30/05/2026
لما حد يحاول يثبت طول الوقت إنه أحسن منك… افهمي الرسالة: أنتِ عامل قلق جواه
من أكتر الحاجات اللي بتسعدني بهدوء…
إني أكون فاهم الشخص اللي قدامي كويس جدًا،
وقاري دوافعه من غير ما أفضحه، الموضوع مُسلي جدا بالنسبالي
أشوف التناقض بين كلامه وسلوكه،
أفهم هو بيحاول يثبت إيه، سواء معايا او مع غيري
وألاحظ اللحظة اللي بيبدأ فيها يقلل من غيره
علشان يرفع إحساسه بنفسه.
في علم النفس، ده قريب من مفاهيم زي:
Projection
يعني الإسقاط النفسي،
لما الشخص يطلع نقصه أو غيرته أو خوفه على غيره.
وقريب كمان من:
Compensatory Superiority
يعني إحساس متضخم بالتفوق
بيظهر كتعويض عن شعور داخلي بالنقص أو التهديد.
علشان كده،
لما تلاقي حد طول الوقت بيحاول يثبت إنه أذكى،
أجمل،
أرقى،
أعلى،
أو إن ذوقك مش عاجبه…
ما تاخديش كلامه كحقيقة عنك.
أحيانًا هو مش بيقيّمك.
هو بيحاول يهدّي الصراع اللي جواه.
او بيعرفك تفاصيل علشان يبقي انا جامد اهو حتي شوف😂
وأجمل مرحلة توصل لها؟
إنك تفهم كل ده…
وتسيبيه يمثل.
تسيبيه يبالغ.
تسيبيه يحاول يطلع نفسه أحسن.
وأنتِ من جوه عارف
بتضحك وشايف الصوره كامله.
**مش كل نقد موجه لك معناه إن فيك عيب…
أحيانًا هو مجرد اعتراف غير مباشر
إن وجودك لمس نقصً عند شخص تاني😎
#العلاقات
الغيرة
القوة_الناعم
