہ کے لیے مفید ہے، پیشاب کھولتا ہے،
مقدار خوراک : دو سے تین رتی تک ۔

عرق مکو
مکو ایک پاؤ، شاہترہ آدھ پاؤ، بیج کاسنی پانچ تولہ ملا کر سب کا تین بوتل عرق نکالیں ۔ یہ عرق مصفیٰ خون ہے جلدی حرارت کو از حد مفید
ہے ۔
مقدار خوراک: سات سے آٹھ تولہ تک استعمال کریں

شربت مکو
مکو پختہ کو سب اجزاء کے ساتھ کونڈے میں پیس کر اس کا خالص رس نکالیں اور نرم آگ پر جوش دیں ۔ اس سے یہ عرق پھٹ جائے گا اور صاف پانی جدا ہو جائے گا۔ صاف پانی لے کر اس کے دو چند مصری کے ساتھ قوام تیار کریں ۔ یہ شربت اندرونی و بیرونی ورموں کو تحلیل کرتا ہے، صفرا کو بذریعہ اسهال باہر نکالتا ہے ۔ یرقان اور استسقاء میں مفید ہے ۔ ورم جگر اور جگر بڑھ جانے میں ازحد مفید ہے،
مقدار خوراک: دو تولہ صبح اور دو تولہ شام ہمراہ مناسب عرق استعمال کریں

مزاج
مکو کا مزاج دوسرے درجہ میں سرد و خشک ہے، بعض اسے گرم و خشک مانتے ہیں ۔ امراض چشم میں اس کا رس آنکھوں میں لگانے سے نظر تیز ہوتی ہے ۔ اس کے پتوں کا رس آنکھ کے گوشہ کے ناسور میں بہت مفید ہے ۔ اس کے پتوں کو چبانے سے منہ کے چھالے دور ہو جاتے ہیں، اس کے رس کے غرارہ کرنے سے ورم حلق، دانتوں اور گلے کے درد میں فائدہ ہوتا ہے ۔
اس کا پختہ پھل کھانے سے استسقاء کو فائدہ ہوتا ہے اور پتوں کا پکا سالن روٹی کے ساتھ کھانا استسقاء زقی کو دور کرتا ہے ۔ اس کے پتوں کا آگ پر مروق کیا ہوا پانی ورم جگر استسقاء اور یرقان میں مفید ہے۔
مقدار خوراک
پانچ ماشہ سے سات ماشہ تک، آب برگ، مکوسبز مروق چار سے پانچ تولہ تک استعمال کر سکتے ہیں