28/06/2026
آج کے دور میں نوجوانوں میں دل کے امراض تیزی سے بڑھ رہے ہیں، اور یہ صرف بڑی عمر کے افراد تک محدود نہیں رہے۔
20 سے 40 سال کی عمر کے نوجوانوں میں ہارٹ اٹیک، سینے کا درد، دل کی دھڑکن کی بے ترتیبی اور اچانک موت کے واقعات تشویشناک حد تک سامنے آ رہے ہیں۔
بطور ڈاکٹر میری والدین سے گزارش ہے کہ اپنے بچوں پر خصوصی نظر رکھیں۔ ویپ، الیکٹرک سگریٹ اور سگریٹ نوشی دل کی بیماریوں کے بڑے خطرات میں شامل ہیں، جبکہ کولڈ ڈرنکس، فاسٹ فوڈ اور غیر صحت مند طرزِ زندگی نوجوانوں میں شوگر، موٹاپے، ہائی بلڈ پریشر اور دل کے امراض کو تیزی سے بڑھا رہے ہیں۔
یاد رکھیں، ہارٹ اٹیک صرف بڑھاپے کی بیماری نہیں رہا۔
اپنے بچوں کو صحت مند غذا، باقاعدہ ورزش، مناسب نیند اور تمباکو نوشی سے مکمل دوری کی عادت ڈالیں۔ آپ کی آج کی توجہ ان کی آنے والی زندگی بچا سکتی ہے۔
اپنے دل کا خیال رکھیں، کیونکہ صحت مند دل ہی صحت مند مستقبل کی ضمانت ہے۔
