10/05/2026
لو انت مريض سكري هاك اقرا الكلام ده:
يا جماعة مرض السكري ممكن يبقى "صديق" بس محتاج معرفة في الظروف الحالية دي أهم حاجة هي منع "الهبوط الحاد" أو "الارتفاع الجنوني".
قاعدة الـ 15: لو حسيت بررجفة، زغللة، أو عرق بارد (ده ممكن يكون هبوط)، طوالي أشرب نص كباية عصير أو موية بسكر، وانتظر 15 دقيقة وقيس تاني.
بدائل الوجبات: لو "الرغيف" عدم، البدائل المتاحة زي (البليلة العدسية، الفول بدون زيت كتير، أو القراصة بنخالتها) بتنظم السكر أحسن لأنها أليافها عالية.
تخزين الأنسولين: لو الكهرباء قاطعة، أحفظ الأنسولين في "الزير" أو "النقاع" في مكان فيهو تيار هواء، ده بيحافظ عليهو بدرجة حرارة مناسبة أحسن من الغرفة.
الجروح: لو بتمشي مسافات طويلة، عاين لرجليك يومياً. أي جرح صغير ممكن يكبر، نظفو بموية وملح (محلول ملحي) وغطيهو بشاش نظيف لغاية ما تصل لزول مختص.
أهم من الدواء، هو إنك ما تقطع الموية. اشرب موية كتير عشان تحمي كلاك من نواتج السكر العالي."
