د.ولاء سعد الدين اخصائية الامراض الجلدية و التجميل الطبي و العلاج بالليزر

  • Home
  • Palestine
  • Nablus
  • د.ولاء سعد الدين اخصائية الامراض الجلدية و التجميل الطبي و العلاج بالليزر

د.ولاء سعد الدين اخصائية الامراض الجلدية و التجميل الطبي و العلاج بالليزر 0594905555
الدوام كل يوم ما عدا الجمعة من ١٠ صباحا و حتى الرابعة عصرا طبيب أمراض جلدية

02/09/2026

تحضيرات تصوير فيديوهات جهازنا الجديد

مع طاقم التصوير المحترف

هاي الحالة تتميز بظهور قشور هذه القشور تمون بدون حكة و لا الم فقط شكلها مزعج تزيد في فصل الصيف احيانا تصاحب فرط التعرق ...
01/09/2026

هاي الحالة تتميز بظهور قشور

هذه القشور تمون بدون حكة و لا الم

فقط شكلها مزعج

تزيد في فصل الصيف

احيانا تصاحب فرط التعرق

اذا كنت مهتم تعرف التشخيص و العلاج ضع تعليق

الجواب بعد قليل في التعليق المثبت

31/08/2026

الجزء الثالث و الاخير

من لقائي مع استشارية النسائية و التوليد المتميزة

د. اسماء مرعي

و الاجابة على المزيد من اسئلة المتابعين

مشاهدة ممتعه و مفيدة

30/08/2026

مريضة زارتني اليوم بتتعالج من الاكزيما من هي بيبي

عندها اكزيما شديدة

انا قد ما انقهر عليها قلتلها بدي احط قصتك بوست بركي الناس انتبهت

المريضة عندها اكزيما شديدة

الها سنوات طويلة بتستخدم كريمات الكورتزون الموضعية

حتى ع وجها مستخدمه اقوى نوع كورتزون موضوعي سنوات

لحتى صار عندها نوع من انواع الوردية

طبعا قد ما استخدمت كريمات كورتزون و لانها بستخدمهم ع مساحة كبيرة من جسمها

كان زي اكنها بستخدمه عن طريق الفم لانه المساحة كبيرة و نسبة الدوا الي بتوصل الدم نتيجة الامتصاص كمان كبيرة

للاسف كمان اثر ع طولها

ع فكرة انا جدا بحب الكورتزون و كريمات الكورتزون و قطرات الكوتزون لانها فعلا بتحل مشاكل

بس بحبها لاني بعرف استخدمها و بعرف كيف استخدمها بدون ما ااذي مريضي

و لا انعرضه للمشاكل الي ممكن تصير منها

و ما بستخدمه غير عند الحاجة و باضيق الحدود و لما ما يكون في حل تاني

و بكون مفهمه المريضة انه الاستخدام مؤقت و ع مساحة صغيرة

بس ابدا لا يعقل يا جماعة انه يكون مريض عنده مرض شديد و منتشر و انضل نقله حط كريمات

هاد بده برميل كريمات كل يوم

و هاد الشيء مش عملي و مكلف .

بدي كل يوم علبة دهون اقل شي اذا كان المرض منتشر

تاني شي الاضرار بتكون زي اكنه الواحد بشربه شرب و نسبة محترمه من المادة الفعالة الي بالدهون بتوصل للدم

المشكلة لما بيجي مريض و بنعرض عليه ادوية مثبطة للمناعة بحالات الاكزيما الشديدة و الصدفية الشديدة بروح المريض او اهله بقرؤه انه هاد الدوا تقيل او حد من القطاع الطبي بعرفش بعلم الجلدية شي بقله هاد الدوا تقيل خليك عالدهون

بعرفش انه بدمره دمار غير قابل للاصلاح

بالمناسبة فكرة اعطي المريض دهون هاي فكرة مريحة جدا الي ك طبيبه لانه فش دهون بعمل مضاعفات فورية ف المريض بحس انه احسن و بنفس الوقت الطبيب بريح راسه لا اعمل فحوصات و لا تعال الدوا رفعلك انزيم الكبد و لا صار عندك انيميا من وراه

بس هاد الحكي ما بساعد المريض بالعكس بضره
اقعد مع المريض و فهمه كل الاعراض المتحملة من الادوية و اعطيه المناسب بعد النقاش و دراسة كل الاحتمالات

و بعدها اتوكل على الله لانه هو الشافي

دائما بحكي دعمكم لمثل هذا المنشورات يمكن تنقذ مريض من شيء سيء ممكن يصير معه نتيجة التعاطي الخاطىء مع المرض سواء بالتشخيص او بالعلاج

انا بستلهم مواضيع البوستات من المواقف الي بتصير عندي بالعيادة و اليوم موقف صار معي مع وحدة من مراجعاتي الفاضلات خلاني اك...
29/08/2026

انا بستلهم مواضيع البوستات من المواقف الي بتصير عندي بالعيادة

و اليوم موقف صار معي مع وحدة من مراجعاتي الفاضلات

خلاني اكتب هذا البوست المهم بخصوص التوعية بما يخصر امراض الشعر

هاد الجهاز اسمه ديرما رولر

كتير كتير ناس بحبوه لما يكون عندهم مشاكل بشعرهم

بس هاد الجهاز يمكن يكون كارثي و مأساوي لما يكون تشخيص المرض هو حزاز فروة الرأس

للي ما بعرف شو هو الحزاز هو التهاب ببصيلات الشعر

بصير فيه فراغات للاسف لن ينمو فيها الشعر مرة اخرى لانه صار تليف

طيب ليش الجهاز هاد مضر جدا

اتركوا تعليق و لايك و تابعوا الجواب بالتعليقات عشان يوصل البوست لاكبر عدد من المتابعين

28/08/2026

لما بدنا نعالج اي مرض جلدي

طبعا بعد ما نكون وصلنا للتشخيص الصحيح (هاي قصة لحالها )

لازم نقعد مع المريض و نتناقش بخطة العلاج

فكرة انه الطبيب يكتب للمريض روشيته و يقله يلا مع السلامه بشوفك عالمراجعه هاي ممكن تزبط مع اي مريض

الا مع مرضى الامراض الجلدية المزمنه

طيب ليش

لانه امراض الجلدية المزمنه مثل الصدفية و البهاق و الثعلبة الشاملة و الاكزيما الشديدة و غيرها هي امراض مناعية

و معظم علاجاتها هي ادوية قوية و بدها متابعه

لازم المريض يعرف هاي المعادلة

و لازم يشارك الطبيب بقرار العلاج

بمعنى

لازم افهم مريضي مثلا انه خلال فترة العلاج في بعض الادوية ممنوع معها الانجاب

او مثلا الادوية الافضل لحالتك بتعمل شوية غثيان

في ادوية اقل فعالية ما بتعمل بس مثلا نتائجها ابطء

بعض الادوية بتخربش الدورة عند البنات

بعضها مثلا بلزمه المريض يتجنب التعرض للشمس و غيره و غيره

هاد الحكي لازم المريض يعرفه

اول شي عشان ما يتفاجأ لما بصير

تاني شي عشان كل واحد بعرف شو الاشياء الي بضايقه و الي ممكن تمنعه من استكمال العلاح بحال صارت معه

يعني واحد معدته فيها مشكلة بنختار اله علاج ما بعمل وجع معدة قدر الامكان طبعا

وحدة بتضايق اذا دورتها اتخربشت بنحاول نبعد عن الادوية الي ممكن تعمل هيك

في ناس مثلا طبيعتهم مش ملتزمين كتير بالدوا بنحاول نختار الهم ادوية بدها جرعات اقل اسبوعية بدل يومية

الطبيب لما بكتبلك الدوا بكون حاطط قدامه ميزان

بكفة النتائج المتوقعه

و بكفة الاعراض الجانيية

و مرات بتكون الحالة بسيطة

بس مش متجاوبة عالعلاج الموضعي

مثلا صدفية بسطية اكم بقعه بس بطلت الدهونات تحيب معها نتيجة

بهاي الحالة انا مثلا ما بفضل نروح لدوا عن طريق الفم

لانه بشوف انه مش محرز عشان اكم من بقعه خصوصا اذا فش فيهم اعراض مثل حكة او ما شابه

اني اعرض مريضي لدوا تقيل

و احيانا ممكن نعطي اذا المريض الموضوع عامله ازمه و معطل حياته

يعني باختصار كل حاله بحالتها و كل مريض بنتعاطى معه بطريقة مختلفة

بس الخلاصة انه النقاش بين المريض و الطبيب جدا مهم

عشان نقدر نختار العلاح المناسب لكل حالة حسب ظروف المريض و ووضعه الصحي و كلفة العلاج و غيرها من المعطيات

اما نظام يدخل المريض و اكتبله روشيته و خلصنا ف اعتقد انه هاد الحكي انقرض بالذات في الذماء الاصطناعي

ختاما ما تخلوا حاجتكم للعلاج تخليكم تاخد اي شي و اي علاج بس عشان تتحسنوا و ما تحسبوا العواقب لقدام

28/08/2026

اسعد الله صباحكم بكل الخير

استكمالا للبوست الي حطيته امبارح عن انه بعض الناس

بتتبع الترويج اكتر من انه بتختار الي بناسبها

سواء منتجات او حتى جلسات

سواء جلسات ليزر او حقن

[رح اترك رابط البوست باول تعليق للي ما قرؤه]

كتير ناس بفكروني ضد المنتجات و ضد الجلسات

و هاد الحكي ابدا مش صحيح

انا ضد الطريقة الي بنقدمهم فيها

و بنسوقلهم من خلالها

بمعنى

انا طبعا بوصف لمرضاي كتير من المنتجات المهمة الهم و لعلاج مشكلتهم

بس عمري ما بحكي لمريض او مريضة استخدمي هاد المنتج امن تماما

لانه كل كريم اله اعراض جانبية

او مثلا رح يعطيكي اشراق من اول استخدام

او رح يحل كل مشاكلك

لانه هاي العبارات هي عبارات تسويقية رخيصة بنفع نسوق فيها لاي شي الا صحتنا

انا بالنسبة للجلسات و الحقن

انا من سنة ٢٠١٨ لما فتحت عيادتي جبت عدد كبير من و اجهزة الليزر لكل الاستخدامات و لله الحمد

و بعضها كان بوقتها الوحيد في فلسطين

الوحيد حرفيا مش الوحيد زي وحيد هالايام

و بالعيادة عندي معظم ابر الحق الطبي

بس بنرجع للنقطة الاولى

بتيجي المريضة بتقولي اعمليلي جلسة ليزر لعلاج التصبغات

بقلها حالتك طبيا ما بتتعالج بالليزر

حالتك بتتعالج بالكريمات

او حالة عندها صلع وراثي بتقولي اعمليلي جلسات حقن

بقلها حالتك ما رح تتجاوب عالحقن او رح تتجاوب بشكل بسيط حلك ادوية مش جلسات

سواء بخاخات او ادوية عن طريق الفم

في ناس بتقتنع و في ناس للاسف بضل تكابر و بضل تلف و بالاخر برجعوا بعد ما نكون خسرنا وقت و فلوس و الامور زادت سوء

الخلاصة يا جماعة الحقن الطبي شيء جميل و الجلسات رائعه و المنتجات بتجنن بس ان استخدمت بمكانها الصحيح و للحالات الي بلزم علاجها هاد النوع من العلاج

انا مشكلتي مش مع الجلسات او المنتجات بحد ذاتها

انا مشكلتي الحقيقية بالطريقة الي بتروج من خلالها هاي الاشياء

على انه حاجة لكل الناس

و اذا ما عملت الجلسة الفلانية او استخدمت المنتج الفلاني ف انت مقصر بحق حالك

و رفع سقف التوقعات لاعلى درجة الي غالبا هاد السقف بوقف ع راس المريض بعد ما يكون خسر فلوسه ووقه و احيانا صحته

جمعة مباركه

27/08/2026

اليوم اجتني مراجعة تعاني من حب الشباب

قالتلي جملة اختصرت بشكل رائع فكرة دائما بطرحها

بس هي حكتها بطريقة جميلة

حرفيا بتوصل الفكرة الي براسي بس بكلمات قوية

لما ورجتني شو بتستخدم اشياء

قلتلها بدي ادلك ع شيء للمستقبل كيف تشتري واقي الشمس انا ما بلزمك بواقي معين بس بدي انك تعرفي كيف تشتري واقي الشمس حتى لو ما رحتي ع دكتور

انتي بشرتك دهنية لانها بطلع حبوب

و لما بدك تشتري واقي شمس للبشرة الدهنية

لازم يكون مكتوب عليه

For oily skin او acne prone skin

مش ل all skin type زي الي كان معها

و بهاي اللحظة حكتلي الجملة العبقرية

قالتلي احنا بنمشي ورا الترويج مش ورا الي بناسبنا

و عنجد هون كان نفسي اقلها شكرا ١٠٠ مرة ورا بعض لانها جابت اصل المشكلة

الي بصير مع الصبايا الله بعانوا من مشاكل جلدية

انهم بحاولوا يدورا ع حل

غالبا الحل بدهم اياه بعيدا عن الاطباء و انا بتفهم ذلك لانه في هاد الزمن كثرة الاعلانات الترويجية الي بقوم فيها حرفيا كل حد اله صفحة عليها شوية متابعين بتخلي الوحدة ترد علبهم

خصوصا اذا الصفحة علبها كتير متابعين

و بالتالي بنشتري المنتج او بنعمل الجلسة

و النتيجة صفر

ف انا يا مريضتي العزيزة من يوم و طالع رح استخدم كلمتك مع باقي مرضاي

و احكيلهم ما تمشوا ورا الترويج امشوا ورا المناسب

الي هو بالمناسبة اقل بكتير من الي بتروجلكم انه بشرتكم بتحتاجه

الشيء الاساسي لمعظم الناس الي هو واقي شمس

و بعد هيك.كل حالة بحالتها حسب عندك تصبغ او حب شباب او مسام واسع كل شي اله حل

اما ما تشتري ٥٠ منتج و تحطيهم جنب بعض لانه ٩٩ % منهم عالفاضي

لا بل و سوف يزيدوا الامر سوء

عطلة نهاية اسبوع سعيدة 🩷

26/08/2026

في هذة الفقرة تجيب د.اسماء مرعي استشارية النسائية والتوليد على المزيد من الاسئلة
مشاهدة ممتعة
Asma Merei

Address

حي البساتين , امتداد شارع سفيان , بالقرب من دوار الملك حسين
Nablus

Opening Hours

Monday 10:00 - 16:00
Tuesday 10:00 - 16:00
Wednesday 10:00 - 16:00
Thursday 10:00 - 16:00
Saturday 10:00 - 16:00
Sunday 10:00 - 16:00

Telephone

0594905555

Website

Alerts

Be the first to know and let us send you an email when د.ولاء سعد الدين اخصائية الامراض الجلدية و التجميل الطبي و العلاج بالليزر posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د.ولاء سعد الدين اخصائية الامراض الجلدية و التجميل الطبي و العلاج بالليزر:

Shortcuts

Share

Category