Bay Regional Hospital

25/08/2026

OGEYSIIS MUHIIM AH

Waxaa farxad noo ah inaan bulshada la wadaagno in ay Regional Hospital soo gaareen dhakhaatiirtii la sugayay, kuwaas oo uu hoggaaminayo Dr. Bashiir Sheekh Cumar.

Dhakhaatiirtu waxay berri si rasmi ah u bilaabi doonaan shaqada, waxaana ay isbitaalka joogayaan muddo 7 maalmood ah, si ay u bixiyaan adeegyada caafimaad ee loogu talagalay bulshada.

Dadkii h**ey isu diiwaangeliyey, waxaan ugu bishaaraynaynaa in dhakhaatiirtii ay soo gaareen, ayna berri bilaabayaan shaqada.

Maadaama ay dad badan h**ey isu diiwaangeliyeen, maalin kasta waxaa taleefan lagu soo wici doonaa dadka la qaabilayo, iyadoo tirada bukaannada la qaabilayo maalin kasta loo qorsheyn doono si nidaamsan.

Sidaas darteed, waxaan ka codsanaynaa dhammaan dadkii isdiiwaangeliyey inay la socdaan taleefannadooda, isla markaana ay diyaar u ahaadaan marka lala soo xiriiro.

Mahadsanidiin, waxaana idiin rajaynaynaa caafimaad iyo kheyr.

25/08/2026

🏥 OGEYSIIS MUHIIM AH

Bay Regional Hospital wuxuu bulshada ku wargelinayaa in maalmahan uu isbitaalka joogo Dhakhtar ku takhasusay Lafaha iyo Kala-goysyada (Orthopedic Specialist), kaas oo isbitaalka joogi doona muddo hal toddobaad ah.

🦴 Haddii aad qabto dhibaato la xiriirta:

- Lafaha iyo kala-goysyada
- Xanuunka dhabarka
- Jab ama dhaawac lafaha ah
- Xanuunka jilbaha, miskaha ama garbaha
- Dhibaatooyin kale oo la xiriira lafaha

Waxaan bulshada ku dhiirrigelinaynaa inay fursaddan ka faa’iideystaan oo ay soo booqdaan Bay Regional Hospital inta uu dhakhtarku joogo.

📍 Goobta: Bay Regional Hospital, Baydhabo

Caafimaadkaaga mudnaanta sii — fursaddan ha seegin. 🏥❤️

23/08/2026

Qaliin Lagu Guuleystay 🏥❤️

Bay Regional Hospital waxaa lagu sameeyey qaliin guul leh oo looga daweynayo Mama Xabiibo Mohamed Abdirahman, oo muddo la xanuunsaneyd Gooytar (Goiter).

Qaliinka waxaa si guul leh u fuliyey Dr. Xaaji Sayid, oo ka mid ah dhakhaatiirta qalliinka ee ka howlgasha Bay Regional Hospital.

Waxaa xusid mudan in qaliinka iyo dhammaan adeegyada caafimaad ee loo fidiyey bukaanka ay ahaayeen bilaash, iyadoo qaliinnada noocan oo kale ah ay caadi ahaan ku baxaan kharash badan. Bay Regional Hospital waxay ka shaqeysaa in bukaanada ay helaan daryeel caafimaad oo tayo leh, lacag la’aan ah.

Mama Xabiibo waxay mahadnaq u jeedisay dhammaan maamulka, dhakhaatiirta, kalkaaliyeyaasha iyo shaqaalaha isbitaalka, iyadoo ku faraxsan natiijada wanaagsan ee qalliinka.

Bay Regional Hospital – Caafimaad iyo Daryeel, Bilaash oo Lagu Kalsoonaan Karo. 🏥❤️

23/08/2026

https://www.facebook.com/share/v/18zUxXLTQ2/

23/08/2026

Fariin Muhiim ah 🚑

Waxaan ka codsaneynaa dhammaan dhinacyada ay khuseyso in la ixtiraamo oo la fasaxo gawaarida ambalaaska, gaar ahaan xilliyada xaaladaha degdegga ah iyo dagaallada.

Ambalaasyadu waxay ku howlan yihiin daad-gureynta dadka dhaawaca ah iyo gaarsiintooda goobaha caafimaadka si ay u helaan adeeg degdeg ah. Badbaadinta noloshu waa masuuliyad wadajir ah.

21/08/2026

17/08/2026

Mahadnaq

Maamulka Bay Regional Hospital wuxuu si gaar ah ugu mahadcelinayaa dhammaan shaqaalaha isbitaalka sida hufan, geesinimada iyo dadaalka dheeraadka ah ay uga jawaabeen xaaladdii degdegga ahayd ee saaka.

Waxaan si gaar ah u bogaadinaynaa shaqaalihii xalay ku jiray shift-ka oo aan ka daalin adeegga bulshada, iyo dhammaan intii aroortii h**e dadaalka dheeraadka ah bixisay.

Mahadsanidiin dadaalkiinna, dulqaadkiinna iyo naf-hurnimadiinna. Bulshadeennu way idinku faantaa. ❤️👏

Maamulka Bay Regional Hospital

11/08/2026

Wargelin Muhiim ah