Super Homeo Clinic (Wah Cantt)

10/08/2026

لائیکوپوڈیم کی ہوا نہیں ٹھرتی
اردو میں ایک محاورہ ہے: ’’اس کی ہوا نہیں ٹھہرتی‘‘۔ عموماً یہ جملہ کسی ایسے شخص کے لیے بولا جاتا ہے جو ذرا سی آہٹ پر گھبرا جائے، قدم پیچھے کر لے یا بہادری کا دعویٰ کرتے کرتے اچانک غائب ہو جائے۔ لیکن ہومیوپیتھک دنیا میں لائیکوپوڈیم کی ’’ہوا‘‘ کا معاملہ کچھ اور ہی دلچسپ ہے!لائیکوپوڈیم کو دیکھیں تو یوں لگتا ہے جیسے اس کے اندر ایک چھوٹا سا سیاسی جلسہ ہر وقت جاری ہے۔ تقریر بہت بلند، دعوے بہت بڑے، اعتماد کبھی آسمان پر… لیکن جونہی عملی میدان سامنے آئے، ہوا کا رخ بدل جاتا ہے!
یہ وہ شخصیت ہے جو گھر میں کہہ سکتی ہے۔’’میں اسے ایسا جواب دوں گا کہ عمر بھر یاد رکھے گا لیکن سامنے والا آ جائے تو اندر سے ایک آواز آتی ہے:
’’فی الحال حالات کو دیکھتے ہیں، جواب بعد میں دیں گے۔‘‘
یہی لائیکوپوڈیم کا دلچسپ تضاد ہے: ذہن میں طاقت، زبان پر اعتماد، لیکن عمل کے مقام پر ہچکچاہٹ۔ خاص طور پر اجنبی لوگوں، نئی ذمہ داری، امتحان، مجمع یا کسی اہم موقع سے پہلے اندر ہی اندر خوف پیدا ہو سکتا ہے۔ آدمی جانتا ہے کہ اسے کیا کہنا ہے، لیکن عین وقت پر جیسے الفاظ بھی اس سے کہیں، ’’ہم ذرا بعد میں آتے ہیں
اردو محاورے کی زبان میں کہیں تو ہوا نہیں ٹھہرتی؛ لیکن ہومیوپیتھک زبان میں یہ صرف بزدلی نہیں، بلکہ ایک گہرا تضاد ہے۔ باہر سے خود اعتمادی کا اظہار اور اندر سے ناکامی کا خوف۔
لائیکوپوڈیم کی اصل کہانی شاید یہی ہے کہ وہ کمزور نہیں ہونا چاہتا؛ وہ کمزور نظر آنا بھی نہیں چاہتا۔ اسی لیے کبھی کبھی اس کی زبان اس کے دل سے زیادہ بہادر ہوتی ہے۔اور یوں لائیکوپوڈیم کے بارے میں مزاحاً کہا جا سکتا ہے:
لائیکوپوڈیم کی ہوا چلتی بہت ہے، لیکن ٹھہرتی ذرا نہیں

09/08/2026

اسبغول، دائمی قبض اور فوری شفا کی خواہش

قبض ایک ایسی شکایت ہے جسے اکثر لوگ بیماری سمجھنے کے بجائے صرف ایک وقتی رکاوٹ تصور کرتے ہیں۔ ابتدا میں قبض ہوئی تو اسبغول کا چھلکا استعمال کیا، اجابت ہوگئی اور مریض مطمئن ہوگیا کہ مسئلہ حل ہوگیا۔ پھر یہی معمول دنوں سے مہینوں اور مہینوں سے برسوں تک جاری رہتا ہے۔ اسبغول وقتی سہارا دیتا رہتا ہے، لیکن قبض کی اصل وجہ اپنی جگہ موجود رہتی ہے۔

کچھ عرصے بعد جب اسبغول پہلے جیسا اثر نہیں کرتا تو مقدار بڑھا دی جاتی ہے یا قبض کشا سیرپ اور دوسری ادویات کا سہارا لیا جاتا ہے۔ کچھ وقت مزید گزر جاتا ہے۔ پھر ایک مرحلہ ایسا آتا ہے جب مریض کو محسوس ہوتا ہے کہ کوئی دوا مؤثر نہیں رہی۔ تب وہ کسی ماہر معالج، خصوصاً ہومیوپیتھ، سے رجوع کرتا ہے۔ یہاں ایک اہم سوال پیدا ہوتا ہے: کیا وہ چند ہفتوں میں اس مسئلے سے مکمل نجات کی توقع کرسکتا ہے جسے وہ برسوں سے نظرانداز کرتا آیا ہے؟
تقریباً ایک ماہ قبل ایک ایسے ہی مریض نے مجھ سے رابطہ کیا۔ اس کی خواہش تھی کہ اسے ’’بہت جلد مکمل ٹھیک‘‘ کردیا جائے۔ اس خواہش کو سمجھا جاسکتا ہے۔ہر بیمار شخص جلد صحت یاب ہونا چاہتا ہے۔ لیکن علاج خواہش کے مطابق نہیں، جسم کی کیفیت اور بیماری کی مدت کے مطابق آگے بڑھتا ہے۔
اگر ایک شخص نے دس سال تک اپنی قبض کو مختلف وقتی تدبیروں سے دباتے ہوئے زندگی گزاری ہے تو مسئلہ صرف آج کی قبض نہیں رہتا۔ اس کے پیچھے خوراک، طرزِ زندگی، آنتوں کی عادات، ادویات کے مسلسل استعمال اور دیگر جسمانی عوامل بھی شامل ہوسکتے ہیں۔ اس لیے علاج کا مقصد صرف فوری اجابت کرا دینا نہیں ہونا چاہیے، بلکہ مریض کی مکمل کیفیت کو سمجھ کر مستقل بہتری کی طرف لے جانا چاہیے۔
جو شخص بیماری کے ساتھ دس سال گزار سکتا ہے، اسے علاج کے لیے چند ماہ صبر کرنے میں بھی آمادہ ہونا چاہیے۔
جلدی صحت یابی کی خواہش فطری ہے، لیکن مستقل شفا کے لیے صبر، تعاون اور حقیقت پسندانہ توقع بھی ضروری ہے۔ علاج کوئی جادوئی چھڑی نہیں۔ یہ ایک ایسا سفر ہے جس میں مریض اور معالج دونوں کو وقت، سمجھ اور مستقل مزاجی کے ساتھ آگے بڑھنا پڑتا ہے۔

18/06/2026

17/06/2026

🔊 کیا آپ کو صحیح طرح سنائی نہیں دیتا؟

کیا بار بار لوگوں سے بات دہرانے کو کہتے ہیں؟
کیا ٹی وی کی آواز دوسروں سے زیادہ رکھنی پڑتی ہے؟
کیا کانوں میں شور، سیٹی یا بھنبھناہٹ محسوس ہوتی ہے؟
کیا سماعت کی کمزوری آپ کی روزمرہ زندگی کو متاثر کر رہی ہے؟

بہت سے لوگ سماعت کے مسائل کو معمولی سمجھ کر نظر انداز کرتے رہتے ہیں، لیکن بروقت توجہ دینا ضروری ہے۔

🌿 ہومیوپیتھک طریقہ علاج میں مریض کی مکمل کیفیت، علامات اور طبی تاریخ کو مدِنظر رکھتے ہوئے رہنمائی اور علاج کیا جاتا ہے۔

ہمارے کلینک میں:

✔️ مریض کی تفصیلی ہسٹری لی جاتی ہے
✔️ علامات کا مکمل جائزہ لیا جاتا ہے
✔️ انفرادی مزاج کے مطابق علاج تجویز کیا جاتا ہے
✔️ مسلسل فالو اپ کے ذریعے پیش رفت مانیٹر کی جاتی ہے

اگر آپ یا آپ کے کسی عزیز کو سماعت، کانوں میں شور (Tinnitus) یا کانوں سے متعلق دیگر مسائل کا سامنا ہے تو رہنمائی کے لیے رابطہ کریں۔

👨‍⚕️ ڈاکٹر بنارس خان اعوان
⭐ 25 سالہ تجربہ

📍 کلینک: واہ کینٹ
📞 0301-5533966

💬 مزید معلومات کے لیے کمنٹ میں "Info" لکھیں یا واٹس ایپ پر رابطہ کریں۔

31/05/2026

⚠️ کیا وزن مسلسل بڑھ رہا ہے؟

کپڑے تنگ ہوتے جا رہے ہیں؟
سیڑھیاں چڑھتے ہوئے سانس پھول جاتی ہے؟
آئینے میں خود کو دیکھ کر پریشانی ہوتی ہے؟
بار بار ڈائٹ شروع کرتے ہیں، مگر چند دن بعد پھر وہی وزن؟

موٹاپا صرف ظاہری مسئلہ نہیں، یہ آپ کی صحت، اعتماد اور روزمرہ زندگی کو بھی متاثر کر سکتا ہے۔

🌿 ہومیوپیتھی میں ہر مریض کو الگ انداز سے دیکھا جاتا ہے۔
کیونکہ وزن بڑھنے کی وجوہات ہر فرد میں مختلف ہو سکتی ہیں، جیسے:

✔️ سست میٹابولزم
✔️ ہارمونل عدم توازن
✔️ ضرورت سے زیادہ بھوک
✔️ ذہنی دباؤ
✔️ غیر متوازن طرزِ زندگی

ہمارے کلینک میں:

✅ مکمل کیس ٹیکنگ
✅ صحت کی مجموعی کیفیت کا جائزہ
✅ انفرادی مزاج کے مطابق علاج اور رہنمائی

اگر آپ وزن کو بہتر انداز میں manage کرنا چاہتے ہیں اور صحت مند طرزِ زندگی کی طرف قدم بڑھانا چاہتے ہیں تو آج ہی رابطہ کریں۔

👨‍⚕️ ڈاکٹر بنارس خان اعوان
📍 واہ کینٹ
📞 0301-5533966

💬 مزید معلومات کے لیے کمنٹ میں "Info" لکھیں یا واٹس ایپ پر رابطہ کریں۔

💡

19/05/2026

محترم شاہد صاحب(حسن ابدال)کو اپنی کتاب پوٹنسی پیش کرنے ہوئے

19/05/2026

ہائے نی مائے : چند ماہ قبل سامنے بیٹھی بزرگ خاتون نے ملک فہیم کھوکھر کی منت سماجت کرکے جیل سے اپنا بیٹا رہا کروایا تھا اب یہ ماں پھر کھوکھر صاحب کے پاس یہ مطالبہ لے کر پہنچی ہے کہ اسکے بیٹے کو گرفتار کروا کے واپس جیل میں ڈالا جائے ۔۔۔ تفصیل یہ ہے کہ ان ماں جی کی بیٹا نشا کرتا اور فروخت کرتا تھا ، اسکو گرفتار ہو کر جیل گئے ایک ہفتہ گزرا تو یہ ماں وکیل صاحب کے پاس پہنچ گئی ۔ انہوں نے سمجھایا کہ ماں جی اسے ابھی جیل میں رہنے دو شاید سدھر جائے لیکن ماں کی ممتا کو قرار نہیں تھا ۔ اس نے واسطے اور قسمیں دے کر کھوکھر صاحب کو راضی کر لیا اور یوں چند ہفتے میں اسکے بیٹے کی ضمانت ہو گئی ، نشا باز بیٹا رہا ہوا تو چند دن بعد ماں سے لڑنا شروع کردیا اسے مارنا پیٹا تو اسکا معمول تھا گھر سے نکلتا اور ماں پوچھ لے تو کہتا، تو کون ہے مجھ سے پوچھنے والی ؟؟ چند روز قبل ماں کا گلا د۔بانے لگا تھا اور ایک بار دھکا دیا تو ماں دیوار پر جالگی ۔۔۔اب ماں جی واپس کھوکھر صاحب کے پاس آئی ہیں کہ اسکے بیٹے کو گرفتار کروائیں اور لمبے عرصے کے لیے جیل بھجوا دیں کیونکہ اس نے انہیں جینے کے قابل بھی نہیں چھوڑا ۔۔۔۔ وکیل صاحب نے حامی بھر لی ہے مگر یہ بھی کہا ہے کہ ماں جی نشا باز کا کوئی ماں باپ نہیں ہوتا اس نے باز نہیں آنا لیکن آپ نے چند مہینے بعد پھر میرے پاس آجانا ہے کہ میرا بیٹا چھڑوا دیں ۔۔ لیکن اب ماں بضد ہے کہ بے شک اسے سی سی ڈی کو دے دو میں چھڑانے نہیں آؤنگی ۔۔۔بس میری اس مصیبت سے جان چھوٹ جائے ۔۔۔ اب آپ ہی بتائیں کھوکھر صاحب کیا کریں ؟

19/05/2026